Ligwalagwala FM Current Affairs

Umbhali wemabhuku ebantfwana Refiloe Mohlaoli ukhutsata batali kutsi bacinise sandla ekucinisekiseni kutsi bantfwana bayafundza.

Inhlangano iNot-In-My-Name, ivakalise kukhatsateka ngekwandza kwemibiko yebubheva lobenteka etikolweni takulelive. Sicocisana namabhalane jikelele walenhlangano, Themba Masango.

Njengoba leli kuliviki lekugcugcutela kumunyisa tinswane libele emhlabeni wonkhe, litiko letemphilo kulelive livakalise kukhatsateka ngekwehla kwelinani labomake lebamunyisako. Kukhuluma ngalendzaba, sicocisana na Bonginkosi Nkosi loyi-Dietitian etikweni letemphilo eMpumalanga.

Umphatsiswa welitiko letekutfutfukiswa kwemnotfo netekuvakasha eMpumalanga, Jesta Sidell utsi njengoba asasemusha kulelitiko, usalandzela tinhlelo temtsetfo kuze kucinisekiswe kwetfulwa kwalombiko weluphenyo belubuke inkhohlakalo lekusolwa kutsi yenteka ka-MTPA.

Lisekela lemholi wenhlangano ye-DA kulesifundza seMpumalanga Trudy Grove Morgan utsi batawuvulela licala bonke labo lebakhonjwa ngumbiko weluphenyo belubuke inkhohlakalo ku-MTPA nangabe hulumende wesifundza noma ibhodi yalesikhungo bangeke batsatse tinyatselo kungakapheli tinsuku letili-14.

Sikhulumisana namengameli weAmerican Chamber of Commerce in South Africa Kuseni Dlamini mayelana nekukhushulwa ngemaphesenti langema-30 kwentsela yemikhicito lesuka kuleli itfunyelwa eMelika.

Lokhulumela emaphoyisa esifundza seMpumalanga Brigadier Donald Mdhluli usitjela takamuva mayelana nekuboshwa kwebavukuti labangekho emtsetfweni emayini yegolide iSheba ngaseBarberton.

Inyonyana yetisebenti tasemayini iNUM isola imayini iSheba lese Barberton kulesifundza iMpumalanga ngekwehluleka kuvikela tisebenti tayo emgodzini. Loku kulandzela kuboshwa kwebavuti labangekho emtsetfweni  lebangetulu kwema-500 kulemayini kusukela ngaLesihlanu lowengcile. Sikhulumisana namengameli wenyonyana i-NUM Philip Vilakazi 

Inhlangano lengasebenteli inzuzo i Young African Entrepreneurs Institute ("YAEI") isukumise  umkhankaso wekuhlomisa bantfu labasha ngemakhono ngenhloso yekutsi bafake sandla ekusombululeni tinsayeya tesimo-nhlalo ngekuphonsa esivivaneni etinhlelweni tekutfutfukisa umnotfo walelive. Kuva kabanti ngalomkhankaso sicocisene na Zenaye Skosana lokhulumela i YA-EI

Lomfundzi loshonile wasenyuvesi yase Stellenboch esifundzeni sase Nshonalanga Kapa kutfolakele kutsi ubulelwe sifo lesibitwa nge meningococcal meningitis ( menengokal menenjaythis).  KLukhuluba kabantyi ngalesifo, simeme dokotela Sifiso Nxumalo.

Umphatsiswa welitiko le-COGHSTA Speedy Mashilo utsi hulumende usetinhlelweni tekucedza tindlu tetjeboya kulesifundza nanobe kusatawutsatsa sikhatsi.

Mengameli wenhlangano iOperation Dudula, Zandile Dabula utsi kukhishwa etikolweni kwebantfwana bebantfu labachamuka ngaphandle labanganamaphepha ekuba kulelive kutawucala ngenyanga yeNgongoni.

Umbiko welucwaningo lolwentiwe sikhwama se Localisation Support Fund uveta kutsi batsengi labanyenti basebentisa kakhulu titolo ta online tase China, lesekufaka incindzetelo emnotfweni wakuleli futsi kulahlekisela labanyenti umsebenti. Kutfola kabanti ngalendzaba sikhulumisana nasomnotfo Lunga Mahlaba.

Sifiso Nobela longumphatsi lomkhulu weMpumalanga International Film Festival utsi umbukiso walomnyaka utawugcila kakhulu kuma-film abomake lekufaka ekhatsi kukhuluma ngetinsayeya letibukene nalabasikati njengekuhlaselwa nekuhlukunyetwa.

