Ligwalagwala FM Current Affairs

Lisekela lendvuna yelitiko lemfundvo lesisekelo Dr Reginah Mhawule utsi yinkulu indzima ledlalwe ngulelobekalisekela lemengameli welive longasekho emhlabeni David Mabuza, emkhakheni wetemfundvo kulesifundza seMpumalanga.

Lowake waba lisekela lasihlalo weANC eMpumalanga David Dube utsi buholi baloyi abelisekela lemengameli David Mabuza bebubonakala ngekwenteka kwetintfo kunekugcina ngekukhuluma.

Ndvunankhulu wesifundza seMpumalanga Mandla Ndlovu utsi loyi abelisekela lemengameli longasekho emhlabeni David Mabuza bekangumholi longasabi kutsatsa tincumo.

Umhleli wetindzaba teSABC eMpumalanga, Magashule Mokoena ubhonsela emswaneni ngekwendlula emhlabeni kwaloyi abelisekela lemengameli David Mabuza.

Intsatseli yetindzaba kaSABC Mthobisi Mkhaliphi uphawula ngekwendlula emhlabeni kwaloyi abelisekela lemengameli David Mabuza.

Intsatseli ye-SABC kulesifundza seMpumalanga Motsebi Monareng ukhulumisene nebaholi benhlangano yeANC emahhovisi esifundza alenhlangano lebafaka ekhatsi Ndvunankhulu Mandla Ndlovu mayelana nekusishiya emhlabeni kwalobekalisekela lemengameli David Mabuza.

Lowake wahola iDA kulesifundza seMpumalanga Umnumzane James Masango utsi basebentisana kahle nalobekalisekela lemengameli David Mabuza.

Umhlatiyi wetepolitiki Njingalwati Bheki Mngomezulu utsi loyi abelisekela lamengameli losandlulile emhlabeni David Mabuza wadlala indzima lenkhulu ekuvotelweni kwamengameli walenhlangano ye ANC Cyril Ramaphosa.

Ummeli lotimele wlapha eMbombela kulesifundza seMpumalanga, Bongani Matsane ukwamukele njengentfo letawuletsa tingucuko kutebulungiswa kucokwa kwamengameli wemajaji eGauteng, Jaji Dunstan Mlambo njengalowawuba lisekela leNhloko yemaJaji kulelive. Loku kuta ngemuva kwekutsi iJustice Servicve Commission (JSC) iphakamise kutsi lowaMlambo afakwe kulesikhundla sekuba lisekela laChief Justice.

 Likhomishana lebatsengi i-National Consumer Commission likhiphe tecwayiso tekungalandzeli umtsetfo letingema-45 letiniketwe batsengisi bekudla labangatfobeli umtsetfo webatsengi i-Consumer Protection Act (CPA). Kutfola kabanti sinalokhuumela lelikhomishana i-NCC Phetho Ntaba.

Lihhovisi letibalo kuleli litsi kwenyuke ngemaphesenti lasitfupha kutfunyelwa kwemikhicito yakuleli emaveni angaphandle emkhakheni wetekulima kukota yekucala kulomnyaka. Lelihovisi liphindze laveta kutsi umkhakha wetekulima ngiwo lofake kakhulu sandla ekukhuleni kwemnotfo kulekota yekucala kulomnyaka. Sikhulumisana neSenior Economist:Trade Research kuNational Agricultural Marketing Council, Thabil...

Bantfu labanyenti bakulelive kubikwa kutsi bayehluleka kongela likusasa. Kulenyanga yekonga bantfu bakulelive bakhutsatwa kutsi bacale kubekela likusasa ngemalemadlana yabo lencane. Kubuka lendzaba sikhulumisana nasomnotfo lotimele umnumzane Mandla Malope.

Sati ngetindzaba tebugebengu, Dkt Mxolisi Mathebula utsi hulumende kufanele abuke letinye tindlela tekujezisa tigebengu letente emacala lamancane kuze kugwenywe kugcwala ngalokwecile emajele. Loku kuta ngemuva kwekutsi indvona yelitiko letekuvuselelwa kwesimilo iphakamise kutsi kufanele kubuyiswe sijeziso sekubhambabulwa kwalabente emacala lamancane.

Inhlangano letibita ngeMpumalanga Queens in Construction ihlele kuhlanganisa ndzawonye labasikati ngenhloso yekubatfutfukisa emkhakheni wetekwakha. Lomhlangano wekubonisana uhlelwe kutsi ubanjwe ngeMgcibelo. Kepha kuyiva kancono lendzaba simeme lomunye webasunguli beMpumalanga Queens in Construction, Happy Meyane.

