Día a Día

Sete xornadas de actividades están programadas en Goián no seu Entroido tradicional. Música, gastronomía, desfile de carretillas, concurso de disfraces, imitacións, entruido... Deunos hoxe toda a información Carlos Pereira, membro da Comisión de Entroido de Goián.

Este venres 13 ás 21 h o Teatro Municipal de Tui será o escenario do concerto "El mal de l'Amor", no que Samuel Diz e Jonatan Alvarado presentarán un novo disco no que se recolle repertorio inédito de Gustavo Durán, compositor da Xeración do 27. As entradas están á venda en tui.gal aos prezos de 10 € e 7,5 €. Coñecemos hoxe máis detalles deste disco e da historia de Gustavo Durán co músico Samuel...

ACITUI celebra eleccións para elixir unha nova directiva o próximo xoves 19 de febreiro. O presidente, Pepe Míguez, animaba a presentar candidaturas novas. Ademais avanzou que o 5 de marzo celebrarán asemblea xeral.

Miriam Al Adib, xinecóloga, pechará a IX Semana da Educación de Tomiño este xoves 12 ás 19 h no Auditoio de Goián. Será co relatorio "A educación sexual: que ten que ver coa saúde mental?". Con Miriam Al Adib conversamos sobre a importancia da educación sexual dende a base.

Enric Armengou, psiquiatra, será o conferenciante o mañá martes 10 na IX Semana da Educación de Tomiño. Será co relatorio "Romper o silencio, claves para a prevención de condutas autolesivas na mocidade". A cita será ás 19 h no Auditorio de Goián, sendo necesario inscribirse gratuítamente na web do Concello de Tomiño. Con Enric Armengou conversamos sobre suicidio e condutas autolesivas.

Hoxe en Raíces e vangarda cociñamos chocos con grelos, unha receita do chef Judicael Romero, que cada luns trae consellos prácticos de cociña de raíz con vangarda.

David Pastor Vico, filósofo, divulgador e escritor, será o conferenciante o próximo mércores 11 na IX Semana da Educación de Tomiño. Será co relatorio "Comunicación efectiva coas novas xeracións" A cita será ás 19 h no Auditorio de Goián, sendo necesario inscribirse gratuítamente na web do Concello de Tomiño. Con David Pastor Vico falamos sobre esta comunicación e adolescencia.

Fado, ensemble de vento e un coro é a proposta da Academia de Música da Fortaleza de Valença no concerto do 14º aniversario da Eurocidade Tui-Valença, que se celebra mañá sábado ás 20 h no Teatro Municipal de Tui. Coñecemos máis detalles con Ivone Ribeiro, directora da Academia de Música da Fortaleza de Valença.

Con motivo do 14º aniversario da Eurocidade Tui-Valença, que se conmemora mañá sábado ás 20 h ES cun concerto no Teatro Municipal de Tui, conversamos hoxe co presidente da Cámara Municipal de Valença, Jose Manuel Carpinteira. Con el facemos balance destes 14 anos e coñecemos futuros proxectos compartidos.

A Eurocidade Tui-Valença celebra o seu 14º aniversario. Co alcalde de Tui, Enrique Cabaleiro, valoramos este traballo conxunto e falamos dos próximos obxectivos. Tamén fixo un chamamento á precaución ante a crecida importante do caudal do río Miño.

O Espazo Sociocultural da r/ Camilo José Cela acolle mañá venres ás 19.30 h a presentación do libro "Crónicas transatlánticas. De cinza e sal", do historiador e escritor Bieito Alonso. Presentará Sara López, doutora en Pedagoxía, e haberá unha actuación musical de Aloia Martínez e Quico Paz Antón. A entrada é libre até completar aforo. Conversamos hoxe co autor, Bieito Alonso.

Horta Verde organiza no Mercado de San Antonio un obradoiro de pan xerminado de trigo sarraceno e catro talleres de doces saudables. O primeiro será o 19 de febreiro. As persoas asistentes aprenderán a elaborar pan xerminado de trigo sarraceno e os seu valores nutricionais. É necesaria inscrición previa en Horta Verde, no mercado, ou no teléfono 986 600 644. Xa nos meses de marzo e abril impartirá...

Este sábado ás 20 h ES celébrase no Teatro Municipal de Tui o Concerto da Eurocidade Tui-Valença, en conmemoración do seu 14º aniversario. Actuarán o Conservatorio Profesional de Música de Tui e a Academia de Música da Fortaleza de Valença. Hoxe coñecemos algúns detalles das que serán as interpretacións do Conservatorio Profesional de Música de Tui co seu director, Rubén López.

