MDR Serbja – druha snědań

Dźensa zaběramy so z twarnišćemi we Łužicy, z IT-serwisom a pohladamy do Čěskeje.

Dźensa je dźeń šefa. Wo poćahu mjez šefami a sobudźěłaćerjemi je tež tójšto serbskich spěwow nastało - my je wam předstajimy. A: sće hižo raz něšto wo bouba-kiki-efekće słyšeli?

W Kulowje maja nowostku: Kupkec pjekarnju a konditarnju je mjenujcy wot zašłeho pjatka na nowym městnje. Naš reporter Beno Šołta bě dźensa rano tam live na městnje!

Domowina pyta za nowu wólbnu dobu kandidatki a kandidatow za radu Załožby. Předstajimy wam mjez druhim kak dźěło w radźe wupada, kelko časa sej to žada a kotre nadawki w přichodźe čakaja.

Dźensa na dźeń před lět 30 lětami - potajkim 13. oktobra 1996 - bu prěnje wudaće Pěskowčika ze serbskej synchronizaciju wusyłane. Słyšimy tež wo naprašniku mikrocensusa a wo wuměłstwje.

Trjebamy nowe, aktualne "Stawizny Serbow"? To smy so mjez druhim stawiznarku Serbskeho instituta prašeli. Naš Dundak je kónc tydźenja narodniny woswjećił - a sportowało so we Łužicy wězo tež zaso je.

DUNDAK swjeći swoje 10. narodniny. A štó su lawreaća lětušeho Myta Domowiny.

Powołanske wiki běchu wčera třeći raz w Ralbičanskej šuli - tež Serbski rozhłós bě tam wězo na městnje. Zaběramy so tež z bobrom, kotryž je so po wjace hač 200 lětach do regiona nawróćił.

Rozprawjamy wo wčerawšim symboliskim zarywje za Serbski forum wědy při Lawskim arealu, pohladamy na powołanske wiki w Ralbicach a: znajeće tak mjenowane 'squishy-je' ?

Rěčimy wo přichodnym wusměrjenju Kamjenskeje chorownje, předstajimy łužisku spěwarku Barbaru Kayserowu a rozkładźemy rozdźěl mjez wjedźenjom a wodźenjom.

Rozprawjamy wot demonstracije Sakskich dźiwadłow a orchestrow wčera w Drježdźanach. Rěčimy tež wo nowych prawidłach w kopańcy, kotrež su so do hrajneje doby wot profijow tež na amaterow přewzali.

W Čornym Chołmcu, w Krabatowym młynje, su kónc tydźenja domchowanku swjećili. Radworska šula swjeći tutón tydźeń swoju 100. róčnicu a słyšiće wo Radworskim jubilejnym projekće.

Sakski minister za wobswět a ratarstwo je so wčera z ratarjemi a hajnikami regiona zetkał, zo by so z nimi wo aktualnych temach rozmołwjał. My rěčimy dźensa nimo toho wo starych fotach a sportowych pokiwach.

Budyska Serbska zakładna a wyša šula zhladujetej na 80-lětne wobstaće. Před 180 lětami bě so patent za saksofon přizjewił. A: čłowječa zhromadnosć ludźom tyje. To a wjace słyšiće dźensa w druhej snědani.

W Texasu woswjeća kóždolětnje wulki swjedźeń - Wendish fest wón rěka. My smy tam pobyli. Tohorunja pohladamy do Korzyma, hdźež ma wuměłstwowa iniciatiwa "Im Friese" swoje sydło.

Tři wot dohromady 11 serbskich nazymskich koncertow su mjeztym hižo nimo - wšelakore supiny so na dalše přihotuja. Pohladamy hišće raz do Njebjelčic, hdźež su kónc tydźenja wjesnjanostu wolili.

Kak wuskutkuje so zawrjenje Kamjenskeje porodoweje stacije na serbski lud? W druhej snědani wobhladamy sej analyzu. Słyšimy mjez druhim tež reportažu wo superkokoće kónc tydźenja w Bórkowach.

W Njebjelčicach su wčera w druhim wólbnym kole wjesnjanostu wuzwolili. W ameriskim Texasu, w Serbinje je so mjeztym hižo 38. Wendish fest woswjećił. W Brětni-Michałkach mějachu kónc tydźenja dworowy swjedźeń.

Mamy sportowe pokiwy za kónc tydźenja, pohladnjemy na poskitki Budyskeje měšćanskeje knihownje a rěčimy wo hladanju dementnych.

W Ralbicach su wčera zběhanku za nowy hort swjećili, najwuspěšniši album Stevija Wondera swjeći 50ćiny a skórnik ma symbiozu z hribom.

Dźensa dźe hłownje wo serbske stereotypy a narodne mjeńšiny - ale ně, nic wo naš serijal. Dale rěčimy wo nowym podcasće a wo nazymskej drasće.

Serbska rada Sakskeje je so zetkała - dźěše přewažnje wo 2plus - kak dale? Nimo toho: Što je rozdźěl mjez "samsny" a "jenak"? A kak to poprawom běži hdyž steji jenož jedne mjeno na wólbnym lisćiku? Wotmołwy dóstanjeće tu.

Młoda redakcija radija Satkule je so wčera młodym Serbam we wukraju wěnowała - abo skerje Serbowkam. Dale zhoniće, što činja pedo-hunterojo a kak běži z korniskej hudźbu.

Dźensa na mjezynarodnym dnju měra dźe wo literarnym tworjenju Jurja Kocha, dale smy wuslědki 70. FUEN-kongresa za was zhromadźili a w Čornym Chołmcu swjećachu wosebity kwas.

Dźensa zaběramy so z kumštnej inteligencu w rjemjesle, z rjemjesłom na spočatku wědomostneje karjery a z pokiwami za kónc tydźenja.