RSG Kuns

Die naam, Debbie Turner, is sinoniem met die danswêreld. Sy het onlangs ‘n nuwe balletgeselskap in Kaapstad, Cape Ballet Africa, begin. In die eerste deel van Christelle Webb-Joubert se gesprek met Debbie, gesels hulle eers haar loopbaan. Debbie vertel dat sy reeds in die ouderdom van drie begin dans het.

Die Johannesburg Filharmoniese Orkes se winterseisoen skop op Donderdag 30 Mei 2024 af. Magda de Vries vertel van die onderskeie programme.

Lefra Produksies vier vanjaar sy 30ste bestaansjaar. Frans Swart, die besturende direkteur, vertel van hierdie groot mylpaal.

Eddie de Jager, dramaregisseur en vervaardiger by RSG, gesels oor vanjaar se RSG radiodrama-skryfkompetisie. Dit vind plaas in samewerking met die ATKV, en die sluitingsdatum is 30 Junie 2024.

André Schwartz vertel van sy produksie, Any dream will do – My pad met Webber. Dis ‘n baie eerlike en persoonlike produksie waarin hy vertel van sy lewe en uitdagings.

Terrance April besoek die Markteater in Johannesburg, en gesels met die akteur, Wessel Pretorius, oor die produksie, The unlikely secret agent. 

Jan-Erik Swart is die dirigent van die Suid-Kaap Kinderkoor. Hy vertel van die koor se prestasies, en Songs of Praise wat eersdaags in George plaasvind.

Cape Town City Ballet vier vanjaar hulle 90ste bestaansjaar. Danser Leanè Theunissen vertel van die produksie, I Got Rhythm.

Samantha Pearce is die drama-onderwyser by Leiden High School in Delft. Sy vertel vir Christelle Webb-Joubert van die Shakespeare School Festival South Africa. 

Akteur Pierre van Pletzen het op 1 Mei vanjaar 72 jaar oud geword. Christelle Webb-Joubert gesels in die tweede deel van die onderhoud oor hoogtepunte in sy loopbaan, hoe hy voel oor toekennings, sy vrou, en hoe hy onthou wil word.  

Die musiekspel, Mamma Mia, het ná 'n suksesvolle speelvak in die Kaap na Johannesburg verskuif. Terrance April het met die musiekregisseur, Charl- Johan Lingenfelder, tydens een van hulle repetisies gesels.

Akteur Pierre van Pletzen het op 1 Mei vanjaar 72 jaar oud geword. Christelle Webb-Joubert gesels in die eerste deel van die gesprek oor sy gesin, waar hulle gewoon het, hoe hy ‘per ongeluk’ drama studeer het, en ook oor die karakters, Spike  en Oubaas.

Die Akustika Kamerkoor is onlangs aangewys as die wenners by ‘n koorkompetisie in Italië. Christelle Webb-Joubert gesels met die dirigent, Christo Burger.

Paul Slabolepzsy se bekende The Return of Elvis du Pisanie is die jongste van 'n reeks werke van die dramaturg wat afgestof en aangebied word. Dit open binnekort in Johannesburg, en Terrance April het met hom gesels.

Die dramaturg, Pieter Fourie, sou op 3 April verjaar het. Luister na ‘n argiefonderhoud uit 1994, waar hy die gas was van Hennie Klopper in sy program, Kuiergaskeuse. op Radio Oranje.

Brent Palmer se stuk, King George, het pas by Theatre on the Square in Sandton geopen. Dis enkele weke gelede ook in Kaapstad opgevoer, en Brent het die Fleur de Cap-toekenning as beste akteur vir sy rol in die werk ontvang.  Terrance April gesels hieroor met Brent. 

Aktrise Cara Roberts vertel van die veelbekroonde produksie, The King of Broken Things. Dit gaan oor ‘n seuntjie wat glo dat alles wat stukkend is, weer heel kan word.

William Shakepeare se Othello is tans te sien by die Baxter in Kaapstad. Terrance April gesels met Wessel Pretorius, een van die akteurs in hierdie hoogaangeskrewe produksie van Lara Foot.

Onbegeleide sang deur 'n klein groep sangers, ook bekend as a capella, is amper so oud soos musiek self. Dit is later verfyn, veral tydens die Renaissance- en Barokperiode, tot 'n gespesialiseerde sangsoort. Terrance April gesels met die leier van die Boulevard Harmonists, Kobus Venter.

Nataniël vertel van die produksie, Ring van vuur, wat te sien is by die Suidoosterfees in Kaapstad.

Die kunstenaar, Varenka Paschke, gesels oor haar solo-uitstalling waarin sy vrouwees vier. Dis te sien by die Breytenbach-galery in Wellington.

Coenie Visser, feesdirekteur van Classics for All, vertel van die fees wat 20 jaar gelede begin is.

Fanie Viljoen se boek, Onderwêreld, is voorgeskryf vir matrieks. André Stolz Produksies neem ‘n verwerking van die boek na skole. Christelle Webb-Joubert het een van die vertonings bygewoon.

Terrance April gesels met bariton Andries Aldrich oor sy stemtipe en opkomende konsert.

Regina Malan gesels oor die musiekspel, Tell me on a Sunday. Dis een van Andrew Lloyd Webber se korter en kleiner musiekspele.