Driesestig

Carina Bruwer vertel vir Johan Rademan van haar ervaring toe sy die eerste vrou geword het wat oor Nelson Mandelabaai in Port Elizabeth geswem het.

Shannon Smit vertel vir Martelize Brink van die 1,000 km fietsrit van Port Elizabeth af Kaapstad toe ten bate van Operation Smile.

Haidee Muller kuier by Suzie Mathys, alombekend as Antie Suzie in die Kuilsrivier-gemeenskap. Hierdie oud-onderwyser het onlangs 'n prys ontvang vir die bevordering van entrepreneurskap, nadat sy in haar sestigs besluit het om haar eie besigheid te begin. Haidee gesels met haar oor die prys, haar plattelandse grootworddae as een van nege kinders, en oor haar ma wat 94 jaar oud is en steeds streng...

Adine Gericke vertel vir Johan Rademan en Martelize Brink van die gebruik van antimikrobiese tekstiel in die gesondheidsomgewing.

Wian van den Berg vertel vir Johan Rademan en Martelize Brink van die muurpanele wat in Soutrivier aangebring is tydens 'n internasionale kunstefees.

Marnus Kruger en Rachel Smal vertel vir Johan Rademan en Martelize Brink van die 161 gratis Wifi-punte wat hulle in Kaapstad aangebring het, wat eenmiljoen mense bedien.

Elsa van Huyssteen was 21 jaar oud toe sy by 'n kinderhuis begin werk het. Oor die jare was sy betrokke by ses kinderhuise tot by haar aftrede op 75 in 2019. Die afgelope 15 jaar was sy direkteur van die Cape Town Multi Service Centre in Soutrivier, 'n kinderhuis vir seuns. Sy vertel vir Haidee Muller hoekom sy altyd 'n hart sal hê vir 'n straatkind.

Martelize Brink gaan op 'n tuintoer saam met botanis Ernst van Jaarsveld van Babylonstoren om eetbare vetplante in hulle tuine te verken.

Lelanie van der Merwe gesels met Johan Rademan oor haar seun se skaars siekte. Op die vooraand van Skaarssiektedag vertel Nina Vorster en dr. Careni Spencer van die voorkoms van hierdie siektes en die ondersteuning wat beskikbaar is.

Die Wêreldnatuurfonds bestempel klimaatsverandering as een van die grootste bedreigings vir die wêreld, en as 'n reuse maatskaplike en ekonomiese kwessie. Lizma van Zyl gesels met die bestuurshoof van WWF Suid-Afrika, dr. Morne du Plessis, oor die organisasie se inisiatiewe, en die toekomsprentjie vir Suider-Afrika.

Llewellyn Barnes het van 'n baie jong ouderdom af met die harde kant van die lewe te doen gekry. Hy was 10 jaar oud toe sy pa sterf, sy ma - 'n huishulp - het gesukkel om hom, sy broer en susters op haar eie groot te maak. Hy het hom later tussen 'n groep hawelose mense op Zwartkops bevind, en dit is waar sy liefde vir gholf opgevlam het. Hy het vir professionele spelers begin sak dra, en verlede...

Dr. Martine Jordaan is 'n akwa-wetenskaplike verbonde aan Cape Nature in Jonkershoek. Sy strewe altyd na die perfekte balans tussen die landboubedryf en bewaring, en moedig die samewerking tussen die verskeie sektore aan. Dr. Jordaan is ook een van die deelnemrs in Carlos van die Rooiberg, 'n dokumentere program oor 'n Afrikaansprekende Portugees wat die aarde omgedolf het in Afrika opsoek na diam...

Rick Bronkhorst gesels met Johan Rademan en Martelize Brink oor opleidingsgeleenthede in die filmbedryf in Suid-Afrika.

Hannu Garny gesels met Johan Rademan en Martelize Brink oor houthuise as 'n groen alternatief.

Leozette Roode vertel vir Johan Rademan en Martelize Brink van die gewildheid van uitdagings om minder vleis te eet.

Nelis Engelbrecht vertel vir Johan Rademan en Martelize Brink waarheen die fotografie- en videografiebedryf op pad is.

Nileta Knoetzen en Jackie Stuurman vertel vir Johan Rademan en Martelize Brink hoe hulle ekovriendelike geskenke uit herwinde papier maak, soos kaartjies met saad wat jy kan plant.

Dr. Benita Nel vertel vir Johan Rademan en Martelize Brink van Childline se opleiding aan kleuterskoolonderwysers vir die identifisering en hantering van kindermishandeling.

Matt Williams vertel vir Martelize Brink van die rooi woestyn naby Port Edward. Dit is net 11 hektaar groot.

Naomi Butow vertel vir Martelize Brink van mamapreneurs en hulle impak op die ekonomie.

Tyron Zoutman vertel vir Martelize Brink van dans by die Kaapstad Karnaval. Tyron is vanjaar die openingsdanser.

Ter viering van Wêreld Moedertaaldag gesels Haidee Muller met Niel le Roux, die hoof van die Stigting van Bemagtiging Deur Afrikaans, oor sy nuwe boekprojek wat in verskeie tale gepubliseer is

'n Sogenaamde “groen boek” verskaf waardevolle inligting en praktiese wenke aan van Suid-Afrika se mees kwesbare menslike nedersettings in die stryd teen klimaatsverandering. Lizma van Zyl gesels met projekbestuurder Willemien van Niekerk oor die innoverende en uiters belangrike projek deur die Wetenskaplike en Nywerheidsnavorsingsraad en vennote, waarby sowat 18 miljoen mense reeds baat.

Mariska Spoormaker gesels met 'n man in Port Elizabeth wat jare gelede toevallig in die toekomstige werkmodel , 'n kantoor sonder grense, beland het. Sy hoor hoe dit gebeur het, en hoe dit in sy daaglikse lewe uitspeel.

Carel Ballack vertel vir Martelize Brink wat met jou elektroniese toerusting gebeur tydens kragonderbrekings.