Əkinçi

İqtisadçı Rəşad Həsənov deyir ki, Azərbaycanda vətəndaşların layiqli pensiya ala bilməməsindən əlavə, digər ölkələrlə müqayisədə pensiya alma müddəti də aşağıdır.

Ətraf mühit məsələləri üzrə ekspert Rövşən Abbasov: “Son 200 ildə Abşeron yarımadasında neft istehsalı zamanı heç bir ətraf mühit standartına əməl edilməyib.” Növbəti videomuzda ekosistem dəyərləri və itkilər haqqında söhbət etmişik.

Ötən əsrin 30-cu illərinin italyan komediyası - Telefoni Bianchi misalında bu günkü kino və serial sənayesinə baxmaq mümkündürmü? Bloger, rejissor Elvin Cəbizadə bir siyasi alət kimi komediya barəsində danışır.

“Sülh uğrunda” təşəbbüs qrupunun təsisçisi Leyla Cahangirova məcburi köçkün qadınlar arasında sorğu keçirərək onların geri qayıdış və məskunlaşması ilə bağlı gözlənti, qorxu və ehtiyaclarını qiymətləndirməyə çalışıb. 

Məktəblərin mental sağlamlıqla bağlı iş görməsi nə üçün önəmlidir? Mental sağlamlığı uşaqlara, şagirdlərə çatımlı etmək üçün necə bir sistem qurmaq lazımdır? Təhsil mütəxəssisi Zeynəb Rzayeva ilə məktəb, şagirdlər və mental sağlamlıq barəsində söhbət etmişik.

Fərdi məlumatlarımızı qorumaq nəyə görə vacibdir? Böyük korporasiyalar bu məlumatlardan necə istifadə edirlər? Hüquqşünas Anar Əlizamanlı ilə söhbətimizi izləyərək öyrənə bilərsiniz.

Narkotik maddə asılılığının ehtimal olunan səbəbləri hansılardır? Azərbaycanda maddə asılılığı olan şəxslər üçün hansı imkanlar mövcuddur? Növbəti qonağımız, sosial işçi Sənubər Heydərova ilə maddə asılılığı: səbəbləri və onunla mübarizə üçün mövcud resurslar barəsində danışmışıq.

Sadə Hüquq Platformasının əsas məqsədi ölkədə hüquqi maarifləndirmə aparmaq və ehtiyacı olan şəxslərə ödənişsiz hüquqi yardım göstərməkdir. Növbəti videomuzda bu platformanın həmtəsisçisi Sübhan Həsənli ilə söhbət etmişik.

Kiberzorakılıq nədir? Azərbaycan qanunvericiliyində kiberzorakılıq anlayışı varmı və buna görə sanksiyalar nəzərdə tutulurmu? Vəkil Zibeydə Sadıqova ilə şəxsi həyatın toxunulmazlığı haqda söhbətimizi izləyə bilərsiniz.

Seksual qısnama nədir? Azərbaycan qanunvericiliyində seksual qısnama anlayışı necə təsvir olunub? Hüquqşünas Ayşə Abdel Qadirlə seksual qısnamaya görə hüquqi məsuliyyət barəsində söhbət etmişik.

Memarlıq qarşısında duran ibtidai tələblərdən tutmuş, bu günümüzə qədər olan və gələcəkdə ola biləcək tələblərlə bağlı texniki və sosial tərəflər nədir? Memar Urfan Məmmədov memarlıqda artan tələblər haqqında danışır.

Autizm Spektr Pozuntusu fərdlərin həyatlarına necə təsir göstərir? Cəmiyyətdə Autizm Spektr Pozuntusu ilə bağlı yanlış bilinən fikirlər hansılardır? Uşaq inkişaf mütəxəssisi Aynur Hüseynli ilə Autizm Spektr Pozuntusu və erkən müdaxilənin vacibliyi haqqında söhbət etmişik.

Azərbaycanda vətəndaş cəmiyyətinin vəziyyəti nə yerdədir? Nə üçün insanlarda institutlara, qurumlara və qeyri-hökumət təşkilatlarına qarşı inamsızlıq hökm sürür? Tədqiqatçı Nəcmin Kamilsoyla vətəndaş cəmiyyəti, sovet irsi və məcburi “könüllülük” haqqında danışmışıq.

Sosial iş və sosial işçilər nə üçün əhəmiyyətlidir? Sosial işçilərin qarşılaşdıqları problemlər hansılardır? “Qadın Üçün” təşəbbüs qrupunda sosial işçi Afaq Aqillə söhbətimizi izləyə bilərsiniz.

Qadınlar sülh quruculuğu prosesinə necə töhfə verirlər? Sülhün qurulmasında və bərpa olunmasında qadınların rolu nə üçün əhəmiyyətlidir? Gender və inkişaf eksperti Şəms Mustafayeva ilə qadınların dayanıqlı sülhün bərpasında rolu haqqında söhbət etmişik.

Seçkilərdə müşahidəçilik nəyə görə vacibdir? Səslərimizi necə qoruya bilərik? Seçkilər üzrə mütəxəssis Məmməd Məmmədzadə ilə söhbətimizi izləyərək öyrənə bilərsiniz.

İqtisadi bərabərsizliklərə hansı amillər səbəb olur? Mövcud iqtisadi sistem bərabərsizliklərin artmasına və ya aradan qaldırılmasına necə təsir göstərir? İqtisadçı Əhliman Abbasov ilə gəlir və fürsət bərabərsizliyi: səbəbləri və fəsadları barəsində söhbət etmişik.

Növbəti videomuzda yazar-tərcüməçi Cəmilə Məmmədli ilə əlilliyi olan şəxslərin qarşılaşdıqları problemlər, media qurumlarının əlilliyi olan şəxsləri yazıqlaşdırma cəhdləri və bərabər imkanlar haqqında söhbət etmişik.

Fandreyzinq nədir və onu necə uğurlu şəkildə həyata keçirmək olar?  Növbəti videomuzda Toxum kraudfandinq platformasının həmtəsisçisi Toğrul İsmayılovla sosial təşəbbüslər üçün fandreyzinq alətləri haqqında danışmışıq.

Beynəlxalq hüquqşünas Nurlan Mustafayev deyir ki, konflikt və işğal nəticəsində Azərbaycana dəymiş ziyanı BMT 53.5 milyard dollar məbləğində qiymətləndirib. Bəs işğala görə təzminat alınmasının beynəlxalq hüquqi əsasları hansılardır? Videomuzu izləyərək öyrənə bilərsiniz.

İşçilərin ən çox qarşılaşdıqları əmək hüququ pozuntuları hansılardır? Bu hüquqların bərpası üçün nə etmək lazımdır? Hüquqşünas İnara Camal ilə əmək hüquqları barəsində ətraflı söhbətimizi izləyə bilərsiniz. 

Psixoloji zorakılıqla mübarizədə sosial media platformaları bizə necə kömək ola bilər? Psixoloji zorakılığa məruz qaldıqda kimə müraciət edə bilərik? “Açıq platforma”-nın həmtəsisçisi Qumru Əliyeva ilə psixoloji zorakılığa qarşı onlayn aktivizm haqqında danışmışıq.

Sosial medialar Metaverse inqilabına qarşı necə mübarizə aparacaq? Bu sahədə biznes mühitinin formalaşdırılması necə olacaq? NFT nədir və virtual dünyamızı necə dəyişə bilər? Sosial media tədqiqatçısı Cavid Ağa ilə söhbətimizi izləyə bilərsiniz.

Kitab bloqçuluğu getdikcə daha çox populyarlıq qazanmağa başlayan sahələrdən biridir. Növbəti videomuzda bu kimi bloqlardan biri olan “Kitabı karandaşla oxuyanlar”-ın təsisçisi Lamiyə Göyçəyeva ilə söhbət etmişik.

Texnologiya sahəsində qadınlar üçün hansı çətinliklər mövcuddur? Nə üçün qadınlar bu sahədə uzunmüddətli qalmırlar? İnsan-robot ünsiyyəti mütəxəssisi Maral Qurbanzadə ilə söhbətimizi izləyin.