Spektrum

Storm Eloise se skade word bereken. 'n Kenner verduidelik hoe die Amerikaanse reisverbod Suid-Afrikaners raak. En, 143 satelliete word die ruimte ingestuur.

'n Klimatoloog praat oor Storm Eloise se impak, wat later vandeesweek nóg reën oor die sentrale dele van die land gaan veroorsaak. Laingsburg se vloedslagoffers word 40 jaar later onthou. 'n Taxidiens slegs vir vroue trek die aandag op die Kaapse Vlakte.

Huldeblyke stroom steeds in na die dood van die minister in die presidensie, Jackson Mthembu. Ons praat met 'n oud-LP en een van ons parlementêre verslaggewers om te hoor hoe hulle hom onthou. Gedeeltes van die Kruger Nasionale Wildtuin word gesluit in die aanloop tot die tropiese storm, Eloise. Familielede van ouetehuisinwoners word gevra om eerder besoeke uit te stel weens 'n toename in Covid-ge...

Die voormalige Suid-Afrikaanse ambassadeur aan Amerika, Ebrahim Rasool, vergelyk president Joe Biden se inhuldiging met dié van sy demokratiese voorganger, Barack Obama. Ons kyk ook wat Biden se eerste uitvoerende bevele behels. Navorsers aan die Universiteit van Pretoria, glo dat hulle 'n chemiese verbinding ontdek het wat kan help om malaria uit te wis. Die Departement van Sport, Kuns en Kultuur...

Vakbonde gaan vanmiddag 'n griefskrif aan die regering oorhandig oor beplande afleggings by die SAUK. Verbruikersprysinflasie het in Desember verlede jaar op 'n jaargrondslag gedaal. Vrystaat Landbou versoek die regering om toe te sien dat polisiestasies volledig toegerus word, sodat boerderygemeenskappe minder aan hulleself uitgelewer is. Kamala Harris word vandag as Amerika se eerste vroue visep...

Die vakbond, CWU, beplan 'n staking oor afleggings by die SAUK. Wetenskaplikes sê daar is geen aanduiding dat die nuwe variant van die coronavirus 'n ernstiger infeksie veroorsaak nie. Boere moet op die uitkyk wees vir die herfskommandowurm wat groot skade aan sorghum-, mielie- en suikermielie-aanplantings kan aanrig. Ons ondersoek die impak van die jongste drankverbod op die wynbedryf.

FEDSAS vra vir meer inligting oor die besluit om die heropening van openbare skole uit te stel. 'n Aankondiging oor die heropening van tersiêre instellings. Ons ontleed die verkiesingsuitslag van die presidentsverkiesing in Uganda. Ons praat oor 'n nuwe Facebook-groep wat simpatie en ondersteuning betoon teenoor almal wat 'n stryd teen die Covid-19-pandemie stry.

Kritiek teen die uitstel van die begin van die nuwe skooljaar tot 15 Februarie. Eskom se voormalige bestuurshoof, Brian Molefe, verskyn voor die Zondo-kommissie van ondersoek na staatskaping. Die burgerregte-organisasie, AfriForum, oorweeg regstappe teen die verbod op die gebruik van Ivermektien as behandeling teen Covid-19.

Die Nasionale Departement van Landbou, Landelike Ontwikkeling en Grondhervorming, en die JB Marks Plaaslike-munisipaliteit in Potchefstroom het hulle tot die hooggeregshof in Mahikeng gewend om 'n uitsettingsbevel te kry. Oor die afgelope twee dae, het grondbesetters sowat 60 huise opgerig in die Mooibank-gebied naby die Landbou Kollege in Potchefstroom. Die Noordwes Plaaslike regering het intusse...

Die voorsitter van die Ministeriële Raadgewende Komitee oor Covid-19, prof. Salim Abdool Karim, sê hy voel hy het die land in die steek gelaat met die ontwikkeling van 'n entstof. Vakbonde by die SAUK beraadslaag oor 'n beplande staking nadat afdankingsbriewe aan sowat 300 werknemers gestuur is.

Daar is twyfel of skole, soos beplan, oor twee weke sal oopmaak. Wêreldleiers vra by 'n beraad in Parys dat onmiddelike stappe gedoen word om biodiversiteit te bewaar. Suid-Afrikaanse dokters ontwikkel 'n beter suurstofapparaat vir Covid19-pasiënte.

Plaaslike owerhede waarsku inwoners teen die gevaar van oorstromings. 'n swem bye in Mpumalanga takel 'n gesin in hulle motor toe. Afriforum beplan hofaansoek om regering te dwing om ook Covid-19-entstowwe aan privaatsektor vir verkope en verspreiding beskikbaar te stel. Suid-Afrikaners is gewaarsku om nie tuisgemaakte alkohol op die swart mark te koop of om gevaarlike chemikalieë in hul tuisgebro...

