Ormstungur

Varúð!!! Þessi þáttur er ekki fyrir viðkvæma enda er eitt mesta níðingsverk Íslendingasagnanna undir. Jafnvel tvö. Það dugar ekki minna en að hringja í doktor til að fá bókstaflega úr því skorið. Hlustið á eigin ábyrgð.

Keli nær vopnum sínum á ný. Sammi situr í súpunni. Eyvindur kemur austur að austa alveg að fjöllum þegar hann er veginn aaalsaklaus. Þetta fíla menn fyrir vestan ekki og neita að koma nálægt þessum austfirðingum aftur.

Við höfum oft verið í reknir á gat þegar upp koma lagadeilur í sögunum sem við förum yfir. Þess vegna kölluðum við til okkar sérfræðing í lögfræði miðalda. Friðbjörn Garðarsson er lögmaður og áhugamaður um Íslendingasögurnar. Farið var yfir Grágás, refsingar og Flosareið svo eitthvað sé nefnt. Hlustið og njótið!

Kristín Ragna Gunnarsdóttir getur skreytt sig með mörgum höttum. Fyrst og fremst er hún sögumaður. Hefur henni tekist að  glæða norrænu goðsagnirnar með öllum sínum kynjaverum lífi og þannig kynnt þær fyrir ungum sem öldnum. Spjallið fór um víðan völl, meira að segja alla leið á Hvolsvöll.   Hlustið og njótið!