Día a Día

AMEI TUI acompaña a máis de 20 mulleres migrantes a través do programa INTEGRALAB, un proxecto que ofrece atención psicolóxica, asesoramento xurídico, formación e orientación laboral para favorecer a inclusión social e laboral das participantes. Trátase dunha iniciativa financiada pola Xunta de Galicia. Hoxe coñecemos o seu funcionamento con Anabel Solla, Carmen Raña e Almudena Álvarez.

O Concello de Tui organiza un curso de camareiro/a que comezará o próximo luns 15 de xuño. Consta de 44 horas lectivas que se van impartir de luns a venres de 16.30 h a 20.30 h até o 30 de xuño no Mercado de San Antonio. O número de prazas está limitado a 15 participantes. A información sobre este curso pode ampliarse no teléfono do Centro de Formación, 664 55 24 93, ou no teléfono de ACITUI, 604...

"Eva e a mazá" é a antoloxía de poesía que presenta hoxe Francisco Álvarez Koki ás 20 h na Casa dos Alonso da Guarda. Intervirá o autor e Armando Requeixo, profesor e crítico literario da USC. Francisco Álvarez Koki contou hoxe a historia deste libro.

Esta fin de semana Rebordáns celebra festas na honra a San Antonio, con música, gastronomía, misa e procesión. Unha programación que organiza a comisión Amigos da Festa de Rebordáns. Cecilia Álvarez e Sergio Veiga, da comisión, avanzaron amais que o venres 19 celebran San Xoán no antigo campo do Mián.

O libro “Patrimonio lúdico galego: investigación, recursos e divulgación dos xogos tradicionais” será presentado hoxe venres ás 20 h no Espazo Sociocultural de Tui. Trátase dunha obra considerada fundamental no estudo dos xogos tradicionais galegos, pois reúne colaboracións de ata 42 autorías desde moi diferentes perspectivas. Pepe López e Manolo García, investigadores e do Museo O Recuncho das Ar...

Mañá sábado ás 19 h parte dende a praza da Inmaculada de Tui o concerto itinerante Recunchos de música, que organiza a Coral Ponte das Febres. Será un percorrido polo conxunto histórico de Tui coas voces da coral organizadora, da Coral San Roque de Vigo e con actuacións do Grupo Folclórico Xuntanza. Rafael Pérez e José Manuel Solleiro, da Coral Ponte das Febres; e José Antonio Fernández, da Coral...

Este domingo ás 10 h ES sae dende a Macoca a Andaina do río Tripes, unha actividade que se enmarca no ciclo de Caminhadas Saudables da Eurocidade Tui-Valença. O percorrido é de 6 quilómetros e o prezo é de 6€. Claudia Montes, de Altitude, indicou no programa Día a Día as diferentes vías de inscrición, xa que as prazas son limitadas.

A Comisión Permanente Internacional do río Miño, CPIRM, celebrou onte a súa 46ª reunión na casa do Concello de Tomiño. Hoxe o comandante Naval do Miño, Víctor García, explicou o cometido da CPIRM, e os principais asuntos tratados na xuntanza, entre eles as distintas problemáticas que afectan ao río e que precisan dunha resposta conxunta e consensuada entre España e Portugal.

O canteiro tudense Juan Vázquez obtivo o terceiro premio no V certame Áurea Palacio de Sober pola súa escultura "Ao carón do torno”, unha homenaxe ao oficio de alfarería. Hoxe avanzou que esta fin de semana vai participar no I Certame de Tala en Pedra "Antonio Palacios escríbese en Pedra", no Porriño.

Durante os meses de xullo e agosto Caldelas terá campamento de verán A Raiola para nenos e nenas de entre 3 e 12 anos. Está organizado por Vicky Méndez, quen deu hoxe todos os detalles. Será no local da Comunidade de Montes de Caldelas, en horario de 9 h a 14 h, con posibilidade de servizo madruga e tupper.

O Teatro Municipal de Tui acollerá o mércores, 10 de xuño, ás 18.30 h o quinto Festival de Cancións en Lingua de Signos Española organizado polo Centro Anarela. É un festival solidario polo que a entrada será un quilo de alimentos para SOS Tomiño Baixo Miño, Protectora Aloia, ou Patudos Peludos. Iria Márquez é intérprete de lingua de signos e a responsable dos cursos de lingua de signos que impart...

A tudense Anxi é unha das integrantes do equipo Alevín A de ximnasia rítmica do Club Ximnasia Porriño. Lía, Laura, Nuria e Mara completan este conxunto que acaba de proclamarse Subcampión Galego Escolar. Con elas falamos sobre este deporte, a esixencia e o campionato onde conseguiron este posto.

