Ligwalagwala FM Current Affairs

Umphatsiswa welitiko le COGHSTA kulesifundza se Mpumalanga MEC Speedy Mashilo utsi sebabite umhlangano lophutfumako nebhodi leyaba imincele kuleli kulandzela umbhikisho wemalanga lamabili lomise kusebenta kwetintfo kuleyandzawo. Bahlali baseMjindi bangenele umbhikisho bakhala ngesincumo salebhodi sekubagcina ngaphansi kwamasipala we City Of Mbombela kulandzela kuhlaganiswa kwalabomasipala lababili...

Telamani letimbili tivule sikolo lesifundzisa kuhlamba lesibitwa nge-Onalewaters Swimming Academy, eMluti kaDaantjie ePienaar. Kubungata lenyanga yalabasikati sibone kukuhle kutsi sikhulumisane nemcondzisi walesikhungo, Debra Mgwenya.

Emaphoyisa aseSwatini adubule abulala lababili lebasolwa ngekubulala liphoyisa laseSchoemansdal eNkomazi, kulesifundza seMpumalanga, Dumisani Mtsweni.  Mtsweni wabulawa ngalesikhatsi aphutfumela sehlakalo sekubamba inkunzi libhizinisi lekhona endzaweni yaseSchoemansdal. Lokhulumela emaphoyisa aseSwatini Phindile Vilakati utsi labasolwa bavinjetelwe emtini bebabhace kuwo esigodzini saka-Hhohho...

Seyicalile lengcungcutsela yelenuke temanti kulelivekati leAfrica, lebitwa nge African Union Water Investment Summit 2025 lebanjelwe e Kapa. Baholi bemave labahambele lombutsano babonisana ngetindlela tekulungisa lesimo sekuswelakala kwemanti kulelivekati lase Afrika. Kutfola kabanti ngalengcungcutsela, sikhulumisana nelisekela lendvuna yemanti nekuhlanteka kulelive, David Mahlobo.

Kucocisana kwesive, i-National dialogue kulindzeleke kucale kusasa, ngenjongo yekutsi bantfu bakulelive bakhulumisane ngetintfo leticomka letitsintsa simonhlalo kanye nangetinsayeya letibukene nelive. Kubuka kutsi yini lengaka ngalokucocisana kwesive, sicocisana nemcwaningi lokhona lapha egunjini letindzaba ka-SABC, Zinziswa Mani.

Mengameli weOperation Dudula, Zandile Dabula utsi batawuchubeka nemkhankaso wabo wekuphikisana nekwelashwa kwebantfu bangaphandle lebanganamvumo yekuba kulelive etikhungweni tembuso.

Lihhovisi laka-Eskom kulesifundza seMpumalanga litsi lisemkhankasweni wekuntjintja tigubhu tagezi letindzala (SPU) kufakwe letisebentisa bucwepheshe besimanje manje (Smart Metering). Loluhlelo lucalwe endzaweni yase-Delmas. Kutfola kabanti ngalomklamo sicocisana nalokhulumela i-Eskom kulesifundza se-Mpumalanga, Umnumzane Saulos Magongo.

 Inkantolo yamantji e-Tsakane incabele ibheyili ummangalelwa loneminyaka lengema-39 losolwa ngekugagadlela aphindzelela indvodzakati yakhe lebeyineminyaka leli-15 nakucala kwenteka, nalowagcine ayikhulelisile.  Kuva kabanti ngalendzaba sikhulumisana nentsatseli beyihambele lelicala Horisani Sithole kanye nasonhlalakahle Tshepo Mokganedi.

Sincumo seMelika sekukhuphula intsela yemikhicito lengena kulelalive ngemaphesenti langema-30 singahle sitsikamete imikhakha leminyenti, lefaka ekhatsi lokhicita emakhambi etekwelaphga. Kubuka umtselela walesincumo emkhakheno lofana newetemphilo nekukhicitwa kwemakhambi etekwelapha, simeme mabhalane jikelele wenhlangano i-South African Medical Association Trade Union (SAMATU) Dr Cedric Sihlangu.

Hulumende wakulelive utsi usabuka letinye timakethe langakwati kutfumela kuto imikhicito yakhe kulandzela lokwenyusa kweMelika nga30% intsela yemikhicito lengena kulela ichamuka kuleli. Kutfola ngalemitamo yahulumende asamukelea lisekela lemcondzisi jikelele lelibukele tekuhwebelana nekutfutfukiswa kwemnotfo etikweni letekuhweba netimboni kuleli, nalophindze abe sitfunywa etinkhulumweni tekuhwebel...

Emaphoyisa akulesifundza seMpumalanga abika kutsi asaphindzilita emibuto umfati loneminyaka lengemashumi lamatsatfu nakutsatfu budzala kulandzela kutfolakala kwesidvumbu sendvodza leneminyaka lengema-37 eErmelo itolo ebusuku.  Kutfola kabanti ngalesigameko elucingweni sichumana nalokhulumela emaphoyisa akulesifundza seMpumalanga. Brig. Donald Mdlhuli.

 Lehhopvisi letibalo kulelive likhulule tibalo letikhombisa kwenyuka kwesibalo sebantfu labangasebenti kulelive sisuka ku-32.9 % taya ku 33 %. Kukhuluma ngaletibalo takamuva asemukele somnotfo Lunga Mahlaba lovela ku-Inkunzi Wealth Group

Likhansela lakumasipala wase-Mjindini, Njabulo Mkhonto ukucinisekisile kutsi lombhikisho lotsetse emalanga lamabili sewuphelile njengoba klunetinkhulumo letichubekako ngasese. Mkhonto utsi umphakatsi ufuna litiko lakaCOGHSTA kanye nebhodi leyaba imincele kutewuchazela kutsi bafike njani kulesincumo sekungahlukanisa Umjindi namasipala waseMbombela.

