Ligwalagwala FM Current Affairs

Inhlangano letimele  i-National Shelter Movement of South Africa yente lucwaningi loluveta kutsi bantfwana bemantfombatane labaphuma emindenini lephuyile bavame kutsandzaba nemadvodza lamadzala kubo ngenca yetimo lebabukana nato enhlalweni. Sicocisane na Sindisiwe Msimango we National Shelter Movement of South Africa kulesifundza se-Mpumalanga.

Sekacalile emalungiselelo emchudzelwano wabonobuhle labashadile kulesifundza seMpumalanga. Sikhulumisana nalomunye longenele lomchudzelwano ngu-Zuzile Nkosazana Mathebula-Nkuyusa losebenta  njengePhysiotherapist, aphindze abe yi-life coach.

Sikhwama lesincetelisa bantfu labalimele etingotini temgwaco iRoad Accident Fund (RAF) sivakalise kukhatsateka ngekwandza kwesibalo selusha lelishone etingotini temgwaco kusukela nga-2019 kuya ku-2023. Simeme umphatsi lobuke tekuphepha emgwaceni ka-RAF, Umnumzane Siphamandla Gumbi.

Umbhali welibhuku lelinesihloko leistsi Lunga naMlingo, Nokubongwa Lukhele utsi kubalulekile kugcugcutela bantfwana kutsi bakwati kufundza ngelulwimi lwelibele.  

Litiko letekulima, kutfutfukisa tindzawo tasemakhaya, temhlaba kanye netemvelo eMpumalanga litsi lesifo sematele sisahlasele kumasipala wase-Gert Sibande. Umcondzisi lomkhulu egunjini lelelapha tilwane, Dr Lucas Cele ucela balimi kutsi baletse imfuyo yabo ngaphambili itogonyelwa lesifo.

Namuhla umhlaba wonkhe ugubha lilanga lemabhizinisi lamancane nalasenzimeni, iMicro, Small and Medium-sized Enterprises Day (MSME). Sikhulumisana na-Zanele Zondi lovela ka Mpumalanga Economic Growth Agency (MEGA).  

Lelive le-Ningizimu Africa libungata iminyaka lengema-70 kwetfulwa umculu lowaba ngumhlahlandlela wekusungulwa kwentsandvo yelinyenti kulelive, i-Freedom Charter. Sikhulumisene namnkantjubovu we-ANC Veterans League, Umnumzane Mavuso Msimang.

Umphatsiswa welitiko letemphilo kulesifundza seMpumalanga, Sasekani Manzini bekasemkhankasweni wekulwa nekukhulelwa kwebantfwana eNhlazatshe kumasipala weChief Albert Luthuli.

Namuhla umhlabawonke ubungata lilanga lekuchushisa ngetidzakamiva. Litiko lekutfutfukisa tenhlalakahle velonke livakashela masipala wase-Gert Sibande kulesifundza se Mpumalanga kutofundzisa kabanti ngebungo betidakamiva nendzima leliyidlalako kulwisana nalesihlava. Sikhulumisana nelibamba lemcondzisi wetekuchumana etikweni letekutfutfukisa tenhlalakahle Bathembu Futshane.

Sicocisana nalebakasigcile setidzakamiva, Thamsanqa Makhubela lositjela kutsi kumatima njani kuyekela tidzakamiva nasewusigcila sato kepha kuyenteka nangabe utimisele kuchubeka nemphilo lehlobile.

Njengoba namuhla lelive ligubha iminyaka lengema-70 kwetfulwa umculu longumkhombandlela wenkululeko, i-Freedom Charter, inhlangano ye-ANC itsi sekwetfulwe tiphakamiso letisiphohlongo kuleto letili-10 letikulomculu. Lekusasematima kutsi tetfulwe timbili kantsi tifaka ekhatsi kuphatfwa kwemnotfo kanye nekubuyelisela umhlaba kubaniyo. Simeme umhlatiyi wetembangave, Prof Bheki Mngomezulu kutobuka kuts...

Inkantolo laphakeme e-Pitoli ikhiphe sincumo sekuwumisa umngcwabo waloyi abengumengameli waseZambia, Edgar Lungu ngemuva kwekuvumelana kwalabo lebatsintsekako. Ngekusho kwesati setemlandvo, Khaya Ndwandwe, utsi ngekwesintfu ngumndeni lekufanele aphume nelivi lelingujucu mayelana nekungcwabeka kwelilunga lawo lelishonile.

Umphatsiswa welitiko laka-COGHSTA kulesifundza seMpumalanga, Speedy Mashilo, utsi litiko lakhe selingenelele kwelekelela masipala waseNkomazi ekutseneni akhone kuncoba letinkinga tetimali letihlasele lomasipala.

Sicocisana nemhlatiyi wetepolitiki, Umnumzane Khanya Vilakazi, ngetindzaba letifaka ekhatsi kumiswa kwemngcwabo waloyi abengumenmgameli waseZambia Edgar Lungu, kubungatwa kweFreedom Charter kanye neDA lehlanganisa iminyaka lengema-25 yasungulwa.