O novo punto limpo móbil está esta semana en Pexegueiro, iniciando así o seu percorrido por todas as parroquias de Tui. Coñecemos o funcionamento deste punto co concelleiro de Medio Ambiente, Ismael Diz. Conversamos tamén coa nova mestra composteira de Tui, Sandra Alonso.

O próximo mércores, 11 de febreiro, entrará en vigor a ordenanza reguladora da zona azul con control mediante cámaras de lectura de matrículas. De luns a venres poderase estacionar nalgunha das 150 prazas desta zona, un máximo de 2 horas de 9 a 14 h e de 16 a 21 h. No concello están xa incorporadas ao sistema 300 matrículas de vehículos de veciñanza con garaxes nesta zona. Aquelas persoas con gara...

Hoxe 4 de febreiro conmemórase o Día Mundial contra o Cancro. Con este motivo entrevistamos a Carmen García, coordinadora de Atención ao Paciente e Usuario da Asociación Española Contra o Cancro. Unha asociación que presentou hoxe un novo modelo de atención integral baseado na humanización. Coñecemos con ela os detalles, e tamén cifras e acción no Baixo Miño e provincia de Pontevedra.

Remedios florais, emocións e hábitos de vida centrarán o Taller de Flores de Bach que mañá xoves ás 18 h impartirá o terapeuta Bruno Fernández, do centro Tres catorce. Será con acceso libre no Espazo Sociocultural da rúa Camilo José Cela. Coñecemos os detalles con Bruno Fernández.

Hoxe no noso Espazo Comercio, en colaboración con ACITUI, coñecemos a iniciativa posta en marcha por Sindo de la Fuente, pulpeiro, e Cristina Rey, da cafetaría Entrehoras. A partir deste xoves 5 de febreiro entregarán con cada tapa de polbo unha papeleta. O 15 de marzo sortearán vales de 50 euros para invertir no comercio local de Tui. Coñecemos esta iniciativa con Sindo de la Fuente, Cristina Rey...

A Banda dos Insectos chega este venres ao Teatro Municipal co seu rock en galego para público familiar. A partir das 19 h en concerto interpretarán temas coma "Pasando a bola", "Levanta a cabeza" ou "O ritmo do partido". Forman a banda o tudense Eduardo Cadenas, no baixo e coros; Juan Pérez, na guitarra e coros; Manuel Fernández, en animación, e Adri Salgado, na batería e voz. Con este último fala...

Hoxe en Raíces e vangarda cociñamos lamprea afumada rechea e ensalada de pataca, unha receita do chef Judicael Romero, que cada luns trae consellos prácticos de cociña de raíz con vangarda.

"A voz de Hind" abre as proxeccións do mes de febreiro do Cineclub Tui. Esta será a película que poderemos ver mañá martes, ás 18.30 h e 20.45 h, no Espazo Sociocultural. O martes 10 proxectarán "A sociedade literaria e do pastel de pel de pataca" e o martes 23 "Xogos prohibidos". Así nolo contou hoxe Noemí Guisande do Cineclub Tui.

A Asociación Cultural e Pedagóxica Ponte... nas Ondas! foi escollida como un dos 18 proxectos de salvagarda do patrimonio cultural inmaterial, de entre os 138 admitidos na convocatoria deste ano. É o único proxecto de Galicia seleccionado polo Ministerio de Cultura. Explicounos que significa este paso e como se presenta este 2026 o presidente de Ponte... nas Ondas!, Santi Veloso.

Hoxe venres ás 19 h na sala Nött de Tui preséntase a oferta da viaxe organizada a Uzbekistán pola axencia Planstur Tui. Darase a coñecer o itinerario completo, actividades, prezos e condicións. Explicouno hoxe Beatriz Oliveira, de Planstur Tui.

Fin de semana chea de baloncesto a que se abre mañá sábado. Por unha banda, comeza en Vilagarcía de Arousa a Fase de Ascenso á Liga Galega do equipo infantil; e o senior ten cita importante o domingo en Noia. Se o CB Tui vence, clasifícase para a fase de ascenso. Destas e doutras citas conversamos hoxe co coordinador deportivo do club tudense, Javi Niño.

Este domingo día 1 ás 18 h, a Escola de Canto Ponte das Febres ofrecerá un concerto-audición no que participarán 17 alumnos interpretando diferentes estilos, décadas e idiomas. Como novidade interpretarán unha aria. Será na Casa Cultural da Asociación Cultural Xuntanza de Randufe e a entrada é libre e gratuita. Hoxe déronnos os detalles Rafael Pérez e José Manuel Solleiro, da Escola de Canto Ponte...