Ligwalagwala FM Current Affairs

Likomidi lelibukele temphilo ephalamende livakalise kukhatsateka ngekubambeleleka kwekwakhiwa kwesibhedlela lesinsha eMapulaneng eBushbuckridge, kulesifundza seMpumalanga. Mthobisi Mkhaliphi uyasibikela... 

Inhlangano yabohulumende basekhaya kuleli i-South African Local Government Association (SALGA) seyente lubito lwekutsi kuntjintjwe indlela lekwelekelelwa ngayo bomasipala ngetimali. Lenhlangano itsi lemali lengu 10% leyabelwe bomasipala ayikeneli kuhlangabetana netidzingo temphakatsi. Kukhuluma kabanti ngalendzaba asemukele mengameli weSALGA, Umnuzane Bheki Stofile.

INTRO: Ibhodi lebuke kusetjentiswa kwetilwimi kulelive i-PanSALB seyisukumise umkhankaso lobitwa nge-Language Activism Campaign njengencenye yekukhutsata kusetjentiswa kwelulwimi lwelibele. Ngekusho kwePanSALB lomkhankaso uhlose kukhutsata kucocisana kwesive kanye nekwesekela tinjongo te-International Decade of Indigenous Langauges, letibophelele ekuletseni lubumbano nekuvana emiphakatsini. Kepha...

Emaphoyisa esifundza seMpumalanga bekamatasatasa kulemphelasontfo lesiphuma kuyo, njengobe kudzingeke ayotakula bantfu lebebadvwe tinhlanti edamini lapho bashaywe ngumbane kwashona munye. Sicocisana nalokhulumela emaphoyisa esifundza Colonel Jabu Ndubane.

Umndeni waseNkomazi ufuna kubona kwenteka bulungiswa kulandzela tinsolo letitsi babe wentfombatana leneminyaka lengema-24 nakune uyigagadlele sikhatsi lesidze isakhula kantsi nyalo kusolwa kutsi sewugagadlela nemtukulu wakhe. Motsebi wa Monareng uyasibikela..

Bosolwati bagcugcutela bantfu kutsi babuke letinye tindlela tekucosha likati etiko njengoba ematfuba emsebentini ayindlala kulelive. Sikhulumisana na-Memory Mamba loyi-Life Coach kutochushisa bantfu ngetindlela labangatilandzela kwetama kucosha indlala.

Bahlali base-Mooiplaas ngase-Lukwatini batsi sebafile kuhlushwa tindlovu letifohla esiciwini setinyamatane i-Songimvelo.  Motsebi wa Monareng uyasibikela

Sewesulile kulesikhundla sakhe lokhulumela inyonyana i-NUMSA Phakamile Hlubi Majola. Hlubi Majola usula ngesikhatsi lapho lenyonyana itilungiselela inkomfa yavo yavelonke lekulindzeleke  ibanjwe ngasekupheleni kwalomnyaka. Kuyibuka lendzaba simeme solwati wetindzaba tetisebenti Bukani Mngoma.

Sigcawu lebesiholwa lijaji leselatsatsa umhlalaphasi, Jaji Bernard Ngoepe, sitfole mengameli wemajaji e- Mpumalanga Kapa Selby Mbenenge ete licala lelingenta kutsi alahlekelwe ngumsebenti. Mbenenge bekasolwa ngekuhlukumeta ngekwelicasi mabhalane wakhe waphambilini Andiswa Mengo. Utfolwe nelicala lekutsi waba nebudlelwane na Mengo ngekumtfumela imilayeto ngetemacasi. Kusibuka kabanti lesincumo, sik...

Bosolwati ngekutiphatsa kwetisebenti emsebentini bacwayisa ngekutsi nangabe ufake sicelo sekufuna umsebenti kubalulekile kwati kabanti ngalenkapani lofuna umsebenti kuyo, kufika ngesikhatsi nawubitelwe i-interview kanye nekugcoka ngendlela lezitsiule nawubitelwe i-interview. Simeme Patricia Mathabela longumcondzisi wenkapani lebukene netekucashwa kwebantfu kanye nekusentjetiswa kwetimali i-Mewaka...

Sikhulumisana nadokotela wemehlo, Dr Xolisile Zungu ngesifo se-Glaucoma. 

Namuhla eluhlelweni lwetfu simeme umphatsiswa wetemisebenti yesive, temigwaco netekutfutsa, Thulasizwe Thomo kutewukhuluma kabanti ngeluhlelo lekutfutswa kwebafundzi, i-scholar transport.

Esigabeni setfu sekucubungula emabhuku namuhla sikhuluma  ngelibhuku lelibhalwe nguBrenda Nomusa Molefe lelitsi "Relationships with Strings Attached."    

