Spektrum

Die MK-party en die PA verras by die stembus. Ons praat regdeur die program met politieke wetenskaplikes en die OVK oor die jongste verkiesingsuitslae.

Ons vind uit hoe die stemproses in verskeie provinsies verloop. Gevangenes bring ook hulle stem uit. Die Raad vir Geesteswetenskaplike Navorsing vra Suid-Afrikaners om aan sy peiling oor kiesers se tevredenheid met die verkiesing deel te neem. Eskom ontken dat beurtkrag ná stemdag toegepas sal word.

Solidariteit nader die hof om die Wet op Nasionale Gesondheidsversekering ongrondwetlik te verklaar. NSFAS wil die uitbetaling van toelaes weer self hanteer. Die Verenigde Nasies se Veiligheidsraad belê 'n noodvergadering om Israel se lugaanval op Rafah te bespreek.

Kiesers bring spesiale stemme uit, ondanks vertragings. Nie-regeringsorganisasies vra politici om by die gedragskode vir die verkiesing te hou. Goeie nuus wink vir motoriste by die brandstofpomp. Die Gupta-broers word in Indië aangekeer vir hulle beweerde betrokkenheid by 'n boukontrakteur se selfdood. Meer sitrus sal na verwagting vanjaar uitgevoer word.

Ons saai uit vanaf die Verkiesingskommissie se uitslagsentrum in Midrand, waar die verkiesingskoors behoorlik aan die oploop is. Ons probeer meer duidelikheid kry oor wat 'n ingewikkelde stemproses met sy drie stembriewe en 52 partye is. 'n Ingenieursondersoek oor die toestand van Parys se watersuiweringsaanleg wys dat onbehandelde rivierwater direk in die dorp se waternetwerk gepomp word.

'n Verslag wys dat die krimpende begroting van die weermag dit bykans onmoontlik maak om nasionale veiligheid te verseker. Wetgewing om koalisieregerings op munisipale vlak te reguleer, is in die Staatskoerant gepubliseer. Kommer oor politieke onverdraagsaamheid in aanloop tot stemdag. Stemnota met fopnuus oor nuwe "dodelike" variant van Covid-19 saai paniek op sosiale media.

Dis presies 'n week tot verkiesingsdag. Ons fokus op politieke partye wat vir die eerste keer aan die verkiesings gaan deelneem. Die paneellede is Neil de Beer van die United Independent Movement, Maria du Toit van BOSA en Cilna Steyn van Rise Mzansi.

Al hoe meer motoriste vertel hoe hulle voertuie beskadig en hulle beroof is nadat hulle oor spykers op die N4 gery het. Die Internasionale Strafhof versoek lasbriewe vir die inhegtenisneming van Hamas én Israel se leiers - maar wie gaan dit uitvoer? 'n Gedenkdiens vir die slagoffers van die gebouramp in George gehou.

Die konstitusionele hof beslis dat oudpresident Jacob Zuma nié aan die verkiesing mag deelneem nie. Ontleders sê die dood van Iran se president, Ebraihim Raisi, in 'n helikopterongeluk skep 'n magsvakuum in die land. Die Wes-Kaapse regering beëindig die soektog na oorlewendes in die gebouramp in George - wat volg nou?

Ons fokus by Nampo op 30 jaar van demokrasie in die landboubedryf. Die werk van die sesde administrasie van die parlement kom tot 'n einde. 'n Koalisieregering word in Nederland gevorm.

Spektrum se regstreekse verkiesingsdebat in die Nasie in Gesprek-saal by Nampo handel oor landbou en die politiek. Suzanne Paxton se gaste is die provinsiale leier van die DA in die Vrystaat en ’n boer, Roy Jankhielson, die leier van die VF+, dr. Pieter Groenewald en Whandile Hlobo, die hoofekonoom van Agbiz.

Ekonome krap kop oor presies waar die geld vir die Nasionale Gesondheidsversekeringskema vandaan sal kom. President Cyril Ramaphosa sal die Nasionale Gesondheidsversekeringswetsonwerp twee uur vanmiddag onderteken. Suid-Afrikaners in die buiteland is gereed om dié naweek hulle spesiale stemme uit te bring.

