ESPERTA VALLADARES

Nos deportes quedamos na casa, que falamos de fútbol sala no CVC Valladares. Tamén hai tempo para a ‘Historia de un gato’ da ilustradora Laura Agustí. E como é a festa do cine, unha de palomitas no campionato mundial de lanzamento delas do Centro Comercial Travesía.

Tertulia divertida coa xente de Engra, punk rock made in Vigo. Ademais, unha voltiña polo Museo de Pontevedra para coñecer as fotografías de Ruth Matilda Anderson na súas viaxes a Galicia entre os anos 1924 e 1926 e os traxes reproducidos para a ocasión pola Asociación Etnográfica Sete Espadelas.

Comezamos os luns de outubro tirando de arquivo. Imos escoitar un especial sobre as traídas de augas en Valladares e mais da construcción da rede de saneamento nas parroquias.

Hoxe é a G-Night, Noite Europea das Persoas Investigadoras, e para celebralo hai unha chea de actividades, entre elas obradoiros organizados polo IEO Vigo - Investigación Marina y Divulgación en colaboración coa UVigo. Un deles vai sobre o arco da vella que podemos atopar baixo o mar! Ademáis, imos dar unha volta pola Festa da Sidra de Bembrive e axenda, que este fin de semana hai moitos plans! Na...

A figura de Concepción Arenal sigue estando vixente, dela falamos con Anna Caballé. Ademáis, coñecemos as propostas de Rara Avis Tocados. E voltamos ao Courel que temos pendente unha conversa con Guillermo Pardavila, un dos músicos habituais do Lembranza.

Rematou o verán e con el a tempada de traineras. Imos ata Moaña, falar coa xente da S.D. Tiran Pereira, que acadou o ascenso á Liga Euskotren. Ademáis, a Eurocidade Tui-Valença acolle estes días o MUMi - encontro profesional de música de Galiza e Portugal, a ver que nos contan. E visita a radio Cé orquestra pantasma, para presentar o proxecto CUCO, ideado por Anxo Moure.

Conversa con Victoria Besada para falar do proxecto Oceánicas, paseo por Salceda, onde a xente da ACDEs Treze Catorze levou a cabo a súa acción no Móllate polos ríos, e unha visita ao castelo de Moeche, que é martes e temos que seguir coñecendo o noso patrimonio!

Os lavadoiros foron durante moitos anos o lugar de encontro. Deles, da historia das mulleres que iban por alí, da súa renovación… diso falamos hoxe. Conversa con Ana Amado, que se achegou a eles dende o eido audiovisual, e con A banda da Loba sobre o seu disco 'Xabón Lagarta'. E tamén unha voltiña polos de Vigo, José fotografiou no seu blog os case 200 que hai.

“No día do seu enterro” é o título do primeiro libro de Cristina Pato… sobre a historia que hai detrás, sobre a súa traxectoria falamos un ratiño. Ademáis, paseamos por Covelo nos camiños que atravesan a ruta Mariana e imos ao Courel, ata o bar Lembranza CB coñecer a súa proposta musical.

Apetecen unhas cigalas? O primeiro paso é pescalas e saber se as hai, que é o que estudiou un equipo do IEO Vigo - Investigación Marina y Divulgación, liderado por Julio Valeiras. Ademáis, falamos coa xente de Inmersia sobre as experiencias que se poden vivir xogando coas gafas de realidade virtual. E tempo para unha conversa con Denis Gómez sobre a película "O home e o can“ na que participa e out...

Coñecer os camiños, saber guiar… dun pouco diso vai o Esperta hoxe. Conversamos con Moncho Seoane, copiloto de rally, e escoitamos como lle foi á banda este verán e como se presenta o curso na Escola de Música de Valladares. Todo moi da casa!

Chega a IX Carreira Vigo Contra el Cáncer e imos falar coa organización, das súas expectativas e dos proxectos que van subvencionar. Hai dorsal 0! Ademáis, coñecemos á Asociación de Personas Sordas de Vigo, que cumple 50 anos. Dende hai uns anos o concello de Nigrán mercou mochilas vibratorias para que estas persoas desfruten dos concertos e outros espectáculos sonoros. Con eles tamén conversamos...

