Ligwalagwala FM Current Affairs

Kushone bantfu labane engotini yemoti leyenteke emgwacweni iN4 emkhatsini we-Malelane neHectorspruit itolo. Kuva nganayindzaba elucingweni sicocisene nalokhulumela litiko letekhuphepha kulesifundza seMpumalanga Moeti Mmusi.

Kulindzeleke ucale namuhla umhlangano wesibili kulemihlangano lemitsatfu ye G20 lebuke tindzaba temvelo kanye nekugucugucuka kwesimo selitulu. Lomhlangano loholwa litiko letemahlatsi, kudoba tinhlanti kanye nemvelo, utawube ubanjelwe esiciwini setinyamatane iKNP kusukela namuhla kudzimate kube nguLesihlanu. Sicocisene nalokhulumela lelitiko Thobile Zulu-Molobi.

Utawufihlwa namuhla eMahushu umsakati we-Ligwalagwala FM, Nontuthuko Lekhuleni lowendlule emhlabeni ngasekucaleni kwalelivi. Kuyikhuluma lendzaba sicocisana nemhlelembisi wetinhlelo ku-Ligwalagwala FM Sphiwe Mnisi lotsi Nontuthuko bekawenta ngelutsandvo nangebuhlakani umsebenti wakhe.

Sikhulumisana naWandile Zulu welibandla i-Methodist Church KaBokweni mayelana neluhlelo lwekukhutsata bafundzi ngetifundvo letitawubabeka ematfubeni nasebaphotfulile (Career Expo). 

Bashayeli betimoto bacwayiswa ngemigwaco letawuvalwa kwesikhashana edolobheni i-Mbombela njengoba kunenkonzo yemngcwabo yalobekalisekela lemengameli David Mabuza . Kulindzeleke kutsi kutsikabeteke emigwacweni i-R 40 emkhatsini we Mbombela ne Barberton kanye neR38 lebheke eManzana. Lokhulumela masipala weCity of Mbombela, Joseph Ngala.

Inkantolo lephakeme yaseGauteng isigodlile sincumo ngelicala lelifakwe yi-Labour Party of South Africa ngenhloso yekuvimbela kubanjwa kwaletingcoco tavelonkhe letatiwa nge-National Dialogue. . Sikhulumisana nalosabambe kwesikhashana njengemengameli weLabour Party South Africa, Umnumzane Joseph Mathunjwa.

Ukhala letimatfonsi umndeni ngekwendlula emhlabeni kwemetfuli weluhlelo lwetemfundvo emsakatweni weSABC, Ligwalagwala FM, Nontuthuko Lekhuleni. Lekhuleni wendlule emhlabeni ngemuva kwekugula sikhatsi lesidze. Sicocisene namake Sanny Mona, lotawukhulumela umndeni ngalesimo

Umsakato weSABC, Ligwalagwala FM, ugubetelwe lifu lelimnyama kulandzela kwendlula emhlabeni kwalomunye webasakati labephindze abengumhleli weluhlelo lwetemfundvo, Nontuthuko Lekhuleni. Lekhuleni wendlule emhlabeni ngemuva kwekugula sikhatsi lesidze. Sicocisane nalosebente naNontuthuko sikhatsi lesidze kuleligumbi letemfundvo lapha kaSABC, make Angie Maziya

Lona bekangumhleli lomkhulu wetinhlelo tetemfundvo emsakatweni Ligwalagwala FM, Nomalanga Sibiya, ubhodlela emswaneni ngekwendlula emhlabeni kwemsakati wetinhlelo temfundvo, Nontuthuko Lekhuleni.

Umetfuli nemhlatiyi wemdlalo welibhola letinyawo kumsakato Ligwala Gwala FM, Sibusiso "SD" Mashabane utsi lona bekangumphatsi welicembhu lelibhola letinyawo Veli Mahlangu unemlandvo lomuhle ekutfutfukisweni kwemdlalo welibhola letinyawo kulelive.

Kulindzeleke kubanjwe tinkonzo tesikhumbuto kulandzela kwendlula emhlabeni kwalobekalisekela lemengameli kuleli Umnumzane David Mabuza. Mabuza wendlule emhlabei ngaLesine kuleliviki leliphelile esibhedlela sase Jozi. Lotositjela kabanti ngaloludzaba, simeme mabhalane we ANC kulesifundza, Muzi Chirwa.

I-South African Depression and Anxiety Group (SADAG) seyibite bacashi kutsi babe nendlela yekucinisekisa kunakekelwa kwemphilo yetisebenti (employee wellness). Loku kuta ngemuva kwetibalo letikhishwe yi-SADAG letiveta kutsi batinkulungwane letili-13 bantfu lebatibulala njalo ngemnyaka kulelive.  Simeme umphatsi weligumbi lekunakekelwa kwetisebenti emsebentini etikweni letemphilo kulesifundza...