Suid-Afrika word geïsoleer nadat gevalle van Covid-19 uit dié land in Brittanje geïdentifiseer word. Die TransNamib-trein ontspoor in die suide van Namibië. Die kredietgraderingsagentskap, Fitch, het vyf Suid-Afrikaanse banke se kredietvooruitsigte na AA+ opgegradeer.

Ons kry reaksie op die beslissing dat strande langs die Tuinroete gesluit moet bly. Suid-Afrika het die deposito aan die Wêreld Gesondheidsorganisasie se COVAX-program betaal, hoewel dit tans net genoeg entstof vir tien persent van die bevolking sal wees. Ons vra of jou versekering sal uitbetaal as jy in 'n ongeluk betrokke is wanneer die aandklokreël van krag is. Die ontslape Arthob Petersen, wat...

President Cyril Ramaphosa stel oudregter Siraj Desai as die ombud vir die regspraktyk aan. Die ANC kan dalk steun in volgende jaar se plaaslike verkiesings verloor - ons hoor by 'n ontleder hoekom hy so dink. Inwoners van die Noord-Kaap vertel dat daar groot reën op baie plekke geval het. Navorsers waarsku dat die land beter omgewing-, water- en mynbouwetgewing nodig het om te keer dat varswaterbr...

'n Nuwe variant van die Coronavirus wat vinnig versprei, is in die land geïdentifiseer, en die tweede vlaag Covid-19 infeksies word hieraan toegeskryf. Ons hoor by 'n kenner wat ons hiervan kan verwag, en ons berig verder oor die impak van foutiewe gesigmaskers wat aan gesondheidswerkers verskaf is. 'n Onlangse peiling deur die persoonlike geldsakewebwerf, JustMoney, dui daarop dat 'n toenemende a...

Bykans 400 SAL-vlieëniers word die lugredery se perseel verbied. Goeie nuus vir hotelle en die wynbedryf. Die DA vra die regering om oop kaarte te speel nadat die spertyd vir die betaling vir 'n coronavirus-entstof wéér misgeloop is. Die KKNK word uitgestel.

Die DA sê hy gaan die regering hof toe vat oor die besluit om verskeie strande tydens die feesseisoen te sluit. Afgetrede weermaglede is warm onder die kraag weens leë beloftes oor pensioenverhogings. Die ANC se sekretarisgeneraal, Ace Magashule, is steeks oor die integriteitskommissie se besluit dat hy opsy moet staan.

Die president sê in sy Versoeningsdagboodskap dat almal 'n verantwoordelikheid het om 'n nie-rassige, demokratiese samelewing te bou. Die Openbare Beskermer moet volgende jaar op 'n klag van meineed in die hof verskyn. Alle aanduidings is dat brandstofpryse aanstaande maand sal styg. Die land se paaie is reeds gevul met vakansieverkeer.

Die ANC se integriteitskomitee beveel aan dat die party se sekretarisgeneraal, Ace Magashule, tydelik van sy pos afstand moet doen. Ons kry reaksie hierop, en vra of ons nog sulke optrede teen ander ANC-lede kan verwag. Ons vind uit waarom Wes-Kaapse strande ingevolge die nuwe inperkingsregulasies nie gesluit is nie. Statistieke SA maak die jongste indiensnemingsyfers bekend.

'n Gesondheidskenner sê hy verwag nie dat president Cyril Ramaphosa vanaand 'n hernude streng staat van inperking sal aankondig nie. Die regering raai mense wat na die buiteland wil reis vir die feestyd, aan om hulle planne te heroorweeg. Eskom het die afgelope naweek weer beurtkrag ingestel - ons vind uit of die kragverskaffer gereed is vir die feesseisoen. Byna die helfte van die land se proteas...

Die wenkbroue lig steeds, en sosiale media is behoorlik aan die gons oor die gebed deur hoofregter Mogoeng Mogoeng, waartydens hy God gevra het om in te tree in die stryd teen die Covid19-pandemie, en om te verseker dat enige valse entstof vernietig sal word. 'n Oudregter waarsku intussen dat aanvegbare stellings deur regters, selfs tydens gebed, gevolge inhou. Gesondheidsdeskundiges waarsku verde...

Die Minister van Gesondheid, dr. Zweli Mkhize, sê Suid-Afrika ondervind amptelik sy tweede vlaag van COVID-19-infeksies. Ons het by ‘n kenner gaan hoor wat dit inhou in die onmiddelike stryd teen die virus. Die DA pronk oor sy bydraes in die parlement in 2020, maar wat dink kiesers van die party? Ons praat met 'n ontleder oor gister se tussenverkiesings. Daar is diegene wat meen die nuwe lugredery...

Die jongste nuus van die Staatkapingskommissie. SAAI reageer op die Departement van Landelike ontwikkeling se stimuluspakket. Voedselpryse dryf inflasie. 'n Reuse os trek die skaal anderkant 1,3 ton!

Die ekonomie tel kop op. Die jongste nuus van die Staatskapingskommissie. Matrieks praat oor die vraestelle wat hulle moet oorskryf. Drukgroepe dring daarop aan dat leeutelery verban word.