RSG Kuns

Christelle Webb-Joubert gesels met uitvoerende vervaardiger Tiaan Kirsten-Lubbe oor Scenario Produksies en die Centurionteater se planne vir 2026.

Die uitvoerende hoof van die Suidoosterfees, Jana Hatting, vertel van 2026 se feeshoogtepunte.

Vervaardiger Franco Prinsloo gesels oor Die Karoo Kunslied, wat te sien is by die KKNK.

Vervaardiger Carin Bester neem twee “performance art”-stukke na die My Body My Space-fees in Entokozweni. Sy vertel van Plastic Not So Fantastic en Blinker.

Terrance April gesels met aktrise Fiona Ramsay oor die toneelstuk, The Opera Singer.

Die liedjieskrywer, musikant, sanger en aktrise, Frieda van den Heever, vertel van die produksie, Stille Vuur, by die KKNK. Saam met haar op die verhoog is Coenie de Villiers, Mauritz Lotz en Deon Meyer.

Die kunskurator en galery-eienaar van Hugo Modern, Jeanne Hugo, vertel van die vonds wat sy ontdek het. Sy vertel van die kunstenaar André Groenewald.

Cornelia Casaleggio is verantwoordelik vir die bemarking en kommunikasie van die Winelands Philharmonic Orchestra. Sy verel van hulle konsert, Classical Kaleidoscope.

Die Charl du Plessis Trio vier hulle 20ste bestaansjaar. Charl vertel hoe hulle ontstaan het, wie deel is van die trio, en van hulle hoogtepunte.

Die dramaturg en regisseur, Nicola Hanekom, vertel van haar nuwe plekspesifieke stuk by die KKNK, Die gebed van ‘n halfmens.

Cobus du Toit is een van Suid-Afrika se voorste fluitspelers, wat hoofsaaklik in Amerika werk en woon. Hy is tans in die land te sien in 'n reeks konserte. Terrance April het met hom gesels.

Margit Meyer-Rodenbeck is te sien in OUMA EN DIE OU KOEIE en RONDOMTALIE by vanjaar se KKNK.

Christelle Webb-Joubert het vir Ilana Maree gevra om oor Christiaan Diedericks se kunsnalatenskap en sy druktegniek te gesels. Ilana is ‘n visuele kunsopvoeder by die kunssentrum, PJ Olivier, in Stellenbosch. Sy bied die praktiese vak, drukkuns, daar aan.

Marnè Jooste, bemarking- en kommunikasiebeampte van die Afriforumteater, vertel wat alles in Maart te sien is by die teater.

Cailyb Prinsloo van Spark in the Dark verduidelik wat Play Things is, en wat gehore kan verwag.

Christiaan Diedericks, wat in 2025 oorlede is, se lewe en werk word gevier by die Breytenbach-galery op Wellington. Christelle Webb-Joubert het met sy vriendin, Aretha du Rand, gesels.

Dit is weer tyd vir die Johannesburgse Filharmoniese Orkes se eerste konsertseisoen van die jaar. Terrance April gesels met Magdalena de Vries, perkussiespesialis oor die verskillende werke wat uitgevoer sal word.

Die Dramadepartement van die Universiteit Stellenbosch se volgende produksie, Fok jou in my Spaceship, open einde Februarie. Christelle Webb-Joubert gesels met die regisseur, André Gerber.

Die toneelstuk, Die ander dogter, sou by 2025 se Woordfees debuteer, maar weens onvoorsiene omstandighede kon dit nie open nie. Die produksie debuteer wel by vanjaar se KKNK in Oudtshoorn. Christelle Webb-Joubert gesels met prof. Naomi Morgan oor die boek waarop die stuk geskoei is, en wat sy uit Frans uit vertaal het.

Liewe Heksie Word Gescam is te sien by die KKNK. Margit Meyer-Rodenbeck wat die stuk geskryf het en die regie behartig, vertel meer.

THE FIREBIRD/DIE VUURVOËL is 'n klassieke ballet wat in 1911 geskep is, op musiek van Igor Stravinski. 'n Splinternuwe kontemporêre weergawe van die werk word in Kaapstad opgevoer. Een van die uitstaande kenmerke van die werk is die poppe wat gebruiik word. Terrance April gesels met Janni Younge oor die produksie.

Die veelbekroonde ANNIE+HELEN is te sien in Pretoria. Christelle Webb-Joubert gesels met die dramaturg en regisseur, Hennie van Greunen, asook met Judi Hattingh, wat die rol van Helen vertolk.

Die artistieke direkteur van die Franschhoek Kamermusiekfees, Peter Martens, vertel van die tien konserte by vanjaar se fees, wat plaasvind van 12 tot 15 Februarie.

Mzansi Chamber Music Collective is 'n organisasie wat kamermusiek bevorder, met die aanbied van talle konserte waar plaaslike kunstenaars kan optree. Terrance April gesels met Francois Combrinck oor die verskillende konserte in die eerste helfte van die jaar.

Die aktrise Mandri Sutherland vertel van haar eenvrouvertoning, Vrou ens. 1.2