Hulumende wesifundza seMpumalanga utsi uyachubek nekutfolela umsebenti losemtsetfweni labo lababita ngema-crime prevention wardens. Kutosichazela kabanti ngaloluhlelo, simeme umphatsiswa wetekuphepha kwemphakatsi, kuvikeleka kanye nekuchumana Jackie Macia.

Inyuvesi yaseMpumalanga itsi seyisisongile lesigaba sekuphendvula bonke bafundzi labatawube benta umnyaka wekucala kulonyaka. Igcizelele kutsi akukavunyelwa kutsi kube nalabatitela matfupha kutofaka ticelo (walk-ins). Sikhulumisene nalibambela lalobuke kubhaliswa kwebafundzi kulenyuvesi yaseMpumalanga Nokukhanya Shongwe.

Inhlangano yemaJuda lakulelive leNingizimu Africa seyivakalise kudvumala nekushaceka ngalesincumo sahulumeni wakulelive le-Ningizimu Africa, sekucosha lincusa lelive laka-Israel. Lelincusa Ariel Seidman uniketwe emahora langema-72 kutsi abe aphume waphela kulelive leNingizimu Africa, njengobe asolwa ngekudzelela mengameli welive Cyril Ramaphosa etinkundleni tekuchumana. Kuyibuka ngeliso lemhlatiyi...

Mengameli wenhlangano iCONTRALESA, Kgosi Mathupa Mokoena, wenta lubito kubantfu labasha balelive lesebakulungele kuhola kutsi batsatse ematomu kulabaholi balenhlangano lesebakhulile. Motsebe Monareng...

Loyo lobekangumholi wenhlangano lephikisako e-Zimbambwe Nelson Chamisa umemetele kutsi uyabuya  kupolitiki. Chamisa wetfule ngalokusemtsetfweni inhlangano yetakhamuti layibita ngekutsi yi-Agenda 2026 latsi ihlose kulwa nenkhohlakalo kanye nekubanjwa kwembuso ngabhongwane Simeme umhlatiyi wetase-Africa, Advocate Sipho Mantula. 

Imibiko levele ngasekupheleni kwemnyaka wa 2025 itsi iNingizimu Africa isekhatsi kwemave langema-25, langakavunyelwa yinkapani i Gilead Sciences kutsi akhicite i-LANACAPAVIR, lokungu-mjovo wekuvikela umuntfu kutsi angangenwa ligciwane lesandvulela ngculaza. Lenkapani yenta loku nanoma lamave bekayincenye yetinhlelo tekuhlola kusebenta kwalomjovo (Clinical trials). Sicocisene na- Nqobile Ngoma loyi...

Sebatfolakele labantfwana lababili lebaminte emfuleni wase Manyeveni ngase Whitervier kulesifundza se Mpumalanga kuleliviki. Kutfola kabanti ngalesehlakalo, sikhulumisana na Sayitjeni Thulisile Magagula wemaphoyisa akulesifundza se Mpumalanga. 

 Tati ngetemvelo titsi kugucuka kwesimo selitulu lokubangwa kukhicitwa kwemoya longcolile (carbon emmission) ngiko lokubangela lesimo selitulu lesesibonakala siyindida eveni. Kubuka loludzaba ngeliso letati letibuke kunakekelwa kwemvelo sikhulumisana neMnumzane Jack Magongo lovphuma ku-Africa Green Earth Projects.

Ikomiti lebukele umgomo wetetimali kusilulu semabhaange lincume kungayiguculi intalo yemalimboleko i-repo rate. Kukhuluma kabanti ngalesincumo sesilulu semabhange, simeme somnotfi lotimele Umnumzane Mandla Malope.  

Mengameli Cyril Ramaphosa sewuyalele libambela lendvuna yemaphoyisa Firoz Cachalia kutsi asukumise litsimba lelikhetsekile lelitawunonopha liphenye labanye balabo lebatsintseka embikweni wesikhashana welikhomishana laMadlanga. Kuyibuka lendzaba sikhulumisana nesati setindzaba tebugebenfgu ngu Dr Mxolisi Mathebula 

Ugwetjwe dzilikajele Sibusiso Mahlalela, loneminyaka lengema-45 ngelicala lekubulala singani sakhe Fikile Mokoena eBarberton, kuso lesifundza seMpumalanga. Motsebi Monareng uyabika

Senyukile sibalo sebantfu labashonele etingotini temgwaco kulesifundza seMpumalanga kulamaholide lasandza kwendlula ekuphela kwemnyaka. Palesa Sotomela uyasibikela.