Ligwalagwala FM Current Affairs

Kusukela kucale leliviki ligumbi letindzaba kaSABC belibungata iminyaka lengema-75 lisakata tindzaba. Netilwimi betitsatseleka phansi kulelive nato tigcine tiyitfolile indzawo kumabonakhashana nanobe tingenetiseki ngesikhatsi letisitfolako. Kubuka kutsi tindzaba tilitfutfukise njani lulwimi simeme Dr Sesani Mdluli longulomunye wabomake bekucala kusakata tindzaba ngeSiswati kumabonakhashane ka SABC...

Esigabeni setfu sekucubungula emabhuku, namuhla sitawube sibuka libhuku lelibhalwe ngu-Lunga Ntuli lelitsi  "Nomfundo, The Girl Who Chose To Rise." 

Kusukela kucale leliviki ligumbi letindzaba kaSABC belibungata iminyaka lengema-75 lisakata tindzaba. Kubuka indzima ledlalwe bosotinkinobho ekusakateni tindzaba ka-SABC, sicocisene  naSlangman Gwebu losebente sikhatsi lesidze angusotinkinobho...

Bahlatiyi betekuvikeleka batsi atinasisekelo letinsolo letitsi kunalababophe lifindvo lekufuna kuketula umbuso. Loku kulandszela inkhulumo yendvuna ehhovisi lemengameli Khumbuzo Ntshavheni, lotsite lelive lisengotini yekuvukelwa kwembuso. Kubuka lendzaba kabanti simeme umhlatiyi wetekuphepha nekuvikeleka Dr Funeka Sihlobo.

Lokhulumela iSwaziland Solidarity Network, Lucky Lukhele usifananise nebuhlanga sento seMelika sekutfumela tiboshwa letigwetjwe kulelalive kutsi tiyodvonsa tigwebo tato eSwatini.

Losabambe kwesikhashana sikhundla salokhulumela hulumende waseSwatini Thabile Mdluli utsi banesivumelwano nelive leMelika lesiholele kutsi letiboshwa tiletfwe eveni laseSwatini

Atselekile ema-Lowveld Walkers eMbombela achamuka eZimbabwe. Umsunguli wemaLowveld Walkers, Joseph Mashaba utsi lube matima luhambo lwabo lwaseveni laseZimbabwe labalicale mhla tisitfupha kulenyanga lesetulu.

Ligumbi lebetindzaba ka-SABC lichubekile nekubungata iminyaka lengemashumi lasikhombisa nesihlanu lasakata tindzaba tekucala. Itolo bekuhlangana iminyaka lengema-75 kwenteka loku nga-1950. Labanye basebenti belitiko letindzaba kulomsakato wemmango babuka kutsi i-SABC igucuke kangakanani kute ihambisane netikhatsi ekusakateni tindzaba futsi ihlale icotfo emsebentini wayo wekwatisa sive. Puseletso M...

Njengoba namuhla umhlaba wonke ubungata lilanga la Mandela, banyenti bantfu kanye netinhlangano letisachubeka nekulandzela etinyatselweni takhe tekutinkela ekusiteni labanye. Lenye yaletinhlangano i-Red Cross itsi kubalulekile kusita ngephandle kwekulindzela inzuzo. Sicocisana nasonhlalakahle lophuma kulenhlangano Lindy Lusenga

 Kunyenti lokuhleliwe etifundzeni ngekwehlukana kwato njengendlela yekubungata lilanga laMandela. Kulesifundza se Mpumalanga, Ndvunankulu Mandla Ndlovu uyalele bomasipala labalishumi nesikhombisa kulesifundza kutsi bente lokutsite ngalelilanga. Lokhulumela hulumende wesifundza George Mthethwa utsi hulumende wesifundza utawube agubha lelilanga kumasipala waseMsukaligwa.

Sikhulumisene nenhlangano yematekisi iTop Star njengalomunye wemikhakha lesisebentisana nawo etindzabeni. Simeme lokhulumela iTop Star John Mavundla. 

