Driesestig

Die superfikses sê dit is kroek-fietsry, maar diegene wat so lekker op elektriese fietse, ook bekend as e-bikes, rondrits, steur hulle weinig aan dié soort opmerkings. Die pandemie, wat fiksheid en buitelug so belangrik maak, het die ideale mark vir e-fietse geskep, het Mariska Spoormaker in gesprek met Matthew Adams van Cycle Pro in die Baai gevind.

Francois du Plessis gesels oor selfverdediging vir kinders en hoe jy kinders boelie-proof kan maak.

Prof. Renata Schoeman praat oor gepeupelmentaliteit, of mob mentallity.

Kobie Abrie vertel vir Martelize Brink van Kin Culture wat ondersteuningsdienste aan pleegfamilies in die Wes-Kaap bied. Sy vertel ook hulle Mandeladagplanne.

Iets waaraan die meeste mense nooit dink nie, is dat talle Covid-pasiënte wat in die intensiewe sorgeenhede beland, na die tyd baie met trauma sukkel. 'n Inwoner van Despatch, Chris Jansen van Nieuwenhuizen, is een van hulle. Hy vertel aan Mariska Spoormaker hoe trauma by hom begin spook het nadat hy 102 dae in die intensiewe sorgeenheid was en daarna vir vir 'n verdere 75 dae in die Aurora Rehabi...

DIE INHOUD MAG SENSITIEWE LUISTERAARS ONTSTEL. Die 47-jarige Leilani Kuter vertel vir Haidee Muller-Isaacs hoe haar tragiese verlede haar nie gebreek het nie, maar tot hoër hoogtes aangespoor het. Sy het 27 jaar gelede ‘n wrede verkragting oorleef, en besluit om haar hartseer weg te stap en ‘n kampvegter te teen geslagsgeweld word.

Gielie Hoffmann vertel vir Martelize Brink van die impak wat die afwesigheid van toeskouers op sportlui het.

Glen Meyer vertel vir Esté Gross hoe sy organisasie gevangenes wat vir parool in aanmeking kom, leer om groentetuine te maak sodat hulle vir hulleself kan sorg en 'n verskil in hulle gemeenskappe maak.

HGG Finansiële Groep bied die reeks, Geldgids, aan om in dié tyd van geldverknorsing hoop te gee en kennis oor te dra. Marita Oosthuizen is 'n emosionele intelligensie-ontwikkelingkonsultant. Met haar kundigheid, rus sy ons toe met emosionele padkos en wysheid vir ons tog uit die doolhof van emosionele en finansiële wanhoop. hggroep.co.za

Opvoedkundige sielkundige Jacques Viljoen vertel vir Esté Gross op Wêreld Jeugvaardigheidsdag van aanlegtoetse om te help om die mees geskikte beroepskeuse te maak en 'n geskikte stel vaardighede daarvoor te ontwikkel.

Maryke Stern vertel vir Martelize Brink van Maluti-veewagterhonde wat suksesvol veeverliese bekamp.

Shirley Feris vertel vir Martelize Brink van haar blog met stylwenke vir middeljarige vroue.

Markus Fourie gesels met Martelize Brink oor die vrae wat PSG Insure tydens die onrus ontvang, en wat jy met versekering in gedagte moet hou wanneer jy verhuis.

Haidee Muller-Isaacs praat met Laurie Greyvenstein oor sy niewinsgewende organisasie, Social Justice Foundation, wat mense met onderhoudsake en mediasie help. Dié oud-landdros vertel hoekom hy en sy vrou, Anneke, 'n passie het om mense met onderhoudsake te help, en hoe hulle ander desperate mense gaan help ter ere van Mandeladag op 18 Julie.

Hy dink in hierdie dae van pandemie en inperking veral aan die mense wat ‘n struikelblok soos hakkel te bowe moet kom, sê Jo Els, landdros van Tarkastad in die Oos-Kaap. Jo het langer as 40 jaar met die frustrasie en verleentheid van hakkel saamgeleef. Op 55-jarige ouderdom het hy toevallig op ‘n kursus afgekom wat hom gehelp het om hakkel te oorkom. Hy vertel sy storie vir Mariska Spoormaker.

Jaco van der Linde vertel vir Martelize Brink van die Pedal Project wat kinders uit agtergeblewe gemeenskappe vir bergfietsritte in Stellenbosch se berge neem. Hy gesels oor die impak van die uitstappies op die kinders se geestesgesondheid, en hoe dit met ADHD help.

Roné de Bruyn vertel van wintertuine wat 'n besoek verdien.

Biokinetikus Marius Cornelissen praat oor die voordeel van oefening vir mense met komorbiditeite vir Covid-19, en hoe jy ná Covid-19 weer moet begin oefen.

Hendrik Botha vertel vir Martelize Brink van sy versameling Coca-Cola memorabilia van sowat 11 000 items.

Misdaad is een van die top storie-idees vir rolprente en TV-reekse. Deel van die wenresep is wanneer dit op ware gebeure gebaseer is, en die gerehabiliteerde misdadiger self sy rol speel. Rina Jooste is ‘n rolprentmaker wat vertel wat agter die skerms gebeur in haar werk. Sy vertel ook van die lewenslesse wat sy by van die misdadigers geleer het. Jacqui January gesels met haar.

Jaco Botha vertel vir Martelize Brink van die infrastruktuur in Suid-Afrika vir laaistasies vir elektriese voertuie.

Prof. Renata Schoeman praat oor die impak wat Lang-Covid op werkgewers het.

Björn Alexander gesels oor sy nie-winsgewende organisasie, Hilltop Legacy, se werk in die Paarl-gemeenskap. Hy vertel hoe hulle programme reeds 'n reuse impak maak in die lewe van die jongmense, deur te fokus op akademie, fisiese aktiwiteite en mentorskap. Haidee Muller-Isaacs het gaan hoor hoekom dié jongman so hard werk om 'n verskil in sy gemeenskap te maak.

Lésa van Rooyen vertel vir Martelize Brink van die Vredesparke-stigting se Peace Parks TV. Op die webblad kry jy sien wat die veldwagters in die oorgrensparke sien en doen.

Polistireen is ‘n plastiekverpakkingsmateriaal wat in elke huishouding te vinde is. Dit word gebruik om waardevolle huishoudelike toestelle, soos yskaste en TV’s, te beskerm tydens verpakking. Daar is egter ‘n ernstige pleidooi aan Suid-Afrikaners om in die groot aanvraag om plastiek te herwin, gehoor te gee. Jacqui January het die storie…