Día a Día

Logo de anos de protestas, o informe de avaliación ambiental desfavorable do parque eólico Albariño I, en Oia, Tomiño e Baiona, dá esperanza a colectivos coma SOS Groba. Hoxe contactamos cun dos seus membros, Bruno Centelles.

Hoxe ás 21.00 h impartirase unha charla no centro cultural A Insua de Caldelas sobre o Plan Municipal de Compostaxe, e farase tamén entrega de composteiros individuais. Hoxe pasou pola nosa sintonía Sara Luque, mestra composteira, para falar do plan especial que queren levar a cabo en Caldelas, para que sexa a primeira parroquia de Tui na que comece a entrega masiva de composteiros.

Hoxe chega ao seu fin a vixésimo segunda edición do Congreso Internacional de formación para o traballo Norte de Portugal-Galicia que se celebra dende onte na Escola Superior de Ciencias Empresariais de Valença. Onte os participantes visitaron o conxunto histórico de Tui, e puidemos falar con Margarita Valcárcel, docente da Universidade de Santiago de Compostela, para explicar de que se trata este...

Este sábado Tui acollerá dende as 10 da mañá a cuarta edición da Regata Eurocidade, organizada polo Club Remo Tui. Diego das Dores e Aroa Rendo, membros da súa directiva, pasaron esta mañá por Día a Día para contarnos os detalles desta proba.

Mañá venres ás 22 h terá lugar o xa tradicional campionato de tute na casa cultural do Anxo, en Pazos de Reis. Hoxe estiveron na nosa sintonía José Ángel Villaverde e Gonzalo González para explicar en que consiste.

A aula da UNED de Tui retoma a actividade neste novo curso con novidades e tamén con cursos tradicionais renovados. Minerva Ojeda, coordinadora da aula, estivo no programa Día a día para presentar os proxectos para os que aínda está aberta a inscrición.

O equipo do festival Play Doc impulsa agora un novo proxecto enfocado á formación e sinerxias entre produtores en Galicia. O seu nome é Ventura, e comezará no mes de decembro con encontros profesionais, evento aberto ao público, retiro nunha casa rural en Tui, e moito máis. Falamos con Ángel Sánchez, codirector do Play Doc.

Hoxe celébrase o Día Mundial do Alzheimer. Por este motivo hoxe acompañáronnos no programa Día a Día Ismael Diz, concelleiro de Servizos Sociais, Carmen González, traballadora social, Beatriz Rodríguez, psicóloga de AFAGA, para dar conta das actividades previstas tanto esta tarde coma ao longo do ano en Tui.

Falamos do programa “Vacacións en paz”, posto en marcha pola Asociación Galega de Apoio ao Pobo Saharaui (Sogaps), que impulsa o acollemento de nenos e nenas saharauis en Galicia durante os meses de verán. Hoxe estivo no programa Día a Día Maite Isla, presidenta da Asociación Galega de Apoio ao Pobo Saharaui, quen fixo balance dos acollementos deste ano, e Julio Solleiro, membro da familia acolled...

Mañá mércores ás 11.30 h será inaugurado o Centro Municipal de Piragüismo Quique Míguez, e unha hora despois será presentada a Estratexia e Plan de Acción da Eurocidade Tui-Valença. A estas dúas citas destacadas refereiuse hoxe na nosa sintonía o alcalde de Tui, Enrique Cabaleiro.

O deputado popular tudense Moisés Rodríguez foi nomeado coma coordinador interparlamentario do grupo popular. Hoxe explicaba no nosa sintonía cal vai ser o seu papel, e que este novo cargo supón un reto apaixonante. Tamén falaba da situación do seu partido

O programa Feminino Plural continúa na aula da UNED de Tui, achegándose ao seu fin neste mes de setembro. Pero aínda quedan tres citas e segue aberta a inscrición para calquera muller que o precise. Hoxe volveu á nosa sintonía Priscila Retamozo, politóloga, axente de igualdade e coordinadora do programa para presentar esas actividades que aínda quedan. A primeira delas terá lugar mañá ás 10 h e é...

O próximo luns 3 de outubro comeza no centro sociocomunitario de Tui (rúa Colón) un curso de diseño e impresión 3D para todas as idades. Os alumnos e alumnas poderán coñecer como se empregan estas impresoras, que permiten construir pezas de calquera forma e tipo cun material de plástico biodegradable. Ramón Sánchez, quen impartirá dito curso, estivo no programa Día a Día presentándoo.

