ESPERTA VALLADARES

O directo de hoxe, nada sobre o planeado. Houbo conexións en directo. Co especial 30 aniversario Ponte… nas Ondas! e co certame escolar de regueifas que se estaba a celebrar no auditorio de Valladares. Ademais, tamén paseamos polas esculturas nos montes da parroquia coa guía editada pola Comunidade de Montes.

Cúmprense 100 anos do falecemento do obispo de Tui Manuel Lago que, ademais de crego, foi un dos fundadores da Real Academia Galega… Falamos con Andrés Torres Queiruga desta figura tan relevante e descoñecida da nosa cultura. Ademais, coñeceremos a Sala Viguesa de Esgrima Antiga e conversa con Sabela Ramil sobre a música como terapia e a músicoterapia.

Natureza e maxia para comezar a semana. Falamos con Teatro do Ar das rutas teatralizadas que están a facer en Nigrán, coñeceremos a historia do Conde Waldemar e primeira visita do ano ao Instituto Español de Oceanografía, vannos falar de raias!

Ai o vai, o primeiro #espertavalladares da tempada. Estamos de volta e traemos un ‘directo-grabado’. Conversa con Yusandra Yurico da Asociación Wayra en Perú, que visitou Vigo en novembro e compartiu o proxecto de promoción da muller na área do Cusco.

Ponte…nas ondas! entrega os premios da VII Edición do Certame “As imaxes do patrimonio”. Retransmisión do acto dende o Centro Veciñal e Cultural de Valadares coa actuación de Paco Nogueiras.

#Especial 9. Sabíades como comezou a historia das alfombras en Pontareas? Para tapar a lama á entrada da iglesia o día de Corpus. E a outra historia? A dos Irmandiños recreada en Vilanova dos Infantes. E aquí remata esta tempada do #EspertaValladares. Voltaremos de novo cos directos na primavera!!

#Especial 8. O fío conductor vai ser a música heavy. É o que escoitan os nosos invitados. Un neurocientífico e un kacker, dos bos. Spuch e Icko, ata nomes de súperheroes teñen!

#Especial 7. Subimos á cabina do avión! Pero antes, check á pista de aterrizaxe para comprobar que non hai aves ó redor. E para as horas de voo, un corto 'In Half'.

#Especial 6. Unhas ás e a voar. Cegoñas no estuario do Miño. Outras de 'vacacións' no humedal do Grove. Ranas en Madagascar. Algas e a súa peculiar estructura e textura. E unha lenda, a do Maracaibo.

#Especial 5 Volta polo mundo. Berlín, Kazajistán, Nepal e Suecia. Unha maleta cargada con anaquiños de porcelana. Viaxar ata a estepa seguindo o rastro dunha canción. Trekking a Nepal. E Suecia... pronto os seus deseños de tecido vikingo nas rúas de Ourense.

#Especial 4 Paseo por Dr. Cadaval ata a Galería Maraca para probar o noso nivel de inglispitiglis. Pedimos opinión sobre o circo e invitamos a Caruncho para que viñera coa súa camisa floreada ata a radio. Tamén seguimos o lanzamento dun satélite dende o patio dun cole en Coia.

#Especial 3. Montamos en bici. Pero das primeiras, daquelas coa roda dianteira enooorme e a traseira minúscula. E logo, planeamos... sen motor, polos lindes da Galicia e Portugal.

#Especial 2. Un pouco de patrimonio. Dende o mais elevado ata o mais mundano. Ópera Verdi, camiño Taverneiro, o volteo das campanas en Beade e a tradición de facer os roscóns para os afillados.

Remataron os directos desta tempada no #EspertaValladares. Peeero inda imos acompañarvos estas mañás radiofónicas de outubro con especiais. #Especial 1. Comezamos a semana na casa. Cun tour pola bilbio do centro veciñal e mais unha tertulia arredor das partidas de dominó.

Traemos os origamis de flores de Anaquiños de papel na ‘conversa rescatada’. Tamén falamos dos retratos en miniatura con Carmen Espinosa, especialista neste tipo de pintura. Na Pinacoteca podemos visitar unha pequena colección deles. E descubrimos cantos ‘minigrupos’ poden ir saindo dunha banda. Duetos, tríos, ensembles…na de Valladares hai un mundo deles!

No Castro de Pereiras (Mos) retomaron as excavacións. Imos saber que agardan atopar. Ademais, recibimos a visita de Carmeliña Garcia Pereira, que ven ata o cuartiño da radio cos seus poemas. E para rematar, un paseo con Roberto Pascual polos seus anos como director da MIT Mostra Internacional de Teatro Ribadavia.

Por aquí andiveron Manolo Turbo e Javi. A finais dos 80 formaban parte daquel Valladares que ascendera a Terceira. Ides escoitar batallas deses partidos e mais 'algo' de rugby, o deporte que verdadeiramente lle presta a Manolo. Tamén traemos algo de cine, ‘Figuras Ocultas’.

Música ’In Situ’, un pequeno recital de obras de compositores galegos e españois a fins a Antonio Palacios e o seu tempo. Conversa con Alberto Abal, do Coro Voces Graves de Vigo. Ademais, cetrería na cidade e tamén unha visitiña ó humedal do Grove con SEO-Bird Life.

Que tal andamos co Shakespeare? ‘Conversa rescatada’ de luns con Miguel Pérez Romero, que traduce as súas obras ó galego. E ademais, unha fusión entre teatro e videoxogo para contar o ‘Hamlet’ de Cunqueiro. Falamos disto con Beatriz Legerén. E de remate, unha volta polas esculturas na cidade, o Monumento ós representantes do comercio.

No #espertavalladares 'conversa rescatada', a da obra 'Iribarne' de ButacaZero. Falamos co director Xabier Castiñeiras. E tamén saberemos da estructura das algas e outros alimentos con Patricia López do Instituto de Investigacións Mariñas - CSIC.

Seguimos este código postal 36841, que nos leva ata Pazos de Borbén, onde se inspira a música de Thomas Dylan Harris. Tamén algo de cine ‘Las vírgenes suicidas’. E algunha outra historetiña, a das orixes da coral en Valladares, moi vinculada ós inicios do Teleclube.

Turismo deportivo. Viaxamos ata Astaná (Kazajistán) onde se celebraron os Xogos Nómadas. Ata alá foi a xornalista de La Voz, Yolanda García. Logo volta por Madagascar e o universo dos anfibios con David Vieites do Instituto de Investigacións Mariñas - CSIC. E de remate, o mundo da lá. Parada en Hilokune Estudio Logaro en Ourense.

50 anos da coral de Valladares. Conversa cun grupiño de mulleres, unhas que levan dende os inicios e outras que estiveron e volven para o aniversario. E patrimonio, os horreos, canastros, canizos, piornos... coñecemos á Red Internacional Horrea.

Un libro para comenzar a semana ‘52 días a bordo do Botafogo’. É a conversa rescatada dos luns, que ven tamén acompada doutras historias, os clubes de lectura pola cidade adiante.

'Conversa rescatada’ para este venres, o vinilo ‘A mansión dos anxos’ do pianista Alejo Amoedo. Ademais, moita comedia os sábados ás 20h no auditorio de Valladares, que comeza o Circuíto Galego de Teatro Afeccionado de Fegatea. Tamén damos unha volta pola axenda con outras propostas para o tempo de ocio.