Ligwalagwala FM Current Affairs

Mengameli Cyril Ramaphosa ubalule sifo sematelo njengenhlekelele levelele lelive, kantsi kubikwa kutsi sifundza seMpumalanga ngiso sekucala lesihlaseleke kakhulu. Dokotela wetilwane etikweni letekulima kulesifundza seMpumalanga Bheki Cele utsite lesifo sikhahlamete kakhulu masipala wase-Dipaliseng  labatsite eGert Sibande.

Namuhla umhlaba wonke ugubha lilanga lemsakato iWorld Radio Day ngaphansi kwesicubulo lesitsi 'Umsakato kanye nebuhlakani bekwakhiwa iArtificial Intelligence.' Lelilanga  lekubungatwa kwemsakato lasungulwa ngumhlabuhlangene ngemnyaka wa2012 kuhlonipha indzima ledlalwa ngumsakato etimphilweni tebantfu kanye nekuba livi lebantfu. Thato naZandile Nkosi bayabika

Takhamuti taseBarberton kumasipala weMbombela kulesifundza seMpumalanga timashele emahhovisi amasipala tikhala ngemanti. Letakhamuti tisola lomasipala ngekuhluleka kuphakela uMjindi ngetinsita kusukela lomasipