RSG Kuns

Aletta Bezuidenhout is op 13 Februarie oorlede. Ons bring hulde gebring aan hierdie eiesoortige aktrise. 

Linette van der Merwe vertel wat alles te sien is by die 13de Wakkerstroom Musiekfees.

Pianis Eugene Joubert is by vier van die konserte betrokke by vanjaar se Wakkerstroom Musiekfees. Hy vertel waarna gehore kan uitsien.

Die musiekspel, Sophiatown, is 37 jaar gelede geskep, maar is steeds gewild onder gehore. Terrance April gesels met regisseur Aubrey Sekabi oor die terugkeer van dié musiekspel.

Terrance April en perkussiespeler Magda de Vries gesels oor die vier konserte van die Johannesburgse Filharmoniese Orkes se eerste konsertseisoen.

Christelle Webb-Joubert gesels met klassieke kitaarspeler dr. Thinus Boshoff oor sy loopbaan en sy verskillende soorte kitare. Hy demonstreer ook dat verskillende soorte hout wel ‘n invloed op die klank het.

Hugo Theart, artistieke direkteur van die Klein Karoo Nasionale Kunstefees op Oudtshoorn, vertel wat alles te sien is by vanjaar se fees. Die KKNK vind plaas van 23 tot 31 Maart 2024.

Terrance April kuier saam met die dramaturg en akteur Gavin Werner. Hy vertel van sy nuwe toneelstuk, Spanish Steps.

Jana Cilliers is vanjaar te sien by die KKNK in die stuk, Veelhoek. Sy het ook die teks geskryf.

Deon Meyer en Coenie de Villiers span weer kragte saam. Hulle vertel van hulle eerste musiekverhaal, Roem, wat by vanjaar se KKNK te sien is.

Die Johannesburg Musiekvereniging is al meer as 'n honderd jaar oud, en is die oudste musiekvereniging in die land. Soos elke jaar het hulle weer 'n paar interessante konserte op hulle program. Terrance April gesels met Herman van Niekerk, ‘n lid van die vereniging.

Die kunstenaar, Hannelie Swart, vertel van die Skilder en Wyn-sessies wat sy tydens die Oppiwaterfees aanbied. Feesgangers sal daar hulle eie skildery kan verf.

Romeo and Juliet is deel van die Maynardville-fees in Kaapstad. Wessel Odendaal van VR Theatrical vertel wat gehore kan verwag. Hy gesels ook oor die geskiedenis van die teater.

Die Pinelands Players-amateurteatergroep bied vanjaar Legally Blonde aan. Barend van der Westhuizen, musikale regisseur en self een van die akteurs, vertel meer van dié musiekspel

Sanger, aktrise en danser, Clara Montocchio, is in Oostenryk gebore, maar sy het sterk bande met Suid-Afrika. Sy gesels oor haar musiekstyl en 'n toer na die Kaap.

The Sound of Music is te sien in Johannesburg. Terrance April gesels met die sopraan Brittany Smith. Sy vertolk die rol van Maria.

Rolex met 'n k is een van die stukke wat te sien sal wees by die Oppiwater Kunstefees. Christelle Webb-Joubert gesels hieroor met die skrywer, Braam van der Vyver.

Die derde Franschoek Kamermusiekfees vind plaas van 15 tot 18 Februarie. Louis Heyneman, die uitvoerende hoof en artistieke direkteur van die Kaapstad Filharmoniese Orkes, vertel wat op vanjaar se program is.

Alice in Wonderland is te sien by die Pieter Toerienteater in Johannesburg. Wessel Odendaal van VR Theatrical vertel hoe hulle hierdie klassieke werk aangepas het vir vandag se gehore.

Lize-Marie Wait is deel van die kinderproduksie, ka-BOOM!, waarin daar op ‘n speelse manier gefokus word op die besoedeling van die oseane.

Magdalene Minnaar, uitvoerende direkteur van Kaapstad Opera, deel hulle planne vir 2024, en vertel vir Terrance April van al die opwindende produksies wat voorlê.

Luister na argiefonderhoud, wat in 1984 met die komponis Peter Klatzow gevoer is.

Die Rust-en-Vrede-galery in Durbanville het vanjaar ‘n nuwe kompetisie en toekenning. Die kurator, Hamlin Janse van Vuuren, vertel meer.

Isaac van der Merwe is ‘n jong opkomende pianis. Hy het onlangs as solis opgetree, in ‘n opname van die Klavierkonsert no. 2  van Dmitri Shostakovich. Hy gesels met Terrance April oor die werk. Die werk word ook uitgesaai op RSG.

Stiltetyd is een van die produksies te sien by vanjaar se Oppiwater Kunstefees. Die aktrise Eloise Clasen vertel van die stuk, ‘n verwerking van Marita van der Vyver se boek.