Día a Día

O programa Vacacións en Paz organizado por Solidariedade Galega co Pobo Saharauí busca familias que este verán poidan acoller a un neno ou nena saharauí. Julio Solleiro, Antonio Rocha, Carmen Agra, contáronnos a súa experiencia como familias acolledoras. E coñecimos tamén a experiencia de Hagetna, que entre 2002 e 2005 foi unha das nenas saharauís que pasou o verán en Tui, onde agora vive.

Os valores democrático e a intelixencia artificial centrarán mañá venres e este sábado o II Congreso de Educación da Eurocidade Tui-Valença. A concelleira de Ensino, Cultura e Mocidade de Tui, Sonsoles Vicente, destacou hoxe a importancia desta cita internacional que reunirá a destacados expertos, e que permitirá tamén coñecer as experiencias que se desenvolven neste territorio transfronteirizo. M...

A IX Semana da Educación de Tomiño abrirase o luns, 9 de febreiro, ás 19 h no Auditorio de Goián coa conferencia “Impacto da tecnoloxía no desenvolvemento cognitivo da infancia e da adolescencia”. Será ofrecida por María Couso, con quen falamos sobre esta cuestión.

O catedrático Miguel Taín ofrecerá hoxe xoves, ás 19.30 h, no Espazo Sociocultural a conferencia “A gran catedral de Tui nos séculos do barroco ( ss. XVII-XVIII)”. Neste evento divulgativo afondará na transcendencia da catedral tudense, na importancia da colección de mobles barrocos, entre outros aspectos destacados do principal templo tudense. Así o explicaba esta mañá. A conferencia forma parte...

Este domingo 1 de febreiro está convocada unha manifestación en Santiago de Compostela por SOS Sanidade Pública, para a que sairán autobuses dende o Baixo Miño. O prezo é de 8 euros e pódese reservar praza no 986 61 04 65. Así nolo explicou hoxe Conchi Martínez, da Plataforma en Defensa da Sanidade Pública de Tui, quen tamén deu información sobre a situación actual do Centro de Saúde de Tui.

A violista tudense Raquel Areal, membro da Orquestra Filarmónica de Berlín, ofrecerá esta semana dous concertos coa Real Filarmonía de Galicia coma solista. O primeiro será mañá xoves ás 20.30 h no Auditorio de Galicia e o segundo o venres ás 20 h no Centro Cultural A Fundación en Vigo. Tamén actuará en Lugo dentro da xira Ecos de Bregoán. Conversamos con ela sobre estas citas en Galicia, a súa ex...

Deporte, turismo, sostibilidade e natureza están presentes en Rías Baixas Ebike, un proxecto de aluguer de bicicletas eléctricas no Baixo Miño e Rías Baixas. Unha iniciativa pensada para o turismo que suma, segundo explicaron dous dos seus creadores, Xoán Amós e Sergio Pérez.

O xacemento das Torres, en Taborda (Tomiño) foi ocupado antes do que inicialmente se pensaba. Este cambio de hipótese é o resultado da intervención arqueolóxica levada a cabo o pasado verán no marco do proxecto Fortalezas da Fronteira, centrado no estudo do sistema defensivo histórico da fronteira do Miño. Coñecemos os detalles coa arqueóloga Rebeca Blanco.

ACITUI organiza a segunda edición de Tui de Tapas para o mes de marzo. Até este sábado ten aberto o prazo de inscrición tanto para establecementos asociados, coma non asociados. Neste último caso deberán aboar unha cota de 50€. É unha iniciativa que busca crear sinerxías entre a hostalería local. O obxectivo que teñen é superar os 19 locais da primeira edición, e catro días de pechar a inscrición...

Hoxe en Raíces e vangarda cociñamos xarda en escabeche, unha receita do chef Judicael Romero, que deu ademais consellos e trucos saudables.

Mañá martes 27 pecha o prazo de inscrición da Laconada que organiza a Comisión do Entroido de Pexegueiro para este domingo 1 de febreiro. Será ás 14 h no Colexio de Pexegueiro e, despois, haberá bingo. Todo organizado coa vista posta no Entroido, que se celebra nesta parroquia o 8 de febreiro. O menú ten un prezo de 20 euros e a inscrición pode realizarse nos teléfonos 669 65 07 20 e 647 29 76 35....

A fotógrafa tomiñesa Pily Reñones é a única pontevedresa que opta aos Premios Goya de Fotografía. Nesta edición está nominada por catro obras, dúas en libre creación e dúas en gráfico documental. A gala dos premios terá lugar o vindeiro 7 de febreiro en Zaragoza. Hoxe valorou estas nominacións no programa Día a día, e avanzou detalles dos seus próximos traballos.

