ESPERTA VALLADARES

Para o #EspertaValladares deste luns de verán deixámosvos cun programa musical. Que levamos moito falado

Para o #EspertaValladares do venres, paseo por Castrelos. Unha mañá calquera, xente adestrando, operarios traballando no auditorio, camiñantes, o parque como escenario… e iso que so estivemos un ratiño.

No #EspertaValladares deste xoves falamos de cine. Carlos Durán ven de presentar ‘Las pelis que me putoflipan’ e pasou polo recuncho da radio contarnos cales son.

O fútbol tamén é unha ferramenta de inclusión, así o entenderon dende a ‘Galician Cup’, falaremos con eles no #EspertaValladares deste mércores. E ademáis, conversa coa Comunidade de Montes de Valladares, que nos contan os proxectos nos que están embarcados para coidar os nosos montes.

Se a semana pasada estivemos no Xardín da Memoria Histórica, desta volta entramos no camposanto, un paseo pola historia da cidade de Vigo… e pola súa arquitectura no #EspertaValladares.

Esta semana o #EspertaValladares comeza visitando Vigosónico que as primeiras semanas do mes acolleu un laboratorio musical para a mocidade, unha proposta nova na cidade que tivo unha gran acollida. E como todos os luns, proposta literaria: '¡Oh, Susana!' Manuel Ocaña. E un paseíño pola toponimia da parroquia.

No #EspertaValladares deste venres falamos con Bea Martínez da nova edición do Noia Harp Fest que se vai celebrar do 30 de xullo ao 2 de agosto. Ademáis, paseo por Castrelos, que aínda hai xente contándonos as súas vivencias no parque, e axenda para o fin de semana.

Para o #EspertaValladares deste xoves propostas culturais. Marchamos ata Nigrán falar de jazz, tiveron festival na primavera e teñen nova cita. Ademáis falaremos con María Lado, da asociación Évame Oroza, dunha nova edición de “Máis Alto que o Ceo”.

Paseo en bici pola costa da man do Team Oiense no #EspertaValladares do mércores. Ademáis, imos pasear polo ceminterio civil de Pereiró. Pequeniño pequeniño e moi interesante.

Hoxe falamos con Marta, a coordinadora do campamento de verán no centro veciñal. E tamén marcharemos ás Cíes… que hai excusión familiar o día 13… Escoitaremos recordos e conversaremos con Gonzalo, que dende lasislascies.com recolle todo o que precisamos para visitalas.

O noso último plan por Vigo vai no #EspertaValladares deste luns, ir ata a Galería Maraca a desfrutar da exposición das obras feitas por Pelucas e os nenos da EEI Monte Alba. Conversamos con el e máis con Elena, a profe que anda detrás do proxecto. Ademais, algunhas recomendacións literarias: 'Os médicos tamén enferman' de Martiño Noriega e 'Futuro imperfecto' de Xulia Alonso. E algo de toponimia...

Conversamos con Alberto Abal do Coro Voces Graves, da proposta para celebrar a Rosalía o 15 de xullo, data do seu pasamento. Paseo e concerto polos lugares onde se publicou 'Cantares Gallegos'. Ademais, como respirades? Disto falamos con Adrián Vilaboa, que viu dar un obradoiro no VigoSaxforum.

Un pouco de historia, que sempre está ben aprender do noso pasado. Charla co colectivo «Memoria, Verdade e Xustiza».

Deportes, desta volta conversaremos coa organización do Basket na Rúa. A traballadora social do centro veciñal tráenos a Sabela, a avogada, do programa ‘Amparando Mulleres’ en Valladares. Ademáis, falaremos coa xente da comunidade de montes de Couso, do seu bo facer e dos recoñecementos que están a recibir.

No #EspertaValladares deste martes… proposta para soportar o calor. Visita guiada pola exposición “Impresións de Castelao en Vigo” na Pinacoteca Fernández del Riego da man dun dos seus comisarios, José Luis Mateo. E recomendacións literarias, que estamos no verán: 'Las cosas que nos pasan' de Guada Guerra, 'Son coma glaciares os barcos de aceiro' de Cynthia Menéndez e 'Todo es verdad porque nadie...

Envolvernos na música das verbenas de principios do s. XX é a proposta da Orquesta Clásica de Vigo... ó fresquiño dun claustro. Tamén conversaremos sobre deseñar vestiario para cine e teatro con Aránzazu Domínguez, de Moharé.

Non marchamos moi lonxe, que imos falar con quen coida do xardinciño ó redor da piscina. Ademais, domingo á tardiña comeza o Vigosaxforum cun concerto de apertura no auditorio.

No #EspertaValladares deste xoves iremos ata o taller de Remixio, que nos abriu as portas da súa casa unha vez rematada a escultura do Santo Condestável, São Nuno de Santa Maria. Desta última peza, do que garda no seu xardín… de todo isto falamos con el.

Barcos que semellan dragóns flotantes. Toca algo deportivo e chamativo. Conversa coa xente de Dragón Boat Galicia. E despois paradiña na casa. Falaremos cos mestres da formación dixital no proxecto Amparando Mulleres e mais co de xardinería.

Sen meigallo e xa perfumados, chegou o verán e xa andan por aquí os cativos nos campamentos. Ademais, exploraremos outros lugares e xentes co VAI, o voluntariado ambiental da Xunta nos 22 espazos naturais de Galicia. E tamén unha voltiña sensorial polas alfombras de Pontareas.

É a noite das fogueiras de San Xoán… demos un paseo ao carón da piscina e atopamos quen nos falou das herbas do ramo e tamén con quen estaba a traballar na fogueira, que a leña non camiña soa. Ademáis, conversa con A Senda do Moucho, para coñecer a natureza e as propostas que nos ofrece este verán.

De cómics, de animación, de cine… pero tamén da vida, da emigración, de Cuba… de todo esto falamos con Ermitis Blanco, productor, director e agora tamén debuxante de banda deseñada. E como sempre os venres no #EspertaValladares temos unha cita con Castrelos e coa axenda, que empeza o verán.

Despois de tanta calor… imos ó mar. Falaremos con O Peirao, a Federación Galega de Redeiras Artesás. E conversa con Rafa Bañón, biólogo, das especies exóticas e de gran tamaño que están a chegar ás nosas rías. Ademáis, baixamos a Vigo e, de momento, só vos narramos a viaxe.

Os deportes do #EspertaValladares deste mércores quedan na casa, que o Clube de Patinaxe ven de levarse o Campionato Internacional Cidade de Vigo en modalidade show. E despois imos ó monte… a que nos conten do proxecto Montes de Vigo 2046, que ven de tirar as primeiras conclusións.

A Fundación Xoan Piñeiro ven de editar dous libros sobre escultores galegos…pero siguen a traballar en máis. No Esperta Valladares deste martes ven ata a radio Suso Vázquez, o director da Fundación. Tamén viñeron ata o noso recunchiño os cativos do EEI Monte Alba. Desta vez os pandas xunto coas súas profes Noe e Lucía.