Driesestig

Imago kliniese terapeut Pieter le Roux vertel vir Sue Pyler hoe mens engtevrees tydens isolasie kan hanteer.

Biokinetikus Marius Conellisen gesels met Martelize Brink oor geskikte oefeninge wat in 'n klein spasie by die huis gedoen kan word.

Prokureur Nadine Blom gesels met Sue Pyler oor femicide en geslagsgebaseerde geweld. Sy gee raad oor wat slagoffers te doen staan, veral tydens die inperkingstyd.

Bennie Roux vertel vir Sue Pyler hoe hy die naweek 'n marathon om sy huis gehardloop het. Hy doen gewoonlik langafstandwedlope van 400 km.

Clinton Nolan gesels met Sue Pyler oor sy skuif van polisieman na maatskaplike werker, en vertel van die uitdagings van hierdie beroep.

Martelize Brink praat by Maryke Musson van die Twee Oseane Akwarium in Kaapstad oor hulle aanlynkursusse vir kinders.

Peter Haarhoff vertel vir Johan Rademan van die voordele daaraan verbonde om kinders fotografie te leer.

Lizma van Zyl sit haar gesprek voort met een van die wêreld se voorste kenners van klimaatsverandering. Prof. Francois Engelbrecht van Wits is onder meer lid van die Verenigde Nasies Interregeringspaneel vir Klimaatsverandering. Hy lig die grootste uitdagings uit, en bespreek ook die teenvoeters.

Ruan Venter vertel vir Martelize Brink hoe 'n mens effektief van die huis af kan werk.

Dr. Willie Visser vertel vir Martelize Brink van die impak wat gedurige handewas en handreiniger op jou vel het, en wat jy daaraan kan doen.

Prof. Erwin Schwella gesels met Martelize Brink oor verantwoordelike burgerskap, en 'n gratis aanlynkursus daaroor.

Apteker Philip Jordaan vertel vir Johan Rademan van Kgubetswana, 'n gemeenskapsapteek in die Clarens-omgewing wat vanuit 'n omboude skeepshouer bedryf word.

Mike Taylor woon die afgelope 2 jaar in sy kar. Haidee Muller het hom toevallig raakgeloop in 'n parkeerterrein op Klapmuts. Hy vertel vir haar hoe hy oorleef.

Lara Hatting vertel vir Johan Rademan van die Suid-Afrikaanse Filmmakersfonds wat bystand bied aan vryskutkunstenaars in hierdie beproewende tyd.

Pierre Hansen vertel vir Johan Rademan en Martelize Brink hoe belangrik dit is om messe te slyp, en hoe die proses werk.

Dieetkundige Irene Labuschagne vertel vir Johan Rademan en Martelize Brink van aanvullings wat help om jou immuniteit te verbeter.

Baie mense het 'n inkopiesak of twee vol ou of ongebruikte klere en beddegoed in die huis. Tweedehandse klere maak 'n groot verskil in die lewe van werklose en gestremde mense, indien dit ingesamel en as 'n besigheid hanteer word. Jacqui January gesels met Jesse Naidoo en Tammy Greyling van die nie-winsgewende organisasie, Clothes to Good, wat ondermeer vroue met gestremde kinders help om hul eie...

Die Sterkfontein-grotte aan die Gautengse Wes-Rand staan bekend as die wieg van die Mensdom, en is 'n Wêrelderfenisgebied. Nou lyk dit egter asof Algoabaai die Wieg van Lewe genoem kan word nadat lewende stromatoliete, die bakterië wat lewe op aarde moontlik gemaak het, langs die kuslyn gevind is. Ronelle Friend, 'n omgewingswetenskaplike, het Mariska Spoormaker na die stromatoliete geneem.

Charl Ueckerman vertel vir Johan Rademan watter kubersekuriteit in plek moet wees om werknemers van die huis af te laat werk.

Johan Rademan lees Ilse Du Plooy se brief uit Shanghai voor, wat haar Covid-19 ervaring en aanpassings in die daaglikse lewe deel.

Georgia McTaggart, Reandra Maree en Ursula Murtz vertel vir Johan Rademan en Martelize Brink hoe Help Up te werk gaan om riviere en informele woongebiede skoon te maak met vrywillgers en werklose mense, wat namens jou in ruil vir jou skenking dit doen.

Die 13-jarige Abriella Bredell vertel vir Johan Rademan en Martelize Brink hoe sy vanoggend die jongste meisie nog geword het om om Robbeneiland te swem. Terselfdertyd het haar 11-jarige suster Issataya van Kaappunt tot Valsbaai geswem om nog 'n rekord op te stel.

Lizma van Zyl gesels in die eerste van twee programme met prof. Francois Engelbrecht, 'n lid van die Verengide Nasies se Interregeringspaneel vir Klimaatsverandering, oor die afgelope jaar se welslae en mislukkings, wat betref die beperking van kweekhuisgasvrystellings.

Die veearts dr. Ingrid de Wet vertel vir Johan Rademan en Martelize Brink van die situasie met troeteldiere en Covid 19.

Elsabe Brits vertel vir Johan Rademan en Martelize Brink van die rol van wetenskapjoernaliste tydens iets soos die Coronavirus situasie.