ILS DUS DA NUS

Co far impressiun a chauns da via grecs? Fa quai donn a las ulivas sch'ins scurlatta ellas cura ch'i plova? Ed è la musica classica propi il "nonplusultra" da la cultura? Questa largezza empruvain nus da survegnir sut in tetg. Marcus classic dal StuRa2 a Cuira. Elias or da ses letg en Grezia.

Semperverds datti dapertut: en la musica, la moda, il design u sco i para era en la lingua. «Buorsa» è daventà il pled giuvenil da l’onn 2026. Temp per discutar la «buorsa» ed en quel connex gista era raubas che pertuccan quella. In’episoda spontana or dal cor, suenter lungs dis da lavur.

Quest’emna datti in’episoda ILS DUS DA NUS ord il venter. Ins savess dir in’episoda da «mood». Atmosfera d’atun, istorgias da chamonas, istorgias da persunas ed animals fitg vegls ed in input linguistic dal pievel. In mix classic per ina spassegiada d’atun.

Reglas claras? Ina TV? Ubain tratgs da caracter positivs tar cunabitantas e cunabitants? Tge che fa or ina buna WG discutan Lucia Parolini e Ronja Muoth cun I2DN. Las dus redacturas da RTR (+in giast da surpraisa) èn gia ditg giast(a)s giavischadas per il pod. Pertge udis en l’episoda speziala!

Suenter in mais posa dal pod e da medias socialas, intginas emnas vacanzas ed ina u l’autra aventura datti puspè pimpels, profunditad e parablas – il recept per ina episoda classica ILS DUS DA NUS. Marcus ed Elias èn enavos ed envidan per cumpagnia auditiva.

Episoda colurada avant la pausa tar ILS DUS DA NUS. Chavazzins sursilvans (o tudestgs), messadis dal pievel, imitaziuns da nus fitg accuratas (tip en il titel), il martgà da giugarets per uffants ed in sguard enavos onest sin la stad 2026. Grazia fitg per l’attenziun

In pod en quatter cun Davyd Barandun e Fabian Ritzmann dal SCB. Davart secrets ord la gardaroba, la vita incognito sco profi da hockey, la confruntaziun cun clischés, homosexualitad en il sport, baruffas sin il glatsch, il champiunadi mundial e la causa Fischer.

Ils megliers artitgels da papetaria, la smaladicziun d’intelligenza artifiziala, il nov film da Spider Man e discussiuns che han lieu finalmain puspè en persuna. Marcus ed Elias èn reunids en il Stu-Ra 2 e speranza era en vossas ureglias. Chars, chars salids.

Tranter Ticino e Grischun datti ina discussiun davart rauba ch’uffants fan che persunas creschidas na fan betg (pli), che fissan dentant anc magari rinfrestgantas: Esser pli onest, dumandar dapli, pernottar tar amias ed amis u na betg avair tema da quai ch’auters pensan. In zic inspiraziun?

Pod sin distanza: Marcus è entant a Napoli, nua ch’el sa senta gia meglier co a Milaun, qua haja da far cun sia grondezza??? Elias è a Cuira nua ch’el ha vis il mund ord vista d’uffants e na vuless betg pli bandunar quella vista. E na l’ultim datti intgins pleds da giuvenils (presumads).

Pod sin distanza: Marcus è en l’Italia nua ch’el vul far a chaschun dal program da stad dad RTR «Estate italiana» musica rumantscha cun persunas talianas. Spoiler: Blera musica n’hai anc betg dà. Elias tegna la posiziun en la Svizra nua ch’el resumescha la stad da festivals enfin uss incl. OAL26.

Novas sfidas sportivas mainan ad Elias ad aventuras dischagreablas. Chavazzin fazielet e chauns. Concert mainan ad Elias e Marcus en il paradis. Chavazzin: Moon & Stars. Ed ina nova rubrica procura per fatgs, smirvegl e divertiment. Chavazzin: bomba.

Malgrà circumstanzas da corrupziun e politica inumana en ils stadis unids concedan Marcus ed Elias ch’il champiunadi mundial ha tuttina tratg en la mongia ad els. Il success svizzer fa grond gust, dentant per il imni da gols dess probabel meglras propostas. Ideas concretas datti en il pod!

