Ligwalagwala FM Current Affairs

Lokhulumela sikhungo iSASSA kulesifundza seMpumalanga Senzeni Ngubeni utsi batawubatsatsela tinyaselo temtsetfo labo labantjontjela bantfu lebahola sibonelelo sahulumende imali yabo.

Mengameli wenhlangano yebaholi bendzabuko iCONTRALESA, Kgosi Mathupa Mokoena utsi sesindze sikhatsi hulumende anganaki tikhalo tabo. Mokoena ufunge wagomela kutsi batawutsatsa tinyatselo letibucayi nangabe hulumende angatifezi tetsembiso takhe.

Litiko letekutfutfukisa tenhlalakahle eMpumalanga litsi kuvamile kutsi bantfu labadzala bagcine sebahlala bodvwa ngemakhaya lekubenta babe sengotini yehlukumeteka kanye nekuhlaselwa tigebengu. Lotosichazela kabanti ngatinseyeya letibukene nebantfu labadzala ngumcondzisi weligumbi lelibukele timphunga tahulumende etikweni letekutfutfukisa tenhlalo kulesifundza seMpumalanga, Nonhlanhla Mahlalela.

 I-Education Labour Relations Council (ELRC) itsi yetsemba kutsi luhlelo lwekucinisekisa sibalo sabothishela nebafundzi labakhona etikolweni takulelive lutawuphotfulwa ngenyanga yeMphala. I-ELRC iniketwe umsebenti wekuyophenya matfupha etikolweni kuze kulwiwe nalomkhuba wekubhadala tipoko (ghost workers) kanye nalokunye lokubhoke emkhakheni wetemfundvo. Sicele mabhalane weELRC Dr Nolusindiso...

Likomishana letekuncintisana kulelive selilyendlulisele enkantolo yemtsetfosisekelo licala  lemabhange lamakhulu akulelive lasolwa ngekubambisana ngandlelamnyama ekuwiseni emandla eli-randi kute ahlomule ngenzuzo. Kuyibuka ngeliso lelibukhali lendzaba, sikhulumisana nemhlatiyi wetemnotfo lotimele Umnumzane Khaya Sithole.  

Umphatsi  lomkhulu wesikhungo iWholesale & Retail Sector Education and Training Authority (W&RSETA) Tom Mkhwanazi utsi bavakashele lesifundza seMpumalanga kutewucocisana nabo bonkhe lebatsintsekako kulomkhakha lebafaka ekhatsi nebafundzi lebabalekelela ngetiumali etikhungweni temfundvo lephakeme.

Nanoma buchwepheshe sebutfutfuke ngendlela lesimanga kepha kutfwebula titfombe kusas eyincenye lenkulu emphilweni yebantfu. Titfombe tiyibeka ivakale kalula indzaba kwendlula emagama, futsi tiyasita kulondvolota tikhatsi longafuni kutikhohlwa empilweni. Njengaba namuhla umhlaba wonkhe  ugubha lilanga lekutfwebula titfombe i World Photography Day, sicocisene naMandla Khoza, loyintsatseli yelip...

Hulumende wase DRC nelicembu lemadzelakufa le-M23 bafinyelele sivumelwaneni lesisengakasayinwa ngenhloso yekucedza lemphi lese-Mphumalanga yalo lelive le DRC. Lesimemetelo sentiwe tiphatsimandla tase Qatar lekungibo labahola letinkulumiswano emkhatsini kwe DRC ne M23. Kukhuluma ngaloludzaba simeme umhlatiyi wetindzaba temave emhlaba, Thulisa Ndlela.

Lomunye wabosihlalo be National Dialogue Eminent Persons Group, Tinyiko Maluleke utsi kufika kwebantfu labanyenti ku National Convention ngemphelasontfo, kukhombisa kutsi bantfu bayitsatsela enhloko indzaba yelikusasa lalelive. Lomhlangano wokwendlalela loluhlelo lwekucocisana kwesive, iNational Dialogue, bewubanjelwe eUNISA ePitoli. Kwenaba ngaloludzaba simeme lomunye wabebahlelembisi beNational...

Inhlangano yematekisi iSouth African National Taxi Council (SANTACO)  iyayicitsa lemibiko legcwele etinkhundleni tekuchumana letsi lenhlangano isemkhankasweni wekuvimba timoti letincane, yehlise bantfu labagibele kuto. Kuyiva kahle lendzaba sicocisana nalokhulumela i-SANTACO Rebecca Phala

Mengameli walelive le Ningizimu Afrikca Cyril Ramaphosa wetfule umkhandlu lobitwa nge Global Water Investment Council. Kukhuluma ngaloludzaba, sicocisana nemcondzisi lobuke kusetjentiswa kahle kwemanti etikweni letemanti nekuhlanteka, Xolani Hadebe.

Bahlali baseMjindi bebabitelwe emhlanganweni wemphakatsi itolo kutobonisana ngetinkinga letitsintsa leyandzawo. Loku kulandzela kubanjwa kwembhikisho lonelutfutfuva lapho bekuvalwe imigwaco ngematje, kungangeneki futsi kungaphumeki eMjindi kuleliviki leliphelile njengoba bafuna kutsi lendzawo yehlukaniswe namasipala we City of Mbombela.  Sikhulumisana nalomunye webahleli balomhlangano lophind...

