Driesestig

Onaangename newe-effekte is onlosmaklik deel van kankerpasiënte se behandeling. Geliefdes en vriende kan dalk nie help om die ongemak en pyn te verlig nie, maar ondersteuning van watter aard ook al, het ‘n blywende effek. Jacqui January hoor van ‘n organisasie wat hiermee help en praktiese wenke gee d.m.v. ‘n werkswinkel. Sy gesels hierooer met Christie Frasie van Look Good Feel Better.

CP Hoogenhout was die eerste redakteur van DIE AFRIKAANSE PATRIOT, wat in 1876 die eerste keer gepubliseer is. Hy was die skoolhoof van die Groenbergskool op die plaas Welbedacht op Wellington waar die Springbok Schalk Burger vandag woon. Johan Rademan het met Schalk Burger senior gesels oor Afrikaans wat amptelik nog nie ‘n 100 jaar oud is nie, want dit is eers in 1925 as amptelike taal verklaar.

Veearts dr. Ingrid de Wet praat oor epilepsie en soortgelyke kondisies by troeteldiere.

Martelize Brink het in 'n Cessna gaan vlieg en selfs beheer daarvan geneem. Sy gesels met vlieënier en instrukteur van die Stellenbosch Vliegklub, Alwyn Vorster.

Aktrise Lika Berning gesels oor haar vaardigheidsprogram om jongmense in landelike gebiede die basiese begrip van die film- en TV-bedryf te leer, wat andersins ‘n plaas se prys sou kos. Die doel hiervan is nie net om praktiese vaardighede in digitale media na landelike gebiede te bring nie, maar ook om stories te vertel en die erfenis van gemeenskappe te deel.

Johan Kruger van Consulta praat oor die belangrikheid van transformasie en aanpassing by ‘n veranderende wêreld in jou besigheid.

Die Duinebesie-kultuur is op die voorgrond geplaas deur Bruce Meyers, wat onlangs oorlede is. Johan Rademan praat met Anton Kleyn van die Wild Bugger Beach Buggy Club oor hierdie stokperdjie en sportsoort in Suid-Afrika.

Dis ‘n bekende feit dat Johannesburg een van tien stede in die wêreld is met die grootste mensgemaakte woude. Dit mag dalk verander as daar nie vinnige drastiese stappe gedoen word nie, om ‘n kewer te keer wat ‘n vernietigende uitwerking het op die stad se bome. Jacqui January praat met Mike Viviers, ‘n navorser by Random Harvest, wat die afgelope drie jaar bome in die stad besproei en probeer bes...

Watter soort verbeterings moet jy aan jou huis doen en watter persentasie van jou eiendomswaarde moet jy spandeer om werklik 'n opbrengs op jou belegging te verwag. Johan Rademan kry die antwoorde by Jeanne du Plessis, kommunikasiekonsultant by kandua.com.

Haidee Muller-Isaacs gesels met aktrise Ira Blanckenberg oor haar passieprojek om jong akteurs die geleentheid te bied om hul verhoogstaal te wys, ondanks die kansellasie van ander dramakompetisies en eisteddfods weens die Covid-19-pandemie.

Paul Ludeke van Uitenhage is seker die enigste onderwyser in die land wat kan sê hy was aktief betrokke by die Dakar-woestynren. Dit maak van Paul 'n goeie rolmodel, want die Hoër Tegniese Skool Daniel Pienaar, waar hy onderwyser is, is die enigste skool in die land wat motorsport as ‘n buitemuurse aktiwiteit aanbied. Mariska Spoormaker wou by hom weet hoe hy by die Dakar beland het.

Johan Rademan gesels met dr. Eugenie-Lien Louw, operasionele bestuurder en protea- en sitruskonsultant by FirstFruits Consulting net buite die Paarl. Sy het haar doktorsgraad in speldekussings gedoen. Hierdie proteasoort is gesog in die wêreld, en sorg dat Suid-Afrika sowat R150-miljoen per jaar met uitvoere verdien. Die mier speel 'n belangrike rol in die beskerming van die saad, voor ‘n veldbran...

Trigger, 'n nasionale nooddienstoepassing, is ‘n toep wat trauma- en misdaadsituasies kan oplos of veiliger maak wanneer ‘n mens in ‘n gevaarlike situasie beland. Ben Booysen, die bedryfshoof van Trigger, vertel wat die toepassing doen en die behoefte daarvoor.

Op Internasionale Vrouedag gesels Martelize met dr. Linda-Louise Geldenhuys van Boston City Campus oor geslagsgelykheid in die werkplek.

Martelize Brink praat met Zabeth Venter, bestuurshoof van Averly, oor die verhouding tussen huurder en verhuurder. Hulle gebruik tegnologie om hierdie verhouding te verbeter, want dis gewoonlik gelaai met struweling.

Ons bespreek hierdie indringerplant. Hoe word dit gekweek? Waarvoor word dit gebruik, en wat is die gesondheidsvoordele?

Sy is onlangs aangestel as een van die direkteure van WP Professionele Rugby, en in 2020 het was sy op die lys van die Top 10 mees uitsonderlike jongmense in die wêreld. Jacqui January gesels met Melene Roussouw, ‘n jong vrou van die Kaapse Vlakte, wat haar lewe wy aan ‘n geslagsgelyke samelewing.

Luandrn Jansen van Vuuren, medestigter van uPhil, vertel van ‘n kontant- en kontaklose fooitjietoepassing.

Leona Pienaar, die bestuurshoof van MES, praat oor die uitdagings van haweloses om hulleself teen Covid-19 te beskerm.

Annerie Senekal is die assistentkurator: orgideëversameling van die Stellenbosch Universiteit se Botaniese Tuine. Sy het ‘n graad in biodiversiteit en ekologie. Johan Rademan het haar gepols oor die besondere kleure van die fauna en flora wat ons aandag trek, en oor hierdie besondere seisoenale tyd.

Neurowetenskaplikes het ontdek dat 50% van ‘n mens se intelligensie tussen geboorte en die ouderdom van vier ontwikkel. 'n Kind se volle potensiaal hang af van stimulerende ervarings in dié tyd. Die vermoë om jouself duidelik en akkuraat in jou taal te kan uitdruk, met ‘n goeie grondlegging in woordeskat, fonetiek en gesigsuitdrukkings, is belangrike boustene van 'n kind se skolastiese prestasies...

Op Malmesbury maak kwadrupleeg Furlo Theron en arbeidsterapeut Hilletje Wiehan klere en hulpmiddels wat aangepas is vir mense met gestremdhede.

Wat is basiese bestuursvaardighede wat jy nodig het in die nuwe normaal ná Covid?

Karen Köhn het sowat 14 jaar vir ‘n groot mediamaatskappy gewerk. Sy is vier keer deur dieselfde maatskappy afgelê, en het daarna op vryskutbasis begin werk. Om die pot aan die kook te hou, moes sy haar inkomste aanvul. Vandag is sy ‘n passievolle honde-oppasser. Sy sê honde het haar hart heel gemaak het toe sy op haar laagste was.

Vyf jaar gelede het Wayne en Ronelle Duck hulle huis en alles wat daarmee saamgaan, verkoop om 'n nomadiese lewe in hulle omgeboude voertuig te voer. Mariska Spoormaker het hulle in De Vlugt raakgeloop, en by Ronelle gehoor wat hulle alles moes doen om permanente trek-eende te kon word.