Griep trek talle mense plat en maak die hospitale vol. President Cyril Ramaphosa sit reg, pen in die hand, om die Nasionale Gesondheidsversekingswetontwerp te onderteken. Die vervolging van twee beskuldigdes vir die moord op die Cosas Vier anti-apartheidsaktiviste in 1982 begin in die Johannesburgse Hooggeregshof.

Die bevestige dodetal in die gebouramp in George styg terwyl forensiese ontleders die puin begin fynkam. Mense sien die gebrek aan beurtkrag as ’n verkiesingsfoefie. 'n Baie rare skouspel in die hemelruim was die naweek in die Kaap en selfs die Vrystaat te sien.

Die Konstitusionele Hof wys 'n aansoek van die hand deur drie politieke partye oor hulle deelname aan die algemene verkiesing. Dié hof hoor intussen betoë aan oor Jacob Zuma se insluiting op uMkhonto weSizwe se kandidatelys. 44 Mense word steeds vermis in die George-gebouramp.

Daar is nog hoop dat oorlewendes uit die puin van 'n gebou in George in die Wes-Kaap gehaal kan word. Die Wes-Kaapse premier, Alan Winde, meen die Gasa-oorlog en politieke partye se standpunte daaroor kan moontlik 'n impak hê op hoe kiesers sal stem. 'n Betoging word beplan oor die Johannesburgse biblioteek se versuim om sy deure te open.

39 Mense nog vermis in die George gebou-ramp. Die verkiesing kan moontlik uitgestel word indien die Konstitusionele Hof in drie partye se guns beslis. 'n Veldtog om Afrikaans se honderdjarige bestaan te vier, begin vandag.

Soek- en reddingsoperasies duur voort by 'n gebou onder konstruksie in George, wat gister ineengestort het. Kritiek teen die DA oor sy verkiesingsadvertensie, waarin die landsvlag verbrand word. Eskom dagvaar City Power oor agterstallige skuld.

Meer as 320 000 eise is nog nie deur die Padongelukfonds verwerk nie. Solidariteit en Afriforum dreig om hulle noodplan vir dorpe op te skort indien die regering nie die BELA-wetgewing skrap nie. Shell oorweeg dit om uit Suid-Afrika te onttrek.

Hoe groot is die kans dat oud-ANC-president, Jacob Zuma, Dinsdag voor die party se tugkomitee sal verskyn? 'n Burgerlike organisasie wil die OVK hof toe sleep oor sy vergadering met die Amerikaanse ambassadeur. Kiesers kan nog net vandag vir 'n spesiale stem registreer. Op Wêreld Persvryheidsdag vra ons of daar voldoende beskerming is vir joernaliste tydens uitgerekte konfliksituasies.

'n Ondersoek begin na gister se brand by die M1-snelweg. Die padongelukkefonds stel 'n hulpsentrum bekend om met die verwerking van agterstallige eise te help. Ons praat met advokaat Lennit Max oor sy besluit om die Vryheidsfront Plus te verlaat.

Die werkloosheidsyfer en gegradueerdes se vaardighede is in die kollig op Werkersdag. 'n Projek tussen die staat en privaatsektor om die agterstand in heup- of knievervangings te verklein. Die toerismebedryf herstel tot die vlak waar dit was vóór die Covid-pandemie.

Die brand in die Porterville-gebied in die Wes-Kaap woed voort. Kenners meen die implementering van gebaretaal as landstaal, sal tydens die algemene verkiesing getoets word. Organisasies vra die Gautengse Gesondheidsdepartement om geld te bestee, wat begroot is vir kankerbehandeling.

Die egtheid van handtekeninge wat onverteenwoordigde politieke partye by die OVK ingedien het, is in die kollig. Mediaorganisasies soek klarigheid oor die Staatsveiligheidsagentskap, wat glo weer 'n sekerheidsklaring wil doen op die SAUK se nuushoof, Moshoeshoe Monare. Ons fokus op die rol van die Afrikanerminderheid by die Konvensie vir 'n Demokratiese Suid-Afrika.

Die DA het groot planne om werk te skep. Nóg 'n munisipaliteit in Mpumalanga word skuldig bevind aan die oortreding van die Wet op Omgewingsbestuur. Eskom het bykans R65 miljard oor die afgelope vyf jaar aan diesel bestee om die ligte aan te hou. Die Magalies Waterraad stel sy plan bekend om watervoorsiening in Rustenburg te verbeter. Ons fokus op die veranderinge in die landbousektor oor die afge...