 Luphenyo belwentiwa yi-Section 59 Investigation Panel mayelana netinsolo tekubandlululwa ngekwelibala kwabodokotela labamnyama tinkapani tema-Medical Aid, lutfole kutsi tiliciniso.  Sicocisane nasihlalo we-South African Medical Association (SAMA) Dr Mvuyisi Mzukwa.  

Likhomishana leliindzaba tebatsengi i-National Consumer Commission, limemetele kutsi itfole umbiko lotsi kunetimoti lekumele tijikiswe ngoba tinetinkinga letitsite letingahle tifake engotini imphilo yebantfu. Sicocisana nalokhulumela iNCC, Phetho Ntaba.  

Sikhulumisene nelisekela lendvuna yetemanti nekuhlanteka David Mahlobo mayelana nekwendlula emhlabeni kwalobekalisekela lemengameli David Mabuza. Mahlobo usebente kakhulu naMabuza kulesifundza seMpumalanga.

Lokhulumela inyonyana yemaphoyisa iSAPU Lesiba Thobakgale iphakamisa kutsi mengameli welive angenelele masinyane kulendzaba letinsolo letibhibitwe nguNkomishana wemaphoyisa KwaZulu/Natal Lt-Gen Nhlanhla Mkhwanazi. Thobakgale letinsolo timatima ngoba titsintse kuphepha nekuvikeleka kwelive kungako mengameli kufanele angenelele masinyane.

Indvuna yetebudlelwane nemave emhlaba Ronald Lamola ubhonsela emswaneni kulandzela kwendlula emhlabeni kwaloyi abelisekela lemengameli, uMnumzane David Mabuza. 

Tisebenti tikhutsatwa kutsi tisebentise luhlelo lekunakekela simo semphilo yetisebenti i-Employee Wellness Program. Inhlangano yetemphilo emhlabeni (WHO) itsi kukhungatseka engcondvweni nekudzinwa kwemtimba ngenca yekusebenta kakhulu (burn out) kuyinkinga lenkhulu emsebentini. Ngekusho kwabosolwati kusebenta ungaphumile kubanga kulova emsebentini, kwehla kwelizinga lekusebenta, emaphutsa nalokunye...

Intsatseli letimele lekanekise kulesifundza seMpumalanga Sizwe Sama Yende ukhuluma ngendlela bekasebentisana ngayo nalobekalisekela lemengameli longasekho emhlabeni, David Mabuza.

Mengameli Cyril Ramaphosa sewumemetele kutsi lobekalisekela lemengameli, David Mabuza,  utawuhlonishwa ngemngcwabo wahulumende losesigabeni sesibili. Kulindzeleke kutsi aphekeletelwe endlini yakhe yekugcina ngeMgcibelo lesiya kuwo. Kutfola takamuva ngemalungiselelo alomsebenti waMshengu, sicocisana nalobhala we ANC kulesifundza seMpumalanga, Umnumzane Muzi Chirwa.

Nkomishana wemaphoyisa esifundzeni saKwaZulu Natal Lt-General, Nhlanhla Mkhwanazi ukhiphe ingonyuluka lebheca tikhulu temaphoyisa kanye nendvuna yemaphoyisa Senzo Mchunu etehlakalweni tebugebengu. Mkhwanazi ukhala nangekutsi abatati tizatfu letaholela ekutseni indvuna yemaphoyisa ihlakate luphiko lolukhetsekile beliphenya ngekubulala lokweyamaniswa netepolitiki. Simeme sati ngetindzaba tebugebengu...

Lucala lamuhla luhlelo lwelihhovisi lemtselisi iSARS, i-auto assessment lwemnyaka timali  wanga-2024/25. Kutositjela kabanti ngekucala kwaloluhlelo lwema-tax returns, sikhulumisana nemphatsi welihhovisi laka SARS e-Mpumalanga, Umnumzane Rupert Ndlovu.

Umbiko wekuphela kwemnyaka timali wanga-2023/2024 welibhodi letekugembula kulelive i-National Gambling Board South Africa ukhombisa sifundza seMpumalanga njengalesihambe embili ngekugembula. Kukhuluma ngalendzaba simeme umphatsi losetulu (CEO) ku-Mpumalanga Economic Regulator (MER) Vusi Mtsweni.

Namuhla esigabeni setfu semabhuku sikhuluma ngelibhuku lelibhalwe nguNtombi Meso lelitsi I am Lovely and Dark. 

Ishayeke lidvuma lelikhulu inhlangano yebaholi bendzabuko kulelive i-CONTRALESA ngekusishiya emhlabeni kwalobekalisekela lemengameli welive David Mabuza. Mengameli weCONTRALESA Kgoshi Mathupa Mokoena utsi bangiloku labangiko namuhla, bahamba ngetimotela takanokusho banetigulumba tekulima kungenca yakhe Mshengu.