Bosolwati emkhakheni wetekuchumana bagcugcutela hulumende kutsi asebentise tinkundla tekuchumana kanye nekuchumana ngetebuchwepheshe, i-Digital Communication, kuze akhulumisane futsi aphendvulane masinyane netakhamuti. Loku kuvele engcungcutseleni iSocial Media Summit lebeyibanjelwe eUniversity of Johannesburg eAuckland Park. Kutfola kabanti ngalengcungcutsela nalokunye lokuvelile, sicocisene neme...

Indvuna yelitiko letekuhweba, timboni netekuncintisana Parks Tau wetfule ngalokusemtsetfweni tinkundla letimbili tekuhweba ngebuchwepheshe letiholwa embili yi Proudly South African eJozi. Kutfola ngaletinkundla letimbili tekuhwebelana sikhulumisana neChief Officer: Membership, Legal and Compliance, Mrs Happy MaKhumalo Ngidi.

Indvuna lebukele tindzaba tabomake, bantfwana kanye nalabakhubatekile ehhovisi lemengameli, Sindisiwe Chikhunga, usichazela ngalobekwenteka kulelilanga lekucala lemhlangano we-G20 Empowerment of Women Working Group lobanjelwe esiciwini setinyamatane i-Kruger National Park.

Mengameli wenhlangano yebaholi bendzabuko, i-CONTRALESA, Kgosi Mathupa Mokoena ukhutsata kukhulumisana emkhatsini webashayi bengoma kanye nebatali nakwentekile kutsi umtfwanma ubaleke watiyela matfupha engomeni. nanobe kunjalo, Mokoena uwusole kakhulu lomkhuba wekutfwalwa kwebantfwana bayiswe ngenkhani engomeni.

Inhlangano yebafundzi iSASCO seyiphakamise kutsi mengameli welive acoshe indvuna yelitiko letemfundvo lephakeme nekucecesha, Dr Nobuhle Nkabane. Simeme mabhalane jikelele weSASCO, Admission Monareng.

Bekavele enkantolo yamantji eSeshego umsolwa loneminyaka lengema-40  loboshelwe kubulala ake wakhe loneminyaka lengema-87  ngekumgabelela amente ticucu. Kubuka kutsi kusuke sekwente njani umuntfu nasekenta intfo leswacisa lugogo ngalendlela, sikhulumisana nemeluleki wengcondvo lotimele, Dr Rabi Phetla.

Inyonyana ye NEHAWU kulesifundza se-Mpumalanga beyibambe inkomfa lebeyifaka ekhatsi kukhetfwa kwebuholi lobusha besifundza. Ngembi kwekucala kwalenkomfa bekunemalunga lagongonyekile lebekamikise lenyomnyana enkantolo kepha sicelo sawo sicitsiwe, kwatsiwa asiphutfumi. Sicocisene namabhalane weNEHAWU eMpumalanga, Welcome Mnisi.

Kuleliviki lesibuya kulo sibone tinyonyana iNUM velonkhe ne NEHAWU  kulesifundza seMpumalanga tikhetsa baholi labasha. Kuletikhatsi lesiphila kuto tinyenti tisebenti letilahlekelwa ngumsebenti ngenca yekudzilitwa emsebentini, tibe tinyonyana tikhona. Ingabe tinyonyana tisawenta ngendlela lefanele yini umsebenti wato wekucinisekisa kuvikeleka kwemalungelo etisebenti? Kuphendvula lombuto nalemi...

I ANC itsi nakutawenteka i-DA yetfule sishukumiso sekungametsembi mengameli Cyril Ramaphosa loko kutawube kusho kuphuma kwe DA kulohulumende welubaniiswano i-GNU.  I-DA seyivele ivakalise kutsi angeke ihlanganyele kuletingcoco tavelonkhe tekwetama kutfola tisombululo tetinkinga letibukene nalelive lekuhlelwe kutsi ticale ngenyanga ye-Ngci kulomnyaka. Sicocisana nemhlatiyi wetepolitiki Njingal...

Njengobe inyanga ye Nhlaba (June) kuyinyanga lapho kuchushishwa bobabe kutsi banakekele imphilo yabo futsi bakhutsale nekuhambela tikhungo tetemphilo kuyotihlola. Simeme Dr Smangele Nkosi.

Sikhungo lesitimele iNo-Valo Learning Centre isemkhankasweni wekuhlomisa bantfu labasha ngemakhono ekutilungiselela kucasheka kalula emisebentini njengekubhala kahle ema-CV. Sicocisana neGenerala Manager yalesikhungo Thulisile Mgidi.