Driesestig

Haidee Muller-Isaacs gesels trekkers en nogmaals trekkers met oom Hannes Rheeder van Kraaifontein.

Linda Diedericks vertel vir Johan Rademan en Martelize Brink van die Rijksmuseum in Amsterdam se uitstalling oor slawerny in die Nederlandse koloniale era, wat Suid-Afrika insluit.

Sylvia Vollenhoven vertel van die musiekteater, Krotoa Eva van de Kaap, wat amper deur die Covid-vlugverbod in die wiele gery is.

Laverne Stebbing gesels oor die rol van vrywilligers in die stryd teen MIV en Vigs.

Prof. Francois Roets praat oor die vordering in navorsing oor die stompkopkewer wat die bome teister.

Samara Cloete praat oor Suid-Afrika se digitale mededingendheid.

Marina Clark gesels met Johan Rademan en Martelize Brink oor die realiteit van die regte van mense met gestremdhede.

Dr. Etienne van der Walt praat oor neurogedrag in die werkplek.

Wendy Pekeur praat oor plaaslike gemeenskapsorganisasies en gemeenskapsreaksie op geslagsgebaseerde geweld.

Op Kariega, vroeër bekend as Uitenhage, word daar hard gewerk by die Drostdy-Werkplek vir Volwasse Verstandelik Gestremdes om die verpletterende gevolge van die pandemie en gepaardgaande inperkings te oorleef. Mariska Spoormaker het die sentrum besoek.

Tinus Beukes praat oor die Verenigde Koninkryk wat seekatte, krappe en krewe herklasifiseer het as diere met gevoel, en nou beskerm word onder hulle dierebeskermingswette.

As daar nou ‘n man is wat jou enigiets van enige voetslaanroete in en om Nelson Mandelabaai kan vertel, dan is dit die 77-jarige Peet Claasen. Die plaaslike voetslaanklub, Voetsac, het hulle toekenning vir die klub se ywerigste voetslaner na hom vernoem. Mariska Spoormaker het saam met hom gaan stap om te hoor waar alles begin het.

Vaughan van Zyl en Walther de Bruin gesels met Martelize Brink oor die Drakensberg Seunskoor se suksesvolle jaar, en die toer waarmee hulle besig is.

Dis baie maklik om raad te kry oor hoe om gewig te verloor. Die internet het ‘n legio diete, jou vriende het elkeen hulle eie resep. Die realiteit is egter vir baie van ons ‘n totale ander storie. Jacqui January gesels met Janja Wills, ‘n 35 jarige vrou wat 95 kg in drie jaar verloor het! Sy het egter weer 50 kg opgetel het, en die stryd duur voort.

Prof. Charlene van der Walt vertel vir Martelize Brink hoe die Faith Action Collective geloofsgroepe mobiliseer teen geslagsgebaseerde geweld.

Haidee Muller-Isaacs kuier by Oom Duggie in die kroeg by die Klapmuts hotel. Oom Duggie was net 20 jaar oud toe hy by die hotel begin werk het in 1961. Hy is vandag 80 jaar oud, en Haidee het gaan inloer om na sy kroegstories te luister.

Grant Forbes vertel vir Johan Rademan en Martelize Brink van Renosterveldbewaring in die Overberg, en tegnologie wat nou daarmee help.

Daagliks hoor ons op sakenuusverslae en lees ons in sakeverslae woorde waarmee ons nie vertroud is nie of nie weet wat dit beteken nie. In GeldGids se nuwe reeks, GeldAlfabet, verduidelik ons paneel kundiges die algemeenste sakeverwante woorde, van A tot Z, en die betekenis daarvan. In GeldAlfabet bespreek Eduan Basson, gesertifiseerde finansiële raadgewer verbonde aan HGG Finansiële Groep, en pro...

Sophia van Rensburg vertel vir Johan Rademan en Martelize Brink hoe die afgelope twee jaar mense dwing om anders te kyk na filantropie.

Colin Beck het as jong speler vininig groot geraak tydens die 1981-Springboktoer. Hy het onder andere saam met Danie Gerber in die middelveld teen die All Blacks uitgedraf, en ook sy eerste en enigste volledige toets teen die USA Eagles gespeel. Johan Rademan het met dié senterpaar met die byname Klaas Vakie en Doring van Despatch, tydens die Bokreünie gesels.

Carel du Plessis het as studente-rugbyspeler die Springbokke in 1981 vergesel na Nieu-Seeland en die VSA. Die prins van vleuels is egter ingesluit as senter, en hy het die Bokke a.g.v. sportisolasie in slegs 12 toetse verteenwoordig, waarin hy vier drieë gedruk het. Johan Rademan het met Carel gesels, wat ook ná die sportisolasietydperk in 1997 die Bokke afgerig het

Melanie Lubbe gesels met Johan Rademan en Martelize Brink oor mense van kort statuur, en die organisasie EQUAL CITIZENS OF SHORT STATURE SA wat onlangs gestig is.

Dr. Linda Meyer praat met Johan Rademan en Martelize Brink oor verbruikersboikotte.

Jacqui January was by ‘n kleuterskool, waar die kleintjies ‘n ander skool se kinders help om ‘n mondhigiënis te kan sien. Sy gesels daar met Mariette Wille, wat vertel hoe dit alles begin het.

Carike Verbooy gesels met Martelize Brink oor studie-uitbranding tydens eksamens.