Ligwalagwala FM Current Affairs

Sikhungo lesitfutfukisa bantfu labangaboni emehlweni ngemakhono e-Pienaar kulesifundza iMpumalanga sivakalise kukhatsateka ngekuswelakala kwetinsita lokwenta kutsi singakhoni kuchuba kahle umsebenti waso. Sicocisana na Fani Msiza longumsunguli walesikhungo iMpumalanga Blind Skills Development.  

Sikhungo i-Palesa Pads sesivakashele tikolo letingetulu kwema-250 lapho sifundzisa bantfwana bemantfombatane ngekubaluleka kwekuhlanteka nabaya emalangeni.  Lesikhungo sikhicita ema-pads lawashwako kuze kusitwe emantfombatana nakaya emalangeni. Sicocisana na Nokwazi Masondo longumsunguli we-Palesa Pads. 

Indvuna yetebulungiswa Mmamoloko Kubayi kulindzeleke etfule umtsetfo lomusha wesehlukaniso kulelive. Nga-2023 inkantolo yemtsetfo-sisekelo yayalela liphalamende kutsi kufanele liwuchibiyele lomtsetfo ngemuva kwekutfolakala kutsi ushayisana nemtsetfo-sisekelo. Kutfola kabanti ngaletingucuko  sicocisene nesati setindzaba temtsetfo, Mpumelelo Zikalala 

Ngekusho kwembiko welucwaningo lolwentiwe yinkapani i-Eighty20, bantfu labasha bakuleli labangaphansi kweminyaka lengemashumi lamatsatfu nesihlanu bayehluleka kukhokhela tikweleti tabo. Loku kufaka ekhatsi kubhadala imali lebasuke bayiboleke emabhangi kanye nema credit card. Kubuka kutsi kubangwa yini loku nekutsi bangaphuma njani kulesimo, simeme umphatsui weligumbi lelifundzisa ngetimali ebhange...

Sati setindzaba temtsetfo, ummeli Bongani Matsane utsi mkhulu umsebenti lesewentiwe yinkantolo yemtsetfo sisekelo kusukela yasungulwa nga-1995. Lenkantolo igubha iminyaka lengema-30 isebenta.

Umshayeli wetimoti letenta umdlalo wesitungeletane (spinning) lodzabuka eMahushu ngaseHazyview kulesifundza seMpumalanga, Samkeliso Thubane, lowatiwa nga Sam-Sam, bekayomela lelive emchudzelwaneni bewuse-Austria.  Sam-Sam bekayincenye yemchudzelwane wemave emhlaba lowatiwa nge Hangar - 7, lebewubanjelwe edolobheni iSalzberg khona e- Austria. Thubane utsi utive amkhulu kuhlangana nalabanye bas...

Umkhandlu wemagugu kulelive i-National Heritage Council uvule sikhwama sekwesekela ngetimali imiklamo leyeyamene nekutfutfukisa temagugu. Labo labafuna kufaka ticelo tekulekelelwa ngetimali baniketwe kudzimate kube ngumhlaka 30 kulenyanga lesetulu. Kepha lotasichazela kabanti ngumphatsi wetekusita ngetimali kulomkhandlu, Bongiwe Magasela.

Kunemlunga lakhala ngekutsi akakaphatseki kahle ngenkomfa yenyonyana iNEHAWU lekulindzeleke ibanjwe emalanga lamatsatfu kuleliviki lelitako. Lamalunga lagongonyekile sekavele aye enkantolo lapho akhala ngeluhla lwemabito ebantfu lekumele bayobamela kulenkomfa.  Inkantolo lephakeme yalapha eMbombela isasigodlile sincumo. Sicocisene na Norman Mbokodo lokulaba lebakhalako kanye namabhalane weNEH...

 Indvuna yelitiko letemfundvo lesisekelo Siviwe Gwarube seyimemetele ngeluhlelotifundvo (curriculum) lelitawufaka ekhatsi sifundvo sekucala libhizinisi noma kutisebenta. Lesifundvo sigcugcutela kutsi labo labaphotfula matikuletjeni babe sebanemakhono ekutisebenta kunekufuna kucashwa. Kuyibuka kabanti  lendzaba sicocisana nesati setindzaba temfundvo Dr Thuli Mngomezulu.

Loyo bekangumabhalane weMK Party, Floyd Shivambu, sewumemetele kutsi utawucala tinhlelo tekucocisana nebantfu bakuleli ngenhloso yekutfola luvo lwabo mayelana nekusungula inhlangano yetepolitiki lensha. Kuyibuka ngeliso lemhlatiyi lendzaba sikhulumisana na-Njingalwati Ntsikelelo Breakfast .

 Lisekela lasihlalo we South African National Editors Forum (SANEF) Tshamano Makhadi utsi basemkhankhasweni wekusungula sikhwama sekuhlenga tintsatseli. Utsi loku bakwentela kuhlenga tintsatseli njengoba kubonakala kwangatsi tilahlekelwa ngumsebenti kulandzela kuntjintja kwetindlela lekucoshwa ngato tindzaba kantsi tinkapani letinyentana tebetindaba tiyavalwa. Sicocisene neMnumzane Hopewell H...

Sikhungo lesibukelele kusita imiklamo yemango, i- Media Development and Diversity Agency (MDDA), sibitawube sinbambe umhlanganosikolo lowatiwa nge - Pre-Grant Call Workshop and Governance Training khona lapha edolobheni iMbombela namuhla. Sicocisana na Siphokazi Mgudlwa lophuma ku-MDDA.

