Ligwalagwala FM Current Affairs

Emaphoyisa akucinisekisile kutsi lobekayi-rezefu emaphoyiseni Wiandre Pretorius ungulomunye welabo bebalandzelelwa endzabeni yekubulawa kwa-Marius van der Merwe lobekatiwa ngafakazi D kuKhomishana la-Madlanga. Lenkhulumo ilandzela kutibulala kwaPretorius lekwenteke egalashi laphethiloli e Brakpan, emphumalanga ye Jozi. Ngalesikhatsi etfula bufakazi ekhomishaneni laMadlanga, Fakazi D weyamanisa Pre...

Namuhl umhlaba wonkhe ubungata lilanga lesifo sekuwa iInternational Epilepsy Day. Simeme Dokotela Prudence Buthelezi kutosicobela lwati ngalesifo.

Kubangwa yini kutsi bantfu batitfole basetikweletini futsi bagcine bangasakhoni kubhadala. Simeme umeluleki ngetetimali Tebo Mabunda kutosicebisa.

Indvodza lesolwa ngekutfolakala nemazini lamane esikhova beyivele enkantolo yase Mbombela kulesifundza se Mpumalanga ngasekucaleni kwaleliviki. Lendvodza ibukene nelicala lekwephula umtsetfo lobukele kunakekelwa kwemvelo i-Nature Conservation Act no 10 wango 1998. Simeme Umnumzane April Lukhele lovela ka-MTPA.

Esigabeni setfu semabhuku namuhla sibuka libhuku lelibhalwe ngu-Dr David Dube lelinesihloko lesitsii A politically Infested Ccase: Case Number MCCC 18/2021. 

Inkapani lephakela gesi kuleli i Eskom, iphisheke ngekuntjintja tigubhu tagesi letisetjentiswa emakhaya nakumabhizinisi latsite. Lenkapani itsi cishe seyintjintje tigubhu letiisigidzi kuvelonke.  Kepha kuva kabanti ngalendzaba sicocisana nalokhulumela i -Eskom, Dapheny Mokoena.

Ubanjwa namuhla umcimbi wenhlangano ye ANC, kulesifundza se Mpumalanga, wekugubha iminyaka lengu-114 kwasungulwa lenhlangano. Umcimbi lomkhulu wavelonkhe bewubanjelwe e-North West ,ngasekucaleni kwalomnyaka. Kukhuluma kabanti ngalomcimbi wesifundza seMpumalanbga, simeme lokhulumela iANC kulesifundza, Umnumzane Muzi Chirwa ...

Lokhulumela inhlangano  yelusha lweANCYL eMpumalanga, Bonnginkosi Shabangu utsi bafundzi lebatawutfola kutsi tikhungo temfundvo lephakeme lebabhalise kuto atikho emtsetfweni kumele bayovula emacala.

WARNING: Secwayisa labanetinhlitiyo letibutsaka kanye nebantfwana ngalombiko lolandzelako! Lomunye walabafana lebasolwa ngekubulala Lusanda Mathabela lobekaneminyaka leli-19 kulomnyaka lophelile Lungelo Sithole, uvele enkantolo yamantji weMbombela kulesifundza seMpumalanga. Palesa Sotomela uyasibikela

Balinganiselwa emaphesentini lengu-88 bafundzi labaphumelele matikuletjeni kuli-class langa-2025, lekusibalo lesisetulu emlandvweni walelive. Ngekwemibiko, emanyunivesi ayehluleka kwemukela bonkhe labafundzi lebaphumelele kuyochuba tifundvo tabo kuletotikhungo njengoba bangu-46% lebatfole ema-bachelor, babe ngu-28% lebaphumelele ngema-diploma. Kubuka  kutsi simo sinjani kuma-TVET, simeme lokh...

Litiko letemfundvo kulesifundza se-Mpumalanga litsi lidzabukile ngekushona kwemfundzi waka Grade R loneminyaka lesihlanu kumasipala wase-Nkomazi, kulesifudza se-Mpumalanga. Lokhulumela litiko  letemfundvio kulesifundza Gerald Sambo usichazela ngalesehlakalo.

Cishe kuphele emaviki lamatsatfu takhamuti tasedolobheni lase-Whiteriver kulesifundza seMpumalanga tingenawo emanti. Simeme lokhulumela masipala weMbombela Umnumzane Joseph Ngala kutosichazela ngalesimo.

Mengameli wenyonyana i-AMCU Joseph Mathunjwa utsi bosopolitiki abayekele kusebentisa lesimo sase-Lilly Mine kusoma bavoti. 

