Driesestig

Dr. Caroline Lotter vertel van Suid-Afrika se verskillende vlermuise.

Noudat die robotika- en kodering-kurrikulum aanvaar is, en teen 2026 uitgerol sal word in die grondslagfase, het Louise Greyling, ‘n onderwyseres van die Baai, die lesplanne vir skoliere in die grondslagfase opgestel. Deur die bemiddeling van Tangible Africa word dit gratis aan skole beskikbaar gestel, en onderwysersopleiding het reeds begin. Mariska Spoormaker het meer by Louise gaan uitvind.

Asaka Kanda van Tokio het ‘n Hello Kitty-versameling van meer as 10 000 items. Hello Kitty is vandeesmaand 50 jaar oud.

Mariska Spoormaker vertel die storie van Bash, die skaaphond, wat uit sy erf in die Baai gesteel is. Hy het daarna drie jaar ‘n moeilike lewe aan ‘n ketting op Addo gehad. Hy is gered, en is nou pure werkende skaaphond op Ernie Deyzel se Karooplaas.

Koskenner Heleen Meyer vertel vir Johan Rademan wat haar aanslag tot gesonder beskuit is.

Koshistorikus Hetta van Deventer-Terblanche praat oor sitroengras.

In die VSA is ‘n nuwe Guiness Wêreldrekord opgestel vir die langste afstand geroei in ‘n pampoenboot.

Sy is die wenner van die Wes-Kaap Nuwe Toetreder tot Landbou-toekenning. Nou is Sheena Paulus, eienaar van die Tri Toad-kwekery in Phillipi, ook binnekort op pad Pretoria toe vir die finale rondte van dié gesogte kompetisie. Sy vertel vir Haidee Muller-Isaacs hoe sy besluit het om self die leisels te neem in ‘n wêreld waar vroue, volgens haar soms onderskat word.

Sjef Bertus Basson praat oor hoe hy inspirasie in London kry om kos vir Suid-Afrikaners te maak.

Hotelle slaan munt daaruit as dit ‘n reputasie het dat dit daar spook.

Armand Aucamp vertel vir Martelize Brink van vry in Afrikaans met Koer-'n-Boer in die Boerwoud, asook Kleinsake, Groot Drome Seisoen 3, waarmee hy tans besig is.

Theo Kemp, hoof van die Jakes Gerwel-stigting, vertel vir Haidee Muller-Isaacs van sy hart vir die plaaskinders van Somerset-Oos in die Oos-Kaap, en hoekom hy 'n beroep doen op almal wat kan, om oor die Kerstyd ook na dié behoeftiges uit te reik. Hy gesels oor die Stigting se boekprojek wat spesiaal in daardie geweste geloods is.

In die VSA word daar jaarliks ‘n kompetisie gehou waar mense stem vir die oulikste vlermuis. Die wenner word op Halloween aangekondig.

Werner Prinsloo vertel van die lewe in Singapoer.

Haidee Muller-Isaacs gesels met Denzil Swartz, 'n wynmaker van formaat. Hy was 'n plaaskind wat die siklus wou verbreek, en het van jongs af vrae gevra waarvan sy ouers weggeskram het. Hy vertel vir Haidee sy storie van inspirasie en harde werk wat vrugte afwerp.

Timothée Chalamet het ‘n opskudding veroorsaak toe hy opgedaag het by ‘n kompetisie vir mense wat soos Timothée Chalamet lyk.

Pierre de Villiers vertel vir Martelize Brink van robbe, en wat die situasie met hondsdolheid onder die robbe is.

Zenobia Kloppers vertel vir Martelize Brink van die eerste Rielmusiekboek waaraan sy tans werk.

‘n Engelse handelaar is uit 22 ton beleë Cheddar bedrieg deur iemand wat homself as ‘n groothandelaar voorgedoen het, wat aan ‘n Franse winkelgroep verskaf.

Karen du Toit praat oor die SAUK se klankargief, en die behoefte om 100 jaar se klank te digitaliseer.

Hetta van Deventer-Terblanche praat oor sumac.

Die dorp, Kyle, in Kanada moet binnekort ‘n nuwe burgemeester verkies. Geen kandidaat kom egter na vore vir die posisie nie. Buiten vir burgemeester is daar nog ‘n posisie beskikbaar op die stadsraad, maar ook daarin stel niemand belang nie.

Sy is al ‘n ouma, maar sy sal nooit haar honger en swaarkry as kind vergeet nie, sê Eunice Boesman van Thornhill. Dié dat sy vandag nog kinders help sover sy kan. Mariska Spoormaker het Eunice by haar en twee ander kollegas se MMB-naaldwerkprojek gaan opsoek.

Dr. Chrisna Keyser praat oor nie-sjirurgiese opsies om haarverlies te behandel.

Swendelaars in Indië het ‘n vals banktak in die platteland opgerig. Nié om die bank se geld te steel nie. Hulle inkomste kom uit die omkoopgeld van mense wat vir die bank wil werk.