Kulamalanga sekuvamile kutsi kutfolakale imibiko letsi umuntfu ulele angumcemane kepha wangasavuki ekuseni, sekashonile. Labanye bodokotela bahlawumbelisa kutsi tinyenti tifo letingabanga loku letifaka ekhatsi sifo senhlitiyo. Sikhulumisana nadokotela Eric Khumalo 

Esigabeni setfu sekucubungula emabhuku, namuhla sikhuluma ngelibhuku lelibhalwe nguGideon Khoza lelinesihloko lesitsi "Hope in the Modern Chaos." 

Mengameli Cyril Ramaphosa umemetele ngalokusemtsetfweni mhla lulunye kulenyanga lesetulu kutsi utawucala kusebenta nakutfwasa inyanga ye-Ngongoni lonyaka lomtsetfo lohlose kujezisa bashayeli betimoti lowatiwa nge-Administrative Adjudication of Road Traffic Offences Amendment Act (AARTO). Simeme lomunye webaphatsi labasetulu ehhovisi lemaphoyisa emgwaco eMpumalanga, John Nkuna kutosichazela ngalomt...

Namuhla kuhlangana minyaka leli-13 kwabulawa tisebenti tasemayini iLonmin eMarikana kanye nemaphoyisa esifundzeni sase North West. Sikhulumisana nemholi wenyonyana iAMCU Joseph Mathunjwa ngalesehlakalo. 

Kuboshwe bantfu lebangetulu kwema-800 eSoweto kusukela ngaLwesihlanu luphiko lemaphoyisa emkhankaso weOperation Shanela. Lebaboshiwe babukene netinsolo letifaka ekhatsi lutfutfuva lekuhlukumeta kanye netidzakamiva. Bangetulu kwema-30 lebete timpepha letibagunyata kuba kulelive kanye nebanikati betindzawo tetjwala letingekho emtsetfweni lebaboshiwe. Nkomishana wemaphoyisa eGauteng Tommy Mthombeni u...

Mengameli weAMCU Joseph Mathunjwa usola bahleli beNational Convention ngekuyibeka ngempelasondvo lecondzene nekukhumbula sibhicongo saseMarikana. Mathunjwa bekakhuluma kumbutsano wekubungata iminyaka leli-13 eMarikana dvute neRustenburg eNorth West itolo. ....,

Sicocisana nasihlalo weChief Albert Luthuli Foundation, Mthunzi Luthuli mayelana nekuphuma kwabo kuloluhlelo lwekubanjwa kwetinkhulumo tesive letihlose kubuka tisombulula tetinkinga letibukene neNingizimu Africa.

Umholi wenhlangano yebaholi bendzabuko iCONTRALESA, Kgosi Mathupa Mokoena utsi mengameli Cyril Ramaphosa wente liphutsa ngekufuna kuba lihamba embili kuloluhlelo lwekucocisana kwesive ngenhloso yekufuna tisombululo kuletinsayeya letibukene nalelive.

Inkantolo yamantji Kabokweni kulesifundza se-Mpumalanga ilihlehlisile licala lekubulala lelibekwe Mluleki Nkosi (30). Nkosi ubekwe licala lekubulala dzadzewabo Sibongile Nkosi (47). Kusolwa kutsi wakhomba emaphoyisa lithuna lelingashoni ebaleni lemuti lapho abegubhele khona lodzadzewabo. Motsebe wa Monareng uyasibikela.

Umfundisi wase-Kimberley lobekwe licala lekushaya abulale inkhosikati yakhe ngendvuku yekudlala i-hockley, unc ishiwe ibheyili nakavele enkantolo yamantji. Umbuso utsite Mosimanegape Kgadiete (43) wehlulekile kubeka tizatfu letiphatsekako tekutsi aniketwe ibheyili.  Tebogo Msimanga na-Vusi Shongwe basihlanganisele lombiko. 

Takhamuti tase-Dundonald nase-Glenmore kulesifundza seMpumalanga bafuna hulumende angenelele njengoba tikhala ngekususwa ngenkhani emhlabeni wato. Letakhamuti tisola Shifu Vusi Nhlapho wemkhandlu webukhosi baka-Mpisikazi, ngekutsi utimuka umhlaba wato bese uwutsengisela bangaphandle labanemali. Intsatseli yetfu Michael Mdluli usihlanganisele lombiko.

 Litiko letemfundvo eMpumalanga litsi kunemfundzi logwaze wabulala lomunye umfundzi labafundza naye GHrade 8 esikolweni lesiKwamhlanga kumasipala weThembisile Hani. Lokhulumela litiko letemfundvo Jasper Zwane uyasichazela.

Sati ngetindzaba temvelo, Ncaba Myeni utsi lokugeletela kwendle emfuleni lowendlula emapulazini ngaseWhite River kulesifundza seMpumalanga, kungahle kube yingoti ebantfwini. Myeni utsi bantfu kumele bacinisekise kutsi emanti labawanatsako ahlobile futsi akulungele kunatfwa.