Lokhulumela imindeni yaletisebenti letintsatfu letagcibedzeleka ematfunjini emhlaba emayini i-Lilly Mine, Harry Mazibuko utsi kuyabatfukutselisa njengemindeni kutsi sekuphele  iminyaka leli-10 hulumende solomane atsembisa kukhipha letihlobo tabo kulemayini. 

Umholi we-ActionSA, Herman Mashaba, utsi utawenta konkhe lokusemandleni kucinisekisa kukhishwa kwaletisebenti letintsatfu letigcibedzeleke ematfunjini emhlaba emayini iLily Mine. Michael Mdluli uyasibikela.

Inkantolo lephakeme kulesifundza se Mpumalanga isemukele sicelo lesiphutfumako lesigunyata iMaster of the High Court kutsi icoke i-curator letawubukana nemsebenti wekwaba imphahla yemufi, lebekulisekela lemengameli David Mabuza. Lesicelo sifakwe yindvodzakati ya Mabuza, Tamara Silinda ngemuva kwekutsi inyuvesi yase Cape Town imtsembiso kumcosha nangabe angabhadali imali tekufundza kanye nendzawo y...

 Litiko letemphilo kulesifundza se Mpumalanga lincusa bahlali kutsi bativikele kulandzela kubhedvuka kwesifo samalaleveva eHlanzeni lalesifundza se-Mpumalanga. Litiko litsi kulenyanaga lephelile kuphela kubikwe tehlakalo letingale kwe-300 talesifo. Sikhulumisana nemphatsiswa wetemphilo eMpumalanga, Sasekani Manzini.

Umhlaba wonke namuhla ubungata lelilanga lekucushisa ngemdlavuta. Sekunekukhatsateka mayelana nekwenyuka kwesibalo sebantfwana lebahlaselwa ngumdlavuta. Kukhuluma kabanti ngalenandzaba simeme uemphatsi weligumbi lelilwa netifo letingemahlalakhona etikweni letemphilo kulesifundza seMpumalanga Nomfundo Nkuna.

Sihlalo wekomiti lebukele litiko letemisebenti yesive ephalamende, Carol Phiri, uvakalise kukhatsateka ngesimo sesakhiwo senkantolo lephakeme yalesifundza se-Mpumalanga lesiseMbombela. Michael Mdluli uyabika 

Bangetulu kwa 170 000 babanjwa labavalelwe etikhungweni tekuvuselela similo kulelive le Ningizimu Afrika. Loku kuvetwe nguNkomishana wavelonke wetemajele Makgothi Thobakgale kuleliviki. Nkomishana Thobakgale utsi loku kusho kutsi emajele alelive sekagcwele ngalokwecile. Lokhulumela lelitiko Singabakho Nxumalo uyasichazela.

Litiko Letemphilo letfule ngalokusemtsetfweni umkhankhaso wekugoma  i-Human Papilloma Virus (HPV) yemnyaka wa-2026 , Lomkhakhanso kuhlose ngawo kugoma emantfombatane laneminyaka leyimfica nangetulu , ikakhulu labo Grade 5, kuze bavikeleke esifeni semdlavuta wesibeletho i-cervical cancer. Kuva kabanti ngalendzaba sicocisene na- Elizabeth Maseti loyi  Program Manager for Expanded Program o...

Litiko letemanti nekuhlanteka litsi lisebentisana nabo bonke labatsintsekako kwetama kulungisa takhiwoncanti lemosheke ngalesikhatsi kunetimvula letinkhulu letahlasela kulesifundza seMpumalanga. Kutfola kutsi tihamba njani letinhlelo tekulungisa simeme lisekela lendvuna yalelitiko letemanti nekuhlanteka, Umnumzane David Mahlobo.

I SABC itfole ngetimbobo temuhlwa kutsi umholi we-DA John Steenhuisen angeke angenele kukhetselwa kuhola lenhlangano kulenkomfa lekulindzeleke ibanjwe kulomnyaka. Simeme umhlatiyi wetepolitiki lotimele Umnumzane Solly Masilela.

Inhlangano yetitjudeni i-SASCO seyivakalise kukhatsateka ngetitjudeni letivukela eNyuvesi yaseMpumalanga kepha tifike tingalutfoli lusito. Sikhulumisene nasihlalo weSASCO kulesifundza, Justice Matidza

Emalunga emndeni walabavukuti lebagcibedzeleka emayini iLily Mine nga-2016 asola hulumende ngekunganaki lusizi lwabo. Michael Mdluli uyasibikela.