Tiya ngekwandza tehlakalo tekubulawa ngesihluku kwebafundzi ikakhulukati nasebaphumile esikolweni, babulawa bontsanga yabo.  Sikhuluma nje kunemndeni losemantini wemfundzi waka-Grade 11 wasesikolweni semabanga laphakeme i-Lesedi lesisemphumalanga nePitoli kulandzela kutsi agwazwe ashone ngumfundzi waka-Grade 12 itolo. Kantsi kulenyanga lephelile licenjana lebafana besikolo lashaya labulala Ch...

Ndvunankhulu wesifundza se Mpumalanga Mandla Ndlovu usayine sivumelwano sekusebentisana namaspala we Longnan eveni le China lesitawusebenta iminyaka lesihlanu.  Ngekusho kwelihhovisi laNdvunankhulu, lesivumelwano sifaka ekhatsi umkhakha wetetimboni, tekulima, takhiwonchanti, tekuvakasha nalokunye. Simeme libamba lalokhulumela hulumende waseMpumalanga Zibonele Mncwango.

Litiko letemphilo kulesifundza seMpumalanga lecwayisa ngematfuba ekubhedvuka kwesifo sencubulunjwane kulesifundza. Sikhulumisana na-Euginah Mashabane lophuma etikweni letemphilo kulesifundza seMpumalanga.

I Ningizimu Afrika ikugceke kakhulu lokuhlaselwa kwebantfu phaca kulokungcubutana lokusemkhatsini kwe-Iran ne-Israel, lesekungene elangeni lesitfupha. Sikhulumisene nemhlatiyi wetindzaba temave emhlaba, Umnumzane Thulisa Ndlela. 

Kulindzeleke ibanjwe namuhla inkonzo yesikhumbuto yentsatseli leyanyamalala nesingani sayo, bagcine batfolakala sebashonile. Sibusoso ndlovu kanye nemlingani wakhe Zodwa Mdluli banyamalala mhla tili-18 i-Ndlovana kulomnyaka. Sikhulumisana nentsatseli ye SABC Calvin Dludla kutositjela kabanti ngaloludzaba.

Litiko letekutfutfukisa tenhlalo ku;lesifundza seMpumalanga livakalise kukhatsateka ngekwenyuka kwesibalo sebantfu labasha lebaphila ngetidzakamiva. Sicocisana na-Isabel Makhushe lophuma kulelitiko.

Mengameli wase Melika Donald Trump sewutishaye ngenhlanekela tinsolo letitsi ushiye umhlangano we G7 wabuyela ekhays kwentele kutsi atewukhona kuhlanganisa sivumelwano sekubeka tikhali phansi kulemphi lesuke emkhatsini we Iran ne Israel. Kutfola kabanti kutsi ingabe yini lesingayilindzela kulemphi yalamave lamabili simeme solwati ngetembangave Njingalwati Bhekithemba Mngomezulu.

 Litiko letemfundvo lakulesifundza seMpumalanga litsi selime ngemumo kusingatsa bafundzi bakamatikuletjeni labangetulu kwa-23 034 etifundvweni tasebusika letiyocala mhlaka tingema-30 kulenyanga ye-Nhlaba kudzimate kube ngumhla ka-18 ku-Kholwane. Simeme lokhulumela litiko letemfundvo kulesifundza, Umnumzane Jasper Zwane kutococa ngalendzaba.

Lisekela lamengameli Paul Mashatile utsi lusha lwakulelive kumele libuke tindlela tekuticalela  emabhizinisi kunekulindza kucashwa. Mashatile bekakhuluma emcimbini wekubungata lilanga lebantfu labasha lebewubanjelwe e Potchefstroom eNorth West. Kwenaba kabanti ngalenkhulumo simeme mengameli we-South African Chamber of Commerce, Advocate Mtho Xulu.

Indvuna yetemfundvo lephakeme  Dr. Nobuhle Nkabane icele kwelulelwa sikhatsi sekwetfula emabito elitsimba bekalitfume kutsi liyocoka emalunga ebhodi ye-SETA.  Kutfola kabanti ngaloludzaba simeme lilunga leDA kukomiti lebukele temfundvo lephakeme ephalamende, Karabo Khakhau.

Labanye bahlatiyi betembangave batsi lohulumende lobusa ngekuhlanganyela kulelive (GNU) abengeke akhone kutilungisa ngemnyaka munye tinkinga letibukene nalelive. Lohulumende welubanjiswano bewuhlanganisa umnyaka wasungulwa ngemphelasontfo. Sicocisene nemhlatiyi wetembangave, Umnumzane Sandile Swana.

Emaphoyisa e Masoyi nggaseHazyview kulesifundza se Mpumalanga aphenya licala lekubamba inkunzi. Loku kuta ngemva kwekutsi basolwa labasihlanu bangene esontfweni lase Numbi batsatsela bazalwane imali, bomakhalekhikhini nemoto yemfundisi. Simeme lokhuoumela emaphoyisa esifundza Colonel Jabu Ndubane

Tibalo letikhishwe lihhovisi letibalo kukota yekucala yalomnyaka, tikhombisa kutsi bangu-59.6 % bantfu labasha labangasebenti kulelive. Njengoba lelive libungata lilanga lensha namuhla, labanye bantfu labasha babonakala banganawo umdlandla wekugubha lelilanga ngenca yekuswelaka kwematfuba emsebenti. Kubuka lemsimo sikhulumisana namabhalane wenhlnagno yetifundziswa i-SA Association of PHDs, Dr Bong...