Litiko letemfundvo nelemaphoyisa basayinde sivumelwano sekungenelela ekucinisekiseni kuphepha nekuvikeleka kwebafundzi nabothishela etikolwenim i-Safe Schools Protocol. Kute sitfole umbono wetinyonyana tabothishela  ngalesinyatselo , sicocisene namabhalane jikelele wenyonyana iNATU, Umnumzane Doctor Ngema.

Sikhungo setekuvakasha iMpumalanga Tourism and Parks Agency (MTPA) seyisukumise umkhankaso wayo wetekuvakasha ngekulandzela sivumelwano lesatiwa ngeTriland. Lesivumelwano sifaka ekhatsi kuvakashela emave lamatsatfu i-Ningizimu Africa, i-Mozambiki kanye ne-Swatini. Lokhulumela iMTPA Simphiwe Shungube utsi lomkhankaso walonyaka bawucala ngekuvakashela eDullstroom kumasipala waseMakhazeni.

Hulumende welelive ugcugcutela lusha lolungasebenti kutsi lilwele kutisebenta kunekulindzela kucashwa. Sikhungo se-National Youth Development Agency (NYDA) ngulesinye saleto letisetjentiswa nguhulumende kufukula bantfu labasha kutemnotfo kanye nekubacijisa ngemakhono. Kubuka kutsi yini umuntfu lomusha langayilindzela kulesikhungo sikhulumisana nemphatsi welihhovisi leNYDA eMbombela, Jabulile Shong...

Sikhulumisene nasomlomo wamasipala waseNkomazi, Mbuso Malale mayelana nemibiko letsi lomasipala angahle angakhoni kuholela tisebenti takhe kulenyanga. Kepha losomlomo utsi lemibiko ayisilo liciniso.

Sikhuluma na-Yolanda Mthembu lovela etikweni letekulima kuvelonke mayelana nenkomfa lebanjelwe eWhite River kulesifundza seMpumalanga, kutewubonisana ngetifo letihlasela letihlasela titjalo netitselo.

Lucwaningo lolwentiwe yinhlangano i National Shelter Movement of South Africa ( NSMSA) luveta kutsi tinkinga temnotfo, kungalingani ngekwebulili, kanye netintfo letenteka etinkhundleni tekuchumana tifaka sandla ekutseni bantfu labasebasha batsandzane nebantfu labadzala ngenhloso yekutsi bahlomule imali, lokubudlelwane lobatiwa nge-blesser/blessee relationships. Sikhulumisana na-Sindisiwe Msimango...

Uyacala kusasa esibhedlela iRob Ferreira umkhankaso wekusita labo labanenkinga yetindzebe temlomo letibenta bangakhoni kumamatseka lobitwa nge-Operation Smile. Lokuhlindza ngenhloso yekulungisa letindzebe temlomo kulindzeleke kucale esibhedlela i-Rob Ferreira kusukela mhlak 25 kudzimate kube mhlaka 27 kulenyanga. Kutfola kabanti ngale Operation Smile, sicocisana na Phelisa Manyisane-Somciza lokang...

Umhlaba wonke ubungata lilanga lebafelokati namuhla ngesikhatsi lapho bafelokati labanyenti bavame kubukana netimbila titfutsa nabacedza kushiywa bayeni babo. Sikhulumisana naMoltah Mavuso lophuma kuWidows Forum, nalobekayincenye yelucwaningo beliphenya ngekuhlukunyetwa kwebafelokati, lolwentiwe likomishana lekulingana ngekwebulili kulesifundza.

Namuhla kugujwa lilanga lebafelokati emhlabeni wonkhe jikelele. Kukhuluma kabanti ngalelilanga, simeme Dr Sizakele Matlabe, lovela e Unisa College of Education nalophindza ahole umklamo welucwaningo ngebafelokati lolunesihloko lesitsi " Widowhood issues in SA."

Lomunye webahlatiyi  Dr Emile Ormond utsi nanome kwanyalo ungabonakali kangako umtselela webuchwepheshe lobakhiwa bantfu i Artificial Inteligency ( AI) emaveni lasatfutfuka kepha nangabe lobuchwepheshe sebutinike emandla lamave angahle abukane nenkinga yekuswelakala kwemisebenti. Kubuka umtselela waloku simeme umhlatiyi wetetisebenti, Bukani Mngoma.

Inhlangano yabo dokodela kuleli i South African Medical Association (SAMA) ivakalise kukhatsateka ngekutsi kungahle kucubuke tifo letibangwa ngemanti langcolile esifundzeni saseMphumalanga Kapa. Lokukhatsateka kwalenhlangano kulandzela letikhukhula letidale umonakalo lomkhulu tabuye tendlula nemiphefumulo yebantfu. Sicocisene nasihlalo weSAMA, Dr Mvuyisi Mzukwa