Unha proposta diversa para todos os públicos é a que brindará no mes de febreiro o Teatro Municipal de Tui. Música, danza e teatro centran esta proposta cultura dirixida a todos os público e unha importante aposta polos artistas locais. Así o explicaba hoxe a concelleira de Cultura de Tui, Sonsoles Vicente. A Banda dos Insectos, Jonatan Alvarado e Samuel Diz, Amarelo e Teatro de Ningures serán os...

A escritora tudense Almudena Solana vén de publicar a súa quinta novela “Viaje a la ausencia”, na que transita o dó polo falecemento do seu pai, traballador na antiga alfándega de Tui. Conversamos con ela sobre as incógnitas da vida, as viaxes, a perda dun ser querido e sobre esta quinta novela que xa está dispoñible nas librarías.

O próximo martes, 27 de xaneiro, celébrase no cumio do Monte Aloia a romaría de San Xulián. Haberá misa ás 10 h e a solemne ás 12 h, que este ano estará oficiada polo bispo da diocese, Antonio Valín. Tras a mesma realizaranse as tradicionais poxas. Así nolo contou Sebastián Gómez.

A asociación Callejeriños Tudenses atende 15 colonias, das que o 60% está rexistrado. No pasado ano 2025 castraron 93 gatos e 4 viven agora en casas de acollida. Segundo explicaron Alicia Cardoso, presidenta, e Inés Albaladejo, secretaria, este 2026 chega con novidades. Entre elas, un convenio co Concello de Tui.

A Comisión Amigos da Festa de Rebordáns organiza tres actividades nas próximas semanas. A primeira será este sábado ás 20 h no Centro Cultural San Fins. Será un campionato de futbolín para o que aínda está aberto o prazo de inscrición. Tamén celebrarán o sábado 7 de febreiro unha nova edición do bingo erótico e o domingo 8 unha gran laconada. Así nolo contaron hoxe Jonathan Soliño e Ismael Felguei...

Mañá xoves ás 12 h, o Centro Sefarad Israel de Madrid acollerá a inauguración da exposición "Os sambenitos da catedral de Tui: historia, memoria e infamia", unha mostra comisariada por Rafael Sánchez Bargiela que porá en valor un dos elementos singulares do patrimonio catedralicio. O comisario da mostra deu conta hoxe dos obxectivos de levar a historia destes sambenitos a Madrid.

A Protectora Aloia de Tui recolleu o pasado ano 141 cans, dos que 33 foron devoltos aos seus donos e houbo 101 adopcións. Hoxe fixo balance de 2025 Pepín Solleiro, quen tamén explicou que necesitan máis persoas voluntarias.

Hoxe mércores ás 19.30 h inaugúrase na Sala Municipal de Exposicións, no Edificio Francisco Sánchez, a exposición “Acuarelas” de José Jesús Blanco Pérez. O artista afincado en Tui presenta máis de 50 acuarelas de paisaxes e lugares de Tui, A Guarda, O Rosal ou Valença, entre outros. Unha exposición que se poderá visitar até o 27 de febreiro en horario de luns a venres de 9 h a 14 h e de 15.30 h a...

Este xoves ás 18.30 h preséntase na Biblioteca Municipal de Tui “La familia de las curanderas”, de Marisa Castro, novo título da colección de Literatura Accesible de Hércules. Hoxe conversamos con Cristina Sola, unha das adaptadoras do Laboratorio de Linguaxe Accesible, sobre o labor de facilitar a lectura naquelas persoas con necesidades ou habilidades sociais, e tamén sobre este libro que se pre...

O presidente de ACITUI, Pepe Míguez, fixo balance do traballo realizado ao longo do 2025 coas distintas campañas desenvolvidas nas que se foi incrementando a participación tanto de establecementos coma de clientela. Apuntaba ao traballo e á escoita activa coma claves para lograr este incremento na participación rexistrada. Arestora están nun proceso de captación de novos asociados, incidindo no ce...

Hoxe en Raíces e vangarda cociñamos lacón con grelos e androlla, unha receita do chef Judicael Romero, que cada luns trae consellos prácticos de cociña de raíz con vangarda.

A Agrupación de Voluntarios de Protección Civil de Tui realizou en 2025 un total de 263 servizos nos que as 21 persoas voluntarias da asociación empregaron 2.153 horas. Hoxe o seu presidente, Juan González, fixo balance do pasado ano e explicou que é necesario para poder formar parte desta agrupación.

Hoxe lanzouse o novo sinxelo de Javi "Maneiro", o primeiro despois da súa saída de Heredeiros da Crus no pasado mes de novembro. "A miña mellor versión" xa está dispoñible, e formará parte do seu álbum que verá a luz a finais deste ano. Coñecemos hoxe os detalles con Javi "Maneiro".