A Asociación A Insua de Caldelas, a Asociación de Veciños, a Comunidade de Montes en Man Común, a ANPA do CEIP O Foxo e a Asociación Patrimonial e Etnográfica Acueduto de Caldelas reclaman actuacións urxentes para mellorar a seguridade vial en catro puntos da estrada PO-404. Silvia Liliana, da Asociación Patrimonial e Etnográfica Acueduto de Caldelas, explicou a situación.

No Espazo Comercio, que realizamos en colaboración con ACITUI, hoxe achegámonos a Lúa, que abriu o pasado mes de decembro na praza de San Fernando. Isaac Míguez deu conta da "gastronomía líquida" que ofrecen, así coma as novidades que presenta o local para explorar novos viños. Tamén avanzou que noutro local que xestiona, 4Elementos, comezarán este xoves as sesións temáticas da terraza nómada.

Esta semana o Cineclub Tui proxecta dúas películas en colaboración co Congreso EducODS e outra con Galiclown, pallasos de hospital. Hoxe martes ás 20 h proxecta "Naves misteriosas", con entrada gratuíta; e o xoves ás 21 h "Chinas", con entradas de 2€ para socios e menores de 18 anos e 4,5€ para público xeral. Estas son as propostas en colaboración co Congreso EducODS. "Patch Addams" será a películ...

No primeiro programa 'Raíces e vangarda' do mes de xuño, o chef Judicael Romero deu consellos e recomendacións para ir de pícnic, con ideas sinxelas e nutritivas. Unha delas é a receita de hoxe: gazpacho de sandía.

Arredor de 100 alumnos e alumnas do Judo Club Tudense participarán na exhibición de fin de curso que este domingo ás 11 h celebran no pavillón Gustavo Rodríguez. Hoxe Rubén Morais, maestro do Judo Club Tudense, explicou que o domingo tamén terá lugar a entrega dos cinturóns.

A Comisión de Festas de Pesegueiro celebra esta fin de semana a segunda edición da furanchada que celebraran no mes de abril. Serán dúas tardes de gastronomía galega e música na Casa da Eira. José Santos e Julio López, da comisión, tamén indicaron que a andaina e a cea de porco ao espeto que foi adiada será finalmente o 21 deste mes de xuño, e avanzaron que o 22 de agosto celebrarán a vixésima edi...

Este domingo ás 20 h o Auditorio do Rosal acolle o concerto "Recén saídas do forno" do coro Cantares do Brueiro. A entrada é libre e de balde até completar o aforo. O músico guardés Tino Baz é o director deste proxecto, e hoxe deu conta na nosa sintonía da importancia da música e da cultura popular galega.

“Afranio”, o documental con guión e dirección de Víctor Aparicio e protagonizado por Luis Tosar, proxéctase hoxe venres ás 20 h no Espazo Sociocultural dentro das Xornadas Señor Afranio. Tamén o domingo ás 20 h no mesmo espazo Víctor Aparicio, Pablo Novoa e Pancho Álvarez ofrecerán o concerto "Cantares dun fuxido". Hoxe conversamos con Víctor Aparicio sobre estas dúas citas.

Con motivo do Día Mundial sen Tabaco que se conmemora cada 31 de maio, hoxe coñecemos o labor do Servizo de Prevención de Drogodependencias Municipal de Tui. Paula Guerreiro, técnica deste servizo, explicou que realizan talleres de prevención nos centros educativos, nos que tamén traballan en novas formas de consumo de nicotina, como son os vapers.

Andaina cultural coa Fada do Aloia e merenda-cea de ovos formighos é o que dende a Asociación Cultural Laxes de Paramos organizan para mañá sábado, dentro do seu mes cultural. Deu hoxe os detalles Vicente Lubián, membro da asociación.

Dende o próximo martes 2 de xuño e até o venres 5 Tui convértese no escenario do sexto Congreso EducODS que organiza o CEIP Plurilingüe Nº1 de Tui. Cada mañá na Corredoira abrirán os preto de 30 postos dos distintos centros educativos de Infantil, Primaria, Secundaria e Universidade participantes. Hoxe coñecemos as propostas do Club de Letras, do ámbito STEAM, de Crea Visual e de Natural e Social,...

A curtametraxe "O asasino do bosque" do tudense Isaac González e o tomiñés Pedro Suárez está a ser rodado íntegramente en Tui. Este é o segundo proxecto no que traballan xuntos, despois de "Somos Nómadas". Hoxe deron a coñecer este filme e a súa marca audiovisual, Moskito Kinki (MK).

Un novo médico vénse de incorporar ao Centro de Saúde de Tui, ocupando a praza que estaba vacante por xubilización. Por outra parte a persoa que estaba a ocupar a outra praza por xubilación de luns a mércores, pasará a estar tamén de luns a venres. Así o confirmaba hoxe Conchi Martínez Aguilera, da Plataforma en Defensa da Sanidade Pública de Tui. Daba conta tamén de cal será a situación no Centro...