Ás veces, as bibliotecas gardan tesouros á espera de que alguén os atope, como lle sucedeu a Iago Leal cando abriu unha edición do 'Romancero Gitano' de Lorca que estaba na biblioteca do Centro Cultural de Coruxo. E despois conversa, divertida, que chega a Vigo O estrano caso do Dentista da rúa Brasov de Troula.

Nos anos 80 o grupo de Teatro Escoitade fixo unha pequena incursión no mundo do cine. Dúas curtas, 'Manoeliño!' e 'Livia', que podemos volver ver este sábado, ás 20:00 no Auditorio. Falamos con Doro Piñeiro e tamén con Antonio Caeiro, que remasterizou as gravacións en Super8. E unha volta polo Sinsal Outono!

A piques de rematar o verán aínda hai tempo para unha nova cita musical: estréase a Eferro, foliada en Merza. Ademáis, damos unha volta polas propostas do Festival Primavera Do Cine, no que Silvia Fonterosa vai impartir un obradoiro sobre cinema e consumismo. E coñecemos o chiringuito Patapalo na Illa de Arousa.

Imos parar no ximnasio de Valladares, por se vos animades facer unhas tabliñas na sala de musculación, falamos coa monitora Almudena. E se tendes forzas, subimos a unha bici ou se a tendes e non a usades, donadea a asociación Reciclyng. E se xa caístedes mortos, o mellor é unha butaca para desfrutar de Mayumaná, que veñen domingo a Vigo.

Son galego, son cubano, é o título de proxecto no que anda metido Roi Casal. Un agasallo de Neira Vilas á música galega, un xeito diferente de achegarse á historia da emigración. Ademáis, damos unha volta polas actividades que hai no Centro Veciñal e Cultural neste novo curso. E un pouco de patrimonio, que aínda hai pedras que visitar, as do mosteiro de Sobrado dos Monxes.

Da Ribeira Sacra á Costa Oeste dos Estados Unidos. Conversamos con Santiago Bonay Lopez sobre o barallete, o idioma que falaban os cacharreiros e afiadores do Norte ourensán. E preguntámoslle a Aid Alonso a que anda musicalmente (ela é a da Costa Oeste). Tamén hai un ratiño para coñecer a curtametraxe 'A illa no mar' da man do seu creador Alberto Montull, quen foi alumno do Bacharelato de Artes no...

Xa chegou o Revoltallo!!! E non sae no libro “Festivales de España”, que ben podía ;) Falamos con David Saavedra, o autor desta guía para percorrer a península seguindo á música. Non vos preocupedes, a guía xa vola imos facendo nós repasando o cartel e mais conversamos con O caimán do río Tea, que actúan esta noite. A disfrutar esta finde, revotalleir@s!!!

Este xoves, teatro por un tubo. Tertulia sobre os 50 anos de Teatro Escoitade e comedia musical no Revoltallo con Marinita y sus Maromas. Ademáis, é 8 de setembro, hai moitas romerías e aquí baixan os santos!

A piques de comezar o curso, charla con estudiantes, imos falar dos intercambios, as viaxes ao extranxeiro… e de todo un pouco. Ademáis, voltamos a Bueu que xa está aquí o FICBueu, e á Ribeira Sacra, coñecer o Cinema Palleiriso.

Martes musical. Coñecemos unha das propostas do Revoltalliño, un obradoiro de arpas co luthier David Miguélez. Ademáis, falamos coa xente de Astarot que lanzou disco, Baixo a luz de Breogán. E sumerximonos na ría de Ribadeo, con Miguel San Claudio. Atoparon unha barca de peregrinos do s. XIII.

De luns, aproveitamos para falar do 34ª edición do Certame de Poesía do Condado coa xente de Liska. Ademáis comezamos coa previa do Revoltallo, coñecendo a proposta de Sangre de Muérdago. E proposta lectora, “La conjura de la niebla”, de Ángela Banzas.

Historias de venres. Un paseo polo museo de Anfaco, a curtametraxe de Oliver Gavín, que recolle a historia e a revolta social que se produciu pola instalación do Alfageme na rotonda do Alcampo e... imos ata Freixo, que sábado é a baixada de carros de bolas!

Comecemos setembro con bo pé. Coñecemos á nova traballadora social do Centro Cultural. Ademáis, imos ata a Ribeira Sacra onde Alfonso Iglesias, un namorado da súa terra, puxo en marcha Melsacra. E ata nós chegou unha pequena desgustación de mel con avelás... ummmm