Lokhulumela inyuvesi yaseMpumalanga, Tlangelani Ubisi utsi kutawubitwa bonke labatsintsekako ekubhadaleleni bafundzi tindleko tekufundzi kuze kutewuboniswana ngendzaba ekubhadalwa esandleni kwabosomatekisi lebatfutsa bafundzi kulenyuvesi. Loku kuta ngemuva kwekutsi bosomatekisi lebatfwala bafundzi bakulenyunivesi, i-University of Mpumalanga, bavale umgwaco longena kulesikhungo.

Umholi we-DA, John Steenhuisen utsi abavumelani nalesiphakamiso lesitsi kumele kuengetwe letinye tinhlangano kulohulumende we-GNU. Loku kuta ngemuva kwekutsi iANC iphakamise kutsi kungetwe letinye tinhlangano kulohulumende weGNU. Umhlatiyi wetembangave Njingalwati Bheki Mngomezulu usubungula kabanti ngalomshado weGNU.

Inyonyana i National Union of Mineworkers (NUM) iwushaye ngenhlanekela umbiko weliphephandzaba langelisontfo lotsi seyilacate phansi i-ANC njengoba kuyiwa elukhetfweni lwabohulumende basekhaya kulomyaka lotako. Lombiko utsi  i-NUM itsi angeke ikhankase ngekubambisana ne ANC kulolukhetfo. Kuva kabanti  kutsi ngutiphi tincumo letitsetfwe ngulenyonyana mayelana nelukhetfo lwabohulumende bas...

Namuhla kubikwe kutsi bekungangeneki futsi kungaphumeki e-Barberton ngenca yembhikisho wetakhamuti letitsi tifuna kuphuma ngaphansi kwamasipala waseMbombela. Masipala longasekho weMjindi wahlanganiswa namasipala waseMbombela nga-2016, kantsi kuleliviki leliphelile ibhodi leklaya imincele yabomasipala incume kungabehlukanisi labomasipala. Kuyibuka lendzaba yalombhikisho wetakhamuti, sichumana nalok...

Babalelwa ku 45 000 babanjwa labakhululwe nge parolee kulolonke lelive le Ningizimu Afrika. Kantsi njengendlela yekuhlola kutsi lababanjwa bayahambisana nemigomo lebekiwe yekukhululwa nge parole, Nkomishana wetemajele Makgothi Thobakgale uvakashele labanye babo bangakalindzeli e Polokwane esifundzeni sase Limpopo. Simeme lokhuoumela litiko letekuvuselelwa kwesimili, Singabakho Nxumalo, kutewuva ng...

Uyacala namuhla umhlangano welishumi nakubli we Tax Indaba. Lomhlangano wemalanga lamabili uhlose kukhuluma kabanti ngetindzaba letitsintsa intsela nalabo labanelwati kulomkhakha wekukhokha intsela. Simeme Keitumetse Sesana lolibamba lelisekela lemphatsi we- South African Institute of Taxation  kutochaza kabanti ngalomhlangano

Umphatsiswa welitiko letekuphepha kwemphakatsi kuvikeleka nekuchumana eMpumalanga, Jackie Macia, utsi balibhekisa eSchoemansdal kumasipala weNkomazi namuhla kuyohlanganisa emehlo nemndeni waleliphoyisa lelidutjulwe labulalawa kuleyandzawo. Macia uphindze wacela bashayeli kutsi bacaphelisise nabahamba emgwacweni kulandzela kushona kwebantfu labatsatfu engotini letintsa timoti letinyenti lapho kuhlu...

Lelinye lemabhange lamakhulu kuleli likhiphe umbiko lomayelana nekwenyuka kwesibalo sebantfu lebatsenga kudla lokuphekiwe etitolo pheceleti ema-take aways. Lombiko utsi bantfu labahola imali lengu-60 000 bacitsa cishe inkulungwane yemaRandi ngenyanga kutsenga lokudla besekutsi labo lebahola imali lengu-20 000 bavame kusebentisa R467 ngenyanga. Umsunguli wesikhungo lesicwayisa ngekulndvolotwa kwema...

Inhlangano iSourthen African Freelancers' Association (Safrea) itsi usasemkhulu umsebenti wekucinisekisa kusekelwa nekumelela labasebenta ngekutimela kulesigodzi lesisentansi neAfrica. Sihlalo we-Safrea, Nathi Gule utsi kunyenti bantfu labangakuzuza ikakhulukati ema-freelancers ngekujoyina lenhlangano.

Namuhla lelive litawube libambe imicimbi yekubungata lilanmga labomake. Umcimbi wavelonkhe wekubungata lelingana utobanjelwa enkundleni yetemidllao eNkowankowa, eTzaneen esifundzeni sase Limpopo lapho kulindzeleke mengameli Cyril Ramaphosa, kutsi  etfule inkumo yelusuku. Kantsi nalesifundza se Mpumalanga sitawube sibambe waso umcimbi wesifundza e Sydney Choma Banquet Hall, eMiddelburg. Kepha...

Inhlangano lebuke kusebenta kwemaJaji, iJudges Matter itsi lokucokelwa esikhundleni selisekela lenhloko yemajaji akuleli, kwa-Jaji Dunstan Mlambo, kutawuhlomulisa kakhulu tebulungiswa kulelive.  Sicocisana naye Deputy Chief Justice Mlambo.

Umcondzisi jikelele wetindzaba temvelo kulesifundza seMpumalanga uchaza kabanti ngemcimbhi wekuklomelisa labo labafaka sandla ekongeni imvelo