Sco teenagers han umens (e dunnas segir era) magari sentiments ch’èn grevs da metter a lieu. Tant en il corp sco en il tgau. Cunzunt cura ch’ins cumenza a sviluppar ils emprims sentiments ed avair ils emprims «crushs» datti situaziuns ch’ins n’emblida mai pli. In excurs spontan ma intensiv.

Tgenins sports èn politics? Èni sanesters ubain dretgs? Dastga ins insumma valitar quai? Na ins na dastga betg e tuttina fan I2DN ina emprova. E co pon ins tegnair tar occurrenzas da vaglia ina tscherta qualitad che va forza a perder pervia d’in tschert success? I dat blers pleds e paucas ideas.

Dus mais senza I2DN, dus mais senza l’inscunter en il Stu-Ra 2. Elias è turnà or da vacanzas turbulentas, Marcus è daventà marangun ed ensemen discutan els tranter auter linguatg cumplitgà, ideas per autos futurs, ballape e co ir enturn cun l’atgna energia. Bel che essas puspè cun nus!

Mintg’onn, ils 14.6, ha lieu en Svizra il di da chauma feministic. En vista da quest di survegnan I2DN visitas d’Arina Frölich ed Alina Müller, che n’han betg mo in’expertisa academica ma era ina perspectiva da dunnas sin ils temas egualitad, gender e feminissem.

Marcus, anc adina in «neo-Sursilvan», ha puspè ideas per il traffic. Questa giada per la rundella a Glion - e questa giada era pli realisticas. Elias è puspè stà a currer in mez maraton. Da discutar dattan sper quai trends da sanadad, tuns da scalin nostalgics e podcasts rumantschs.

Kanye West survegn puspè in palc memia grond, era en il podcast. Dispitaivel, èn Marcus ed Elias perina schebain ch’i dat differentas perspectivas. In palc survegnan era skerzs d’avrigl, il traffic da Pasca, visiuns da mobilitad da Marcus e visitas en in curs da rumantsch dad Elias.

Elias ha fatg ina experientscha inquietanta cun «shreddar» la naiv loma, e tuttina è el grat per l’experientscha. Marcus ha scuvert in nov agid en cuschina. Er el è grat per quella nova experientscha. Ensemen èn I2DN grats per sentiments d’esser inamurà sco giuvenil – detagls en il pod.

Sper intginas istorgias lateralas dattan cunzunt dus temas da discutar: La manosfera sco purtretada en il film da Louis Theroux ed il cas Ulmen/Fernandes. Dus temas che mussan puspè quanta lavur ch’umens han anc da far per ch’il mund daventa pli normal per tuttas e tuts, oravant tut per las dunnas.

I dat in update davart vopnas: Elias ha fat retschertgas davart la vopna grischuna e scuvert il potenzial masculin. Marcus romantisescha la lavur da spazzachamins ed in auditur confruntescha vendaders da discs cumpacts sin las vias bernaisas. Ed RTR tschertga in chau - vess insatgi gust?

In di suenter la votaziun davart l’iniziativa SRG SSR na regna betg euforia. Marcus ed Elias discutan tge ch’ils motivs èn ord lur perspectiva. Era il di internaziunal da las dunnas e tge che umens pon far in chaussa vegn discutà. Per ch’i resta tut «on brand» dattan er penis da discurrer.

In podcast auter sco spetgà. Senza ils giasts empermess dentant tuttina plain stgazis auditivs. Elias declera pertge ch’i na dat betg giasts, Marcus dat in update davart sia carriera da passlung e raquinta da la sfida da maschadar amicizias cun lavur. E co as perda insumma aura? I2DN fan exempels!

Quai è para la devisa sch’ins vul avair success cun in podcast. Sche lura: Voting tar premis è cool. Ils Swiss Music Awards èn relevants. Marcus Petendi è quasi profi da curling e passlung. Elias Tsoutsaios cumpra be nova rauba sch’el basegna quella. Hot takes?