Diario cultural | Noite

“O inferno que viviron estas mulleres é moi descoñecido para a poboación”. Montse Fajardo pescuda, no ensaio Caídas, a historia do Patronato de Protección a la Mujer, e a súa incidencia en Galicia.

Silvia Penas, Silvia Mota Lopes, ‘De Ninghures’ e ‘Os Quatro e Meia’ reciben os premios da música e da poesía galego-portuguesas

O Festival de Órgano de Vigo '8 pés' é un ciclo de concertos organizado pola Orquestra Clásica de Vigo e protagonizado polo órgano Lope Alberdi. A exposición 'Arqueoloxía do pequeno, arqueoloxía do invisible', organizada en colaboración co CSIC, amosa as posibilidades das novas tecnoloxías na investigación arqueolóxica.

Otero Baena foi un pintor sen pinceis e con ese título se presenta a mostra que podemos ver no Museo de Pontevedra. O Simposio Luísa Villalta afonda este outono na figura e na obra da autora das Letras 2024.

O novo libro de poemas de Pilar García Rego 'Desaparecer' esculca nas fendas da vida, deténse nas arestas, nos ocos polos que a vida esvara. O poemario é a procura do sentido da vida nas fisuras, nas incisións e no seu derrubamento. A obra constrúese a partir dunha pregunta sobre a valentía e a súa razón de ser.

O espectáculo 586 cantos pon en valor o papel da poesía popular oral e das cantareiras. A iniciativa do Museo do Pobo Galego revisa e recrea o legado de Dorothé Schubarth

A deseñadora Uqui Permui publica Sempre libres e vivas, un libro que documenta e percorre a evolución durante oito anos da campaña “En negro contra as violencias”. E ademais As gardiás, a nova montaxe de Teatro de Ningures

A reflexión sobre os principais modelos didácticos e a súa influencia no ensino da filosofía ou a incidencia da Intelixencia Artificial nas III Xornadas Internacionais de Didáctica da Filosofía que se desenvolven na USC. E ademais a serie La ciudad de los muchachos

Javier Otero estrea a ópera Pálido punto azul, unha reflexión sobre a insignificancia, tamén sobre o ser o estar e o parecer. E ademais Uma historia pequena da Galiza rural

O Foro “Pensar para adiante. Culturas Artes e Identidades” inaugura os “Foros Grial. Galicia 2050”. E despois Compostela Ilustrada

Héctor Francesch presenta o seu traballo dos últimos anos. "Cadros que nunca pintei" é unha aposta pola creatividade e o soño. 62 obras na mostra que se pode ver na sede de AFundación na Coruña. E despois "Esperpento. Arte popular e revolución estética"

Narciso de Gabriel recolle os debates e ideas que documentan o afastamento das mulleres da educación no volume Xogar coa pólvora. A educación das mulleres e as mulleres como educadoras

O jazz galego protagoniza o Festival de Jazz de Lugo. 24 concertos, tres escenarios, 17 días na 34 edición cunha importante presenza de compositoras e intérpretes.

Formas breves de pensamento é o substrato da obra de Luísa Villalta, segundo Luciano Rodríguez. O investigador, responsable da edición do volume que publica Galaxia, presenta os materiais inéditos do legado da escritora.

Información cultural.

A diversidade de técnicas e formatos singulariza a 29ª edición de Galicreques. O Festival Internacional de Títeres acolle ata o 20 de outubro 60 funcións de 30 compañías. Eduardo Rodríguez Cunha, Tatán, recolle o premio de honra.

Máis de 20 estreas en Vertixe Sonora 12. Distintos espazos da cidade de Vigo acollen a nova edición do Festival Internacional de Creación Contemporánea. E ademais o galego nos actos funerarios

Os riscos e oportunidades da IA abre a xornada sobre A innovación nas librarías. A Federación de Librarías de Galicia reflexiona sobre as oportunidades da tecnoloxía no sector. E ademais o primeiro disco de Breo

Morreu o Demo recibe o recoñecemento de UNIMA. A recuperación da marioneta tradicional galega e, en particular, de Barriga Verde recibe un dos certificados da Asociación Internacional de Marioneta. E ademais a mostra “Simultánea”

Un camiñar labiríntico nunha espiral que se vai pechando, Antonio Seijas fala do seu novo libro de poemas Os oito mitos de Palermo. E ademais a mostra Novos Imaxinarios, a creación cinematográfica alén da pantalla

Verdeveras estrea en coprodución co CDG a obra“As formas do amor”. E ademais “O raposo na fronde” de Eva Moreda