Ligwalagwala FM Current Affairs

Njengoba ligumbi letindzaba kaSABC lugubha iminyaka lengema-75, sifundza saseLimpopo sifake kakhulu sandla ekubikeni tindzaba talesifundza lesibalwa naleto letinkhulu nalesicube tinhlanga letinyenti letahlukene. Tintsatseli boRampheri Sefara, Freddy Rikhotso kanye naIsaac Murwamuila basicocela ngalebebakwenta nasebaphetse umbhobho bayotsatsela tindzaba. Intsatseli yeSABC  Vutivi Maluleke usih...

Umsakato wemaSan longephjansi kweSABC uyohlala uligcabho lemiphakatsi yema! Xun neKhwe ePlatfontein eNyakatfo Kapa. I X-K FM yacala kuba semoyeni mhla ka-18 August 2020. Luhlelo lwekucala lasakatwa egogogweni kumbe ku-container eSchidtsdrift. Karabo Siyoko naKatlego Mathebula bayasibikela

Kubungata iminyaka lengema-75 eligumbi letindzaba kaSABC, luhlelo Tiphuma Imphunga emsakatweni Ligwalagwala FM licocisene nalobekangumhleli waletisematseni George Mthethwa kanye nemhleli wetindzaba Nokubongwa Lukhele. 

Namuhla ligumbi lebetinzaba kulenhlangano lesakata ngemoya lihlanganisa iminyaka lengema-75 lisakata tindzaba. Njengendlela yekubungata lelilanga, sinemlaleli loneminyaka leminyenti alalela alalela tindzaba temsakato ku-Ligwalagwala FM, Dambai Zwane.

Kutfutfuka kwalomkhakha wetekusakata, kugucule timphilo tetigidzigidzi tebantfu bakulelive leNingizimu Africa. Ligumbi letindzaba taka SABC kanye naleto letenabile libungata iminyaka lengemashumi lasikhombisa nesihlanu lacala kusakata tindzaba, nalapho liletsa tinhlelo letakhako, letifundzisako naletikhipha situngu. Intsatseli yetfu Tshepo Ikaneng usihlanganisele lombiko lesiwetfulelwa ngu-Vusi Sh...

Njengoba ligumbi letindzaba laka-SABC libungata iminyaka lengemashumi lasikhombisa nesihlanu lacala kusakata tindzaba, simeme longumnkantjubovu kutebuntsatseli nalowake wahola lelihhovisi letindzaba lalapha eMbombela, Umnumzane Hosea Jiyane

I Mpumalanga Tourism and Parks Agency (MTPA) ikhuluma ngekubaluleka kwetinyoka ekutintiseni imvelo. Lobukele ligumbi letinyoka kaMTPA, Umnumzane  April Lukhele uyachaza.

#TINDZABA 14.00 16/07/2025

Kuntjintja kwe SABC isuka ekubeni ngaphansi kwahulumende welubandlululo kuya ekubeni livi lebantfu kwasho kutsi lelive seliphuma ekucindzetelweni liya embusweni wentsandvo yelinyenti.  Kulomnyaka, ligumbi letindzaba le-SABC ligubha iminyaka lengema-75 lisakata tindzaba. Intsatseli yetfu Nandipha Plaatjie uyasibikela.

Sihlalo wekomiti lebukele kuchutjwa kwetikolo tekusoka kulesifundza seMpumalanga, Inkosi Robert Mahlangu utsi batawutsatselwa tinyatselo bashayi bengoma labatfumba bantfu bayobasoka ngephandle kwemvumo. Loku kulandzela kuboshwa kwebasolwa labane ngetinsolo tekutfumba indvodza leneminyaka lengema-70 budzala bayoyifaka engomeni eLimpopo. 

Kwendlula emhlabeni kweMfundisi Dr SD Gumbi kushiye kukhatsateka nesilondza lesibhibhako kumkhakha wenkholo yebuKrestu. Umfundisi Gumbi wendlule emhlabeni ngeMsombuluko ebusuku ngemuva lwekugula sikhatsi lesidze. Kukhuluma ngalendvodza lebeyihlonishwa njengelichawe lelivangeni, sicele lokhulumela umndeni, Umfundisi T Nhlapho.

Ligumbi letindzaba ka-SABC ligubha iminyaka lengema-75 libika tindzaba. Kubungata loluhambo lekubika tindzaba sikuletsela labanye bebasakati netintsatseli kantsi namuhla sikhulumisana nalobekangumdidiyeli wetinhlelo letisematseni kulomsakato Ligwalagwala FM, Bheki Nyathikazi.

Inhlangano ye-DA kusishayamtsetfo sesifundza itsi ifuna Ndvunankulu awukhulule ngalokuphelele lombiko lomayelana nalendzaba yekutsengwa kwema laptops kulesifundza seMpumalanga, nalekusolwa kutsi ngiso sizatfu sekukhishwa kwemphatsiswa wetemfundvo, Cathy Dlamini kulelitiko. Sikhulumisana nemholi weDA kusiahaymtstfo sesifundza,  James Masango.

