Driesestig

Noudat Somerset-Oos in die Oos-Kaap KwaNojoli heet, het die Jakes Gerwel Stigting navorsing gedoen oor Nojoli en haar mense. Mariska Spoormaker hoor by Theo Kemp, besturende direkteur van die Jakes Gerwel Stigting, wat die navorsing opgelewe het.

Bennie Engelbrecht vertel van saffraanverbouing in Suid-Afrika.

Veertien-miljoen bye was los nadat ’n vragmotor, wat duisende korwe vervoer het, omgeslaan het naby die grens tussen Amerika en Kanada.

Die medeskrywer van MOTHS OF SOUTHERN AFRICA AND THEIR CATERPILLARS, Hermann Staude, sê daar is die afgelope 12 jaar sewe keer meer navorsingresultate bereik oor motte, as in die hele vorige eeu. En vir landbou is dit ontontbeerlike navorsing.

Sjean Smit praat oor die rol van maatskaplike werkers in die pleegsorgstelsel. In Suid-Afrika is daar meer as 300 000 kinders in pleegsorg, hoewel die behoefte selfs groter is.

Bernard Smit vertel vir Martelize Brink hoe ’n motorfiets se verkoop gemaak het dat hy sy vrou Marijke ontmoet het.

Twee stappers in New York het 911 gebel om die geselskap se derde lid se dood aan te meld. Die derde lid het egter ook 911 gebel! Hulle het GEhallusineer van sampioene wat hulLE geëet het, en het hulle die sterfte verbeel.

Juan “Brok” Harris het ná bykans twee dekades se eersterangse rugbywedstryde sy stewels opgehang as gevolg van ‘n besering in die VRK-kragmeting tussen die Stormers en Benneton. Hierdie naweek speel drie Suid-Afrikaanse spanne (Bulls, Sharks en Stormers) in uitklopwedstyde om ‘n plek in die halfeindstryd. Johan Rademan het met dié gerespekteerde stut gesels, wat met ysters en al om die been na Sko...

Kos-en kultuurhistorikus Hetta van Deventer-Terblanche praat oor die gebruik van vet en olie om kos te geur. Dis die sesde smaak.

Christelle Taute praat op Wêreld Meervoudige Sklerose Dag oor haar pad van 25 jaar met die siekte.

‘n Chinese man het sy nuwe sweefskerm getoets, toe skep die wind hom tot 8 500 meter bo seevlak!

Die dertienjarige Judi Hattingh het onlangs 'n Kanna-toekenning gekry as Beste Nuweling by 2025 se KKNK. Haidee Muller-Isaacs het ingeloer by haar skool in Durbanville, waar sy met die talentvolle tiener en haar ouers, Jacus en Lina, gesels het.

Ivor Cleary vertel vir Martelize Brink van ‘n Reach for a Dream se Chad le Clos-ervaring, en Pantoffeldag.

Dr. Margaretha le Roux praat oor jou oë wat met die tyd verander, en nuwe lense wat jy kan laat inplant.

Ouers in Japan moet voortaan by geboorteregistrasie ‘n fonetiese spelling saam met die gewone spelling van ‘n naam voorlê aan die plaaslike owerheid. As die twee nie klop nie, moet daar ‘n ander naam gekies word.

Dit kan hoe sleg in ’n land gaan, maar in ‘n pretpark sal jy altyd skaterlag hoor, want wat is nou lekkerder as om spookasem te eet en die verskillende ritte te geniet? Mariska Spoormaker het hoogtevrees, maar sy het verkies om op die Groot Wiel met die Pretoriusse te gesels, want hulle vier generasies in die pretparkbedryf het hulle al na groot hoogtes geneem.

Marthie Nel Hauptfleisch praat oor die rol van kinderliedjies in opvoeding.

Harvard Sakeskool het ‘n professor wat wêreldbekend is vir haar werk op die gebied van eerlikheid en etiese gedrag, se ampstermyn opgeskort weens oneerlikheid. Sy het data gemanipuleer om haar hipoteses te ondersteun.

Lelanie Badenhorst vertel vir Martelize Brink van die lewe in die Bahamas, die see, die sand en ‘n fees van vrugte in seisoen.

Andries Keyser se passie vir treine het 'n obsessie geword, en toe bou hy eiehandig 'n indrukwekkende treinspoor met brûe en tonnels en die mooiste lokomotiewe in 'n park net buite Stellenbosch. Een van sy stoomlokomotiewe is na sy ma Doreen vernoem. Haidee Muller-Isaacs en haar gesin het gaan treintjie ry.

Arbeidsterapeut Lize Brönn praat oor die belangrikheid van speel vir opvoedkunde en terapie.

Daar is ‘n bygeloof dat ‘n renjaer ‘n koei moet melk om die Indy 500 te kan wen. Voor die afgelope naweek se wedren het Pato O’Ward al twee keer tweede gekom, maar het nog nie die koei gemelk nie. Ná Vrydag se melkery het hy ‘n vierde plek gekry...

Daar is ongeveer 270 000 motspesies in die wêreld. In Suidelike Afrika is daar meer as 20 000. Hermann Staude, ‘n ingenieur met ‘n belangstelling in motnavorsing, en medeskrywer van MOTHS OF SOUTHERN AFRICA AND THEIR CATERPILLARS, vertel vir Johan Rademan meer van motte en sy navorsing.

Johan Crous vertel vir Martelize Brink van sy en sy vrou, Carmen, se ontmoeting in Duitsland in 1975. Hy is Afrikaans, sy is van Chili en haar moedertaal is Spaans. Dinge het in Duits gebeur.

‘n New Yorkse plaaslike TV-nuusaanbieder het haar drie uur lange oggendskof begin, twee ure nadat haar water gebreek het. Sy het werk verkies bo wag by die hospitaal!