Luhlelo Letiphuma Embiteni namuhla licophe umlandvo ngekutsi letfule ngekubambisana nemlingani wetfu waphambilini Fortunate Mabuza.

Siphindze sakhulumisana namnkantjubovu wentsatseli yemsakato namabonakhashane, nalowake waba ngumphatsi welihhovisi letindzaba lalapha eMpumalanga, Jonathan Lungu.

Sisekuyo lendzaba yekukhula kweligumbi letindzaba ka-SABC sikhulumisana nemhleli wetindzaba takamabonakhashane khona lapha kaSABC, Veli Mkhwanazi.

Ligumbi letindzaba taka-SABC lapha eMbombela libuyele emuva labuta emahambambili kutsi bekunjani kubika tindzaba ngesikhatsi saphambilini. Motsebi Monareng uyenaba

Tindzaba tekucala letadidiyelwa taphindze tasakatwa yi-SABC News taya emoyeni mhlaka 17 July 1950 Zandile Nkosi uyasibikela.

Sibungata iminyaka lengema-75 yeligumbi letindzaba kaSABC nentsatseli leseyatsatsa umhlalaphansi,  Antony Sibambo, Inhlabamkhosi.

Njengoba ligumbi letindzaba kaSABC lugubha iminyaka lengema-75, sifundza saseLimpopo sifake kakhulu sandla ekubikeni tindzaba talesifundza lesibalwa naleto letinkhulu nalesicube tinhlanga letinyenti letahlukene. Tintsatseli boRampheri Sefara, Freddy Rikhotso kanye naIsaac Murwamuila basicocela ngalebebakwenta nasebaphetse umbhobho bayotsatsela tindzaba. Intsatseli yeSABC  Vutivi Maluleke usih...

Umsakato wemaSan longephjansi kweSABC uyohlala uligcabho lemiphakatsi yema! Xun neKhwe ePlatfontein eNyakatfo Kapa. I X-K FM yacala kuba semoyeni mhla ka-18 August 2020. Luhlelo lwekucala lasakatwa egogogweni kumbe ku-container eSchidtsdrift. Karabo Siyoko naKatlego Mathebula bayasibikela

Kubungata iminyaka lengema-75 eligumbi letindzaba kaSABC, luhlelo Tiphuma Imphunga emsakatweni Ligwalagwala FM licocisene nalobekangumhleli waletisematseni George Mthethwa kanye nemhleli wetindzaba Nokubongwa Lukhele. 

Namuhla ligumbi lebetinzaba kulenhlangano lesakata ngemoya lihlanganisa iminyaka lengema-75 lisakata tindzaba. Njengendlela yekubungata lelilanga, sinemlaleli loneminyaka leminyenti alalela alalela tindzaba temsakato ku-Ligwalagwala FM, Dambai Zwane.

Kutfutfuka kwalomkhakha wetekusakata, kugucule timphilo tetigidzigidzi tebantfu bakulelive leNingizimu Africa. Ligumbi letindzaba taka SABC kanye naleto letenabile libungata iminyaka lengemashumi lasikhombisa nesihlanu lacala kusakata tindzaba, nalapho liletsa tinhlelo letakhako, letifundzisako naletikhipha situngu. Intsatseli yetfu Tshepo Ikaneng usihlanganisele lombiko lesiwetfulelwa ngu-Vusi Sh...

Njengoba ligumbi letindzaba laka-SABC libungata iminyaka lengemashumi lasikhombisa nesihlanu lacala kusakata tindzaba, simeme longumnkantjubovu kutebuntsatseli nalowake wahola lelihhovisi letindzaba lalapha eMbombela, Umnumzane Hosea Jiyane

I Mpumalanga Tourism and Parks Agency (MTPA) ikhuluma ngekubaluleka kwetinyoka ekutintiseni imvelo. Lobukele ligumbi letinyoka kaMTPA, Umnumzane  April Lukhele uyachaza.

#TINDZABA 14.00 16/07/2025