Ayachubeka nekungena emavi ekudvudvuta tihlobo nebangani beMfundisi Dr SD Gumbi lesivuswe tindzaba tekutsi akasekho emhlabeni.  Sikhulumisana nalomunye wemadvodzana akhe eNkhosini, Bishop Jerry Khoza.

Inhlangano yeMK Party itsi kuyamangalisa kutsi Ndvunankulu wesifundza seMpumalanga usagcine baphatsiswa labanesici kukhabhinethi lakhe. Sikhulumisene nemhlelembisi we-MKP kulesifundza seMpumalanga Advocate Busisiwe Mkhwebane.

Umtfombo wetindzaba iSABC News ugubha iminyaka lengemashumi lasikhombisa nesihlanu ubikele sive tindzaba temhlaba letifaka ekhatsi naletichmuka emaveni angaphandle. Njengendlela yekugubha leminyaka lengema-75 lihhovisi letindzaba eMbombela likhulumisene naletinye tintsatseli letasebentela ligumbi letindzaba eMbombela. Motsebi wa Monareng uyabika.

Umholii we-EFF kulesifundza seMpumalanga Collen Sedibe utsi bayakwamukela kukhishwa kwampohatsiswa wetemfundvoi Cathy Dlamini kulesikhundla.

Sosiswebhu we-ANC kusishayamtsetfo sesifundza seMpumalanga Ntombizodwa Makhabane utsi bayakwamukela kuhlelwa kabusha kwelikhabinethi lesifundza.

Sifundza saseNyakatfo Kapa saba sekugcina lapho ligumbi letindzaba kaSABC lavula lihhovisi lalo nga-1996. Labanye bebangemahambembili, batsi ngalawo malanga ngalesikhatsi lelive lingena embusweni wentsandvo yelinyenti, tintfo betimatima. Intsatseli yeSABC Thabiso Radebe usihlanganisele lombiko lesiwetfulelwa nguZandile Nkosi. 

 Inkapani yetebucwepheshe i-CyberM8, yetfule umkhankhaso wavelonkhe wekucwashisa takhamuti takuleli ngebugebengu lobentiwa ngetebucwepheshe besimanje lobitwa nge Qaphela online. Loku kuta ngesikhatsi kunekukhatsateka ngekwandza kwaloluhlobo lwebugebengu emhlabeni wonkhe. Kute sitfole kabanti ngaloku. Sicocisana nemphatsi walenkampani, Manqoba Mngomezulu.

Titfunywa temave langemalunga eG20 betibonisana ngetihloko letifaka ekhatsi kugucugucuka kwesimo selitulu, kuguguleka kwemhlabatsi, somiso, tikhukhula kanye netindlela letincono tekulahlwa kwemfucuta. Lomhlanmgano, loholwa litiko letemahlatsi, kudoba tinhlanti kanye netemvelo uchubeka esiciwini setinyamatane iKruger National Park. Kutfola kutsi kuhambe njani futsi yini leseta kulomhlangano, sicoci...

 Njengoba ligumb i letindzzaba kaSABC ligubha iminyaka lengu-75 lisemoyeni, sibuka emuva tindzaba letahamba embili, lebetikhetsekile kulomsakato wesive. Kaone Boikanyo (24) wamangalisa sive nakakhuluba nebetindzaba kungakahlelwa nga-2019, kulandzela umlilo lowangcongcisa sitsabatsaba setitolo eStation Road eMahikeng.  Intsasteli yeSABC, Sentleeng Lehihi lowacocisana naBoikanyo cishe emin...

Mengameli welive Cyril Ramaphosa unikete ilivu lekhetsekile indvuna yemaphoyisa Senzo Mchunu. Mengameli uphindze wamemetela ngekusukunyiswa kwelikhomiahana leliyophenya ngetinsolo letenteka emaphoyiseni akuleli. Kukhuluma kabanti ngalendzaba elucingweni sichumana nesati setindzaba tebugebengu Dr Mxolisi Mathebula.

Lokhuumela inyonyana yemaphoyisa iSAPU, Lesiba Thobakgale bayasemukela lesincumo semengameli Cyril Ramaphosa sekusukumisa likhomishana lelitawuphenya ngaletinsolo letivetwe nguNkomishana wemapghoyisa KwaZulu Natal, Nhlanhla Mkhwanazi. 

Lenkhundla lephenya tinsolo tekungatiphatsi kahle kwamengameli wemajaji ase Mpumalanga Kapa Selby Mbenge siphotfule kumphindzilita ngemibuto kuleliviki leliphelile. Kubuka kutsi kuhambe njani kutiphendvulela kwaleliJaji naliphindziloitwa ngemibuto, simeme ummeli lotimele lophuma kuDonda Attorneys, Melusi Xulu.