Hulumende walelive utsi uyachubeka nekukhulumisa nelive lase Melika mayelana nalesincumo salo sekufaka intsela lengemaphesenti langema-30 kumikhicito lesuka kuleli itfunyelwa kulelalive. Lokwenyuka kwalentsela kungahle kuholele ekulahlekeni kwemisebenti emikhakheni lefaka ekhatsi yetekulima neyekwakhiwa kwetimoti. Indvuna yetebudlelwane nemave emhlaba Ronald Lamola utsi ngetulu kwekuchubeka bakhul...

 Inhlangano lesita bantfu lababukene nelutfutfuva lwasemakhaya i-National Shelter Movement of South Africa (NSMSA) isola emaphoyisa ngekwehluleka kuvikela labatsandzanai nemaphoyisa nakukhona kungevani. Loku kuta ngemuva kwekutsi kube neliphoyisa lelisolwa ngekudubula libulale make wemntfwanalo, labese nalo liyatidubula. Sicocisene nalomelele lenhlangano iNational Shelter Movement of South Af...

Umkhandlu wetifundza i National Council of Provinces (NCOP) bewuuhlangene naNkhomishana wemaphoyisa KwaZulu Natal, Lt-Gen Nhlanhla Mkhwanazi, kuyawubhunga kabanti ngetingcinamba letibukene nemaphoyisa.  Sicocisana nasosiswebhu we NCOP esifundzeni sa KwaZulu Natal, Umnumzane Mzamo Billy.

Litiko letekulima, kutfutfukisa tindzawpoo tasemakhaya, temihlaba kanye netemvelo eMpumalanga lisukumise luhlelo lwekusita bafuyi lolwatyiwa ngeMasibuyele Esibayteni. Umcondzisi wekutfutfukisa tekufuya kulelitiko Zanele Mpangane uyasichazela ngaloluhlelo.

Umphatsiswa welitiko letemphilo kulesifundza seMpumalanga Sasekane Manzini usole kakhulu kuhlaselwa kwetisebenti tetemphilo emtfolampilo iMorapedi Community Health Center kumasipala weGoven Mbeki. Manzini utsi kutawumiswa kwesikhashana kusebenta nasebusuku kwalomtfolamphilo.

Bagcine bashonile labantfu labasikati lababili lekusolwa kutsi bashiselwe ekamelweni belikhiyiwe eMalahleni, kulesifundza se-Mpumalanga. Kuboshwe singani samunye walabodzadze kantsi ngekusho kwemaphoyisa sesitawubukana nemacala lamabili ekubulala. Inhlangano lelwa nekuhlukunyetwa kwabomake i-Sekwanele Mama Foundation ivakalise kudvumala ngalesigameko lesihlasimulisa umtimba. Lokhulumela lenhlangan...

Lokhulumela inyonyana iCOSATU Zanele Sabela ukhala ngekutsi kungahle kulahleke imisebenti lemi nyenti ngenca yalokwenyusa ngemaphesenti langema-30 kwentsela yemphahla yakuleli lengena eMelika.

Mengameli Cryil Ramaphosa utsi tinhlangano letili-10 letisakhiwo sahulumende welubumbano iGNU tisahlangene...,

Inhlangano yebavukuti basetimayini i National Association of Artisanal Miners (NAAM) itsi ayivumelani nalokuboshwa kwalabo labasolwa ngekuvukuta etimayini ngalokungekho emtsetfweni lapha e Barberton. Kodvwa kuva kabanti kutsi kungani asamukele lokhulumela iNAAM, Zethu Hlatshwayo.

Emaphoyisa akulesifundza seMpumalanga atsi bacishe babe ngemakhulu lasihlanu bavukuti labangekho emtsetfweni lebaboshwe emayini eSheba ngaseBarberton kuleliviki leliphelile. Kutfola takamuva ngalesehlakalo, sicocisane nalokhulumela emaphoyisa alapha eMpumalanga Brigadier Donald Mdhluli.

 Mabhalane jikelele wenhlangano  yeMakomanisi, i-SACP, Solly Mapayila wetfule inkulumo lekhetsekile embutsanweni wekugubha iminyaka lelikhulu nakune kwasungulwa lenhlangano. Sikhulumisana naye Umnumzane Mapaila losichazela ngendzima ledlalwe yiSACP ekwenteni ncono imphilo yebantfu bakulelive.