Kompas

Ons gesels met Henrico Fredericks van die Onafhanklike Verkiesingskommissie oor die plaaslike regeringsverkiesings en die politieke verdraagsaamheid en vryheid tydens die verkiesingsperiode.

Athina Jansen praat met prof. Ronnie Webber-Youngman van die Univerisiteit van Pretoria  oor hoe XR-tegnologie die toekoms van die mynboubedryf kan verander. Sy praat ook met Russel Rensburg, wat deel was van die Co Create Design-fees. Hy vertel hoe Covid-19 die  gesondheidsektor geraak het, en hoe tegnologie en jongmense ‘n verandering te weeg kan bring.

Athina Jansen praat met Bernard Jordaan oor sy eerste kunsuitstalling, en met Michael Angelo oor ‘n loopbaan in die kunste.

Stres is iets wat alle jong mense in hulle lewe ervaar. Francois van der Merwe het by Juffrou Amanda de Villiers, ‘n sielkundige by Hoërskool Bellville, gaan hoor hoe om stres baas te raak.

Ons gesels met Lucian Witbooi van die Onafhanklike Verkiesingskommissie oor die plaaslike regeringsverkiesing en hoe toeganklik en insluitend dit is.

Athina Jansen praat met Ferdie Niemand, die bestuurshoof van Curro, oor die verskillende keusevakke waaruit leerders kan kies. Eleen Polsen, ‘n voorligtingsielkundige, vertel van die SISTARS-plaform wat geskep is vir tieners om mekaar te ondersteun.

Athina Jansen gesels met Ashley Dudley, ‘n wiskundetutor, oor wat ‘n tutor doen.

Ons gesels met die OVK-verteenwoordigers, Chante Adams en Lenishia Davids, oor die plaaslike regeringsverkiesing se registrasieproses en -naweek van Saterdag en Sondag 18 en 19 September. Hoekom is dit belangrik om vanjaar te stem en jou demokratiese reg uit te oefen?

Athina Jansen gesels met uitblinker Henze du Preez, ‘n graad 7 leerder by Welkom Volkskool in die Vrystaat, oor sy prestasies by twee danskompetisies. Chantald de Wee, ‘n dansonderwyseres, het raad vir dansers.

Athina Jansen gesels met Theresa van Baalen, ‘n skrywer, oor die op-die-plaas-emosie-reeks wat kinders sal help om hulle emosies beter te verstaan. Anelia Oosthuizen vertel van die aanlynplatform, Obuntu, wat mense met hulle geestesgesondheid ondersteun.

Athina Jansen gesels met ‘n 20 jarige dieselwerktuigkunde student, Kayla Hildebrandt, oor haar passie vir motors; en met Sidwil Josias, ‘n werktuigkundige, oor sy besigheid en hoe hy jongmense oplei en help.

Athina Jansen praat met, Tyrone Cloete, die bemarkingsbestuurder van Netbooks Video Learning oor hoe leerders ektra lesse kan kry teen ‘n bekostigbare prys. Chadwin Erasmus, ‘n onderwysstudent van die Noord-Kaap, gee sy mening oor ekstra wiskundeklasse.

Athina Jansen gesels met Living Through Learning, 'n nie-winsgewende organisasie, oor Wêreld Geletterdheidsdag wat op 8 September plaasvind. Dr. Stephan van der Westhuizen is hierdie week se uitblinker.  Hy het sy doktorsgraad in Bewegingsonderwys verwerf.

Athina Jansen praat met dr. Jacques Mostert, die akademiese bestuurder by Abbotts College, oor die leerbehoeftes van kinders wat die afgelope tyd verander het, en hoe ons leerders kan help en ondersteun deur die ander opsies wat daar beskikbaar is soos Evolve-Aanlyn.

Athina Jansen praat met die bestuurshoof van Eduvelopment, Steven van Zyl, oor die pad wat hulle met leerders stap om te bepaal watter loopbaanrigting vir hulle geskik sal wees.

Lizette Booys, beter bekend as die Wiskunde Juffie, gee wenke aan graad 4, 5 en 6 leerders. Sy verduidelik lengte en herleiding.

Athina Jansen gesels met Hendrik Matthews en jongmense van die Noord-Kaap oor die Onafhanklike Verkiesingskommissie en wat hulle dorpies benodig. Die junioronderburgemeester van Mosselbaai, Ethan-John Carstens, is Kompas se uitblinker.

Athina Jansen praat met Eleen Polsen, ‘n voorligtingsielkundige, oor hoe om trauma deur beweging te verwerk. Sy verduidelik die Tention Release Exercise en hoe kinders by die huis kan oefen om stres te verminder.

Athina Jansen praat met twee onderwysers oor 'n loopbaankeuse in die onderwys. Dalize Ludick van die Oasis Spesiale Skool en Matthew Nortje van die Steinthal Vaardigheidskool vertel watter eienskappe jy moet hê om by ‘n skool te werk wat nie deel van die hoofstroom is nie.

Ter viering van Vrouemaand praat ons met meisies wat landbouwetenskap, landboutegnologie en landboubestuurspraktyke by die Hoërskool Martin Oosthuizen op Kakamas neem. Juffrou Jacolene Crawford deel studiewenke ter voorbereiding vir die eksamen.

Ter viering van Vrouemaand gesels ons met dr. Nicolene Steyn, die jongste gegradueerde wat haar PHD in Regte by die Universiteit van Noordwes ontvang het. Sy deel haar ervaring en hoe sy bo haar omstandighede uitgestyg het.

Athina Jansen praat met ‘n kinderkinetikus en ‘n biokinetikus oor die belangrikheid van oefening, en watter oefeninge by die huis gedoen kan word.

Julian Manuel, wat onlangs sy liedjie Stormloop vrygestel het, vertel musiek as 'n loopbaan, en wat jy in die musiekbedryf kan verwag.

Dillion Seals, ‘n wiskunde onderwyser, gee wenke oor finansiële wiskunde aan die graad 12’s. Peter Kriel het raad oor hoe om in die nuwe werkera aan te pas, en wat ‘n werkgewer van jou CV verwag.

Ons gesels met die OVK verteenwoordigers, Lynn Jason en Chante Adams oor die plaaslike regeringsverkiesing. Kan dit 'n vry en regverdige verkiesing wees tydens ‘n gesondheidkrisis?