ESPERTA VALLADARES. Resumo semanal

#resumoesperta escoitando ao arquitecto César Portela, un paseo polos escaparates de Pontevedra coa Asociación Sete Espadelas, e propostas de agasallos para o Nadal, calcetíns de SomosOcéano.

Un paseíño guiado con Guido Álvarez, @guidoguia, e a conversa con Héctor Salvador, que estivo en Vigo na Semana de Cine Submarino, no #resumoesperta

Murolo Foods e os Bolechas neste #resumoesperta. Pasta italiana con espíritu galego… o mesmo que levan os seis irmáns deseñados por Pepe Carreiro.

Neste domingo, un agasallo musical! El hechizo de Nora, versións rock-pop dos 80. E unha de historias de cementerios bonitos, que os hai ben chulos.

Hai momentos que son únicos neste ‘tenderete da radio’. Chegaron ata nós un par de curas obreros e o director do documental sobre 'La cárcel de los curas', en Zamora e vai, e non caen as capas da rondalla…?!?!

Apetece unha ruta polos pazos galegos? Ímonos coa historiadora Beatriz Liz de Cea.

Domingo pola mañá, conversa para o ‘brunch’ con Engra, de como foron cociñando o seu disco. #resumoesperta

Botámonos ó monte. Paseiño polo Courel con Guillermo Pardavila e o Proxecto Cuco.

Unha conversa pausada con alguén que habitualmente vai rápido. Moncho Seoane, copiloto de rallys.

Na escolma desta semana vai a conversa con Santiago Bonay sobre o barallete. E tamén Son galego, son cubano, o disco de Roi Casal con letras de Neira Vilas sobre a emigración.

50 anos de teatro Escoitade, unha tertulia divertida para resumir esta semana.

Para o resumo conversas con apaixonados do seu traballo. David Russell, que percorre o mundo coa súa guitarra, e Alfonso Iglesias, xerente de Melsacra.

Rescatamos para o resumo a conversa con Loreto Pérez Román, xuiza de atletismo internacional.

Nesta semana de especiais tirados de arquivo, vai un par de conversas da semana pasada. A proposta Vincios Verde Cultural e mais historia do Pedramola en Vinos.

A regueifa, a improvisación, deste e doutro lado do Atlántico. Recuperamos a conversa co payador Wilson Salywonczyk.

Viaxes e música para a fin de semana. Recuperamos as conversas con Dani Keral sobre o seu blogue Un Viaje Creativo, e con Samuel Diz, director de Música no Claustro.

Lembramos a conversa sobre a Copa do Mundo de Triatlón que se vai celebrar en Pontevedra. E ademáis subiremos a bordo do Ramón Margalef, que está na campaña SCAN IV de observación de cetáceos.

No #EspertaResumo unha historia curiosa. Falamos co grupo Bajo+6, pero tamén de como chegamos a eles.

Resumo dunha semana completiña, coma todas. Revisamos o urbanismo da N-550 da man dun grupo de arquitectos. Lembraremos a conversa coa xente de Hera Cider e proposta turística… ou lectora, ‘Hotel Roma’, de Fernando Lillo.

20 anos non son nada! Que llo digan o P.N. Illas Atlánticas. O seguinte paso, ser Reserva da Biosfera, pero iso non, que os humanos teríamos o paso limitadísimo. Ademáis, conversa con xente que sabe moito de herbas mediciñais e de rituais do lume no San Xoán. Así vai o resumo desta semaniña.

No resumo desta semana lembramos a conversa con Agrae sobre os beneficios que aporta aos cultivos o polvo sahariano e damos unha volta pola Ribeira Sacra, coa súa Casa-Museo do Chocolate e a necrópole de San Vítor de Barxacova.

Resumiño da semana para amenizar esta mañá de domingo. Percorrer a Nacional VI en modo slowly, como se fósemos pola ruta 66. E descubrir cousas do oso pardo, que anda xa en Galicia por mais lugares que o Courel.

Para o resumo desta semana quedamos coa conversa con Rosa Silveiro, presidenta do Consello de Desenvolvemento do Barrio Santa Lucía, en República Dominicana. E non hai moito máis que engadir!

Na escolla desta semana quedamos coa conversa coa xente de Troula, que celebran 20 anos, e a historia do Grupo Dacunha, panadería en Carral, que loita por recuperar variedades de trigo e millo do país.

O órgano de San Clara en Pontevedra volveu á vida nun concerto da Orquesta Clásica de Vigo o día das Letras Galegas. Ademáis, neste resumo dominguero, daremos unha volta pola tempada do Valladares (fútbol, claro ). Por certo, esta tarde na Gándara homenaxe á dous xogadores que levan no clube dende cativos.