Driesestig

Chantel Memizwa vertel vir Johan Rademan en Martelize Brink van die Oorplantingspele waaraan sy binnekort deelneem. Sy deel ook haar oorplantingsverhaal.

Adriana, of Arrie, Robinson is die afgelope 25 jaar 'n kankeroorwinnaar. Sy het klierkanker drie keer geklop! Albei haar ouers is oorlede aan kanker. Sy vertel vir Haidee Muller-Isaacs dat sy en haar man bevoorreg is om 2022 se Cansa Hero of Hope Survivor and Carer te wees. Daar is soveel dankbaarheid in haar hart om kanker te kon klop.

Hanene van Dyk vertel vir Johan Rademan en Martelize Brink van plaaslik verboude truffels, die honde wat dit uitsnuffel, en hoe dit in geregte gebruik word.

Wilfred Chivell vertel vir Martelize Brink van ‘n studie van twee orkas se impak op die groot withaaibevolking aan die Suid-Afrikaanse kus.

Rehan Greeff gesels met Martelize Brink oor die drie volle driekampe in ses dae in drie lande, wat hy die naweek afgehandel het. Dit het plaasgevind in London, Kisoro in Uganda en Kaapstad.

Annabe Pretorius vertel vir Martelize Brink hoe plastiek vervaardig word.

Insekte is hoogs suksesvol. Baie geleerdes dink hulle is die suksesvolste skepsels in die diereryk. Hulle lewe oral op land, in die lug en in die water en is merkwaardig toegerus vir amper enige soort omgewing, selfs die ysmassas van die Noord- en Suidpool en die snikhete woestyn. Jacqui January het meer gaan uitvind van inseknavorsing in Suid-Afrikas se botaniese tuine.

Maryke Visagie gee vir Martelize Brink praktiese wenke om plastiekgebruik te beperk.

Maryke Musson vertel vir Johan Rademan en Martelize Brink van al die aktiwiteite by uShaka Marine World in Durban.

Haidee Muller-Isaacs kuier op Worcester by die Karoo Desert Botaniese Tuine waar haar paaie kruis met Maria van der Westhuizen. Maria het in 2005 as skoonmaker daar begin, en toe gaan studeer sy verder in tuinboukunde. By die tuine op Worcester is daar 'n bordjie by die vetplante wat lees: Hierdie area word bestuur deur Maria van der Westhuizen. Sy vertel vir Haidee van haar grootworddae op 'n pla...

Jan Malan vertel vir Johan Rademan en Martelize Brink van Die Koelkamers-teater op Paternoster, wat uit die Covidpandemie gebore is.

Jeff Coetzee vertel vir Johan Rademan en Martelize Brink van sy tennisloopbaan as speler en ATP-afrigter.

Bianca Clarke vertel vir Johan Rademan en Martelize Brink van African Women in Agriculture, ‘n organisasie wat jong swart vroue blootstelling en opleiding in landbou gee.

Marshall Hartogh, Villa Brown en Jeffery Hartzenberg vertel vir Johan Rademan en Martelize Brink van DIE KHOI in die Paarl wat jou die geleentheid gee om die Khoikultuur eerstehands te ervaar.

Haidee Muller-Isaacs kuier by oud-onderwyseres Adri Vivier op Melkbos. Adri vertel van haar passie vir mosaïek en haar nuwe TV-loopbaan op 61.

Ronel Steenkamp, ’n natuurlewebeampte by die OR Tambo Internasionale Lughawe in Johannesburg, vertel vir Johan Rademan en Martelize Brink hoe voëls by beheer word om seker te maak hulle kom nie naby die aanloopbane nie.

Ernst Retief vertel vir Martelize Brink van die beste plekke in Suid-Afrika om te gaan voëls kyk.

Junika Hugo vertel vir Martelize Brink van ruiterkuns. Dié 15-jarige ry Amerikaanse saalperde. Sy is opgeneem in die Senior Vyfgang Protea Ruiterkunsspan wat in Julie in die VSA sal deelneem aan die Wêreldbekerkompetisie.

Samara Cloete praat oor sosiale emosionele geletterdheid, en hoe jy dit aanleer.

Prof. TG Barnard vertel vir Martelize Brink hoe 'n mens water suiwer.

‘n Bateleur is ‘n roofvoël, maar hierdie bateleurs roof nie, hulle vlieg vir die omgewing. Dis ‘n groep vlieëniers wat omgewingsbewaringsorganisasies op ‘n vrywilligersbasis bystaan. Jacqui January het by een van die lede van die Bateleurs gaan kuier.

Marshall Nelson vertel vir Martelize Brink hoe die Youth Media Movement in Mitchells Plain mense voorberei vir die 4de industriële rewolusie. Dit sluit in die bou van hommeltuie en 3D-drukkers. Hulle doen hommeltuigsokker-demonstrasies om mense se belangstelling te prikkel.

Thomas en Donné Breytenbach is die eerste Suid-Afrikaanse tweeling wat saam aan die Statebondspele gaan deelneem. Johan Rademan en Martelize Brink het met hulle gesels.

Emile Joubert werk in die wynbedryf, maar sy pad met kos kom al sy lewe lank met hom saam. Hy kuier in Haidee Muller-Isaacs se sitkamer, waar hy vertel hoe hy as sesjarige saam met sy ouers in Engeland moes gaan woon toe sy pa daarheen verplaas is. Hy het die kosbaarste herinneringe aan sy ma, en vertel vir Haidee van sy interessante lewensreise, en sy kosmemoirs wat hy pas vrygestel het.

Magdalene Minnaar gesels oor haar grootwordjare, haar loopbaan as operasanger en nou as artistieke direkteur van Kaapstad Opera.