Mañá ás 17.30 h sairá dende Salvaterra de Miño o 51 Descenso Internacional do Miño. 450 padeeiros e padeeiras de 39 clubs. Unha hora aproximadamente de percorrido até Tui, na que este ano terán a marea comezando a subir, o que fará se cabe máis dura a proba, coma explicaba Manuel Pedrares, técnico do Kaiak Tudense.

A Quinta de Tui Futsal terá un dobre debut ligueiro especial esta fin de semana. Os seus equipos cadetes e infantís xogarán por primeira vez a Liga Galega, un dobre reto deportivo e loxístico. Falamos con Xacobe Morais da ilusión que supón esta competición.

Esta fin de semana celébranse as festas na honra á Virxe das Dores en Guillarei. O programa festivo comeza hoxe e prolongarase até o próximo luns. Hoxe estiveron na nosa sintonía o presidente da Comisión de Festas, Daniel Dacosta, e a vicepresidenta, Pilar Gregores, que amosaron tamén a ledicia por contar con Chola, Laura Villaverde, para o pregón de hoxe.

Este sábado terá lugar na praza de San Fernando o I Encontro de Folclore da Raia, organizado pola Asociación do Traxe Tradicional de Tui. Será un evento onde dita Asociación estará acompañada polo Rancho Folclórico e Cultural de San Juliao de Valença e o Rancho de Fiestras, da Treboada Virxe do Alivio de Tomiño e das pandereteiras Lagharteiras (coa tudense Uxía Diz). Hoxe estivo no programa Día a...

A vella Ponte Internacional foi hoxe o escenario das demostracións de distintas probas do coche autónomo conectado á rede 5G do CTAG que forma parte do proxecto 5G-MOBIX. Na Eurocidade Tui-Valença presentáronse hoxe as conclusións e resultados deste proxecto no que participan máis de 50 socios de 13 países europeos.

O próximo 3 de outubro comeza o programa "Yo Emprendo" no Concello de Tui para fomentar o emprendemento, acompañar a mocidade e futuros emprendedores e apoiar a aqueles que estén nesa búsqueda de opcións laborais. Está enfocado a menores de 30 anos que estean inscritos na Garantía Xuvenil, na Oficina de Emprego, e que non estean actualmente cursando ningunha formación reglada. Hoxe estiveron na no...

A Plataforma en Defensa da Sanidade Pública en Tui organizou unha recollida de sinaturas no centro de saúde de Tui. Será mañá, xoves, dende as 9 ata as 12:30 h. Hoxe falamos coa voceira desa plataforma, Conchi Martínez, que nos falou das mobilizacións e obxectivos que teñen preparados para este mes, entre os que tamén está a mellora do servizo de fisioterapia en Tui.

Neste novo curso 2022-2023 implantouse a nova lei educativa, a LOMLOE ou Lei Celáa, no seu segundo ano, e o fixo nos cursos impares de 1º, 3º e 5º de primaria, 1º e 3º de secundaria e 1º de bacharelato. Hoxe falamos co director do IES San Paio, Miguel Abraira, sobre esta implantación e sobre os novos proxectos e programas que encara a comunidade educativa neste novo curso.

O alumnado de infantil tamén voltou esta semana ás diversas aulas do CRA Mestra Clara Torres. Falamos coa súa directora, Marta González Quintana da actualidade do centro, as obras acometidas e as pendentes e do premio recibido o pasado ano como mellor colexio de España.

Falamos con Priscila Retamozo no noso habitual espazo semanal dedicado ao programa Feminino Plural. A coordinadora expón as actividades que terán lugar esta semana, abertas a todas as mulleres interesadas.

O alcalde de Tui, Enrique Cabaleiro, valorou hoxe na nosa sintonía os positivos datos que o mes de agosto nos deixan en canto ao Camiño de Santiago na cidade. Tui foi o segundo punto de partida de peregrinos e peregrinas cara Compostela, dende aquí sairon case a metade das 17.300 persoas que realizaron o Camiño Portugués, que foi o segundo máis transitado.

Tomiño celebra esta fin de semana as festas do Alivio que volven tamén a normalidade tras dous anos atípicos debido á covid. Mañá ás 21 h no Seixo celebrarase o acto cívico no que será homenaxada a chef tomiñesa Toñi Vicente. Hoxe no programa Día a Día estiveron Sandra González, alcaldesa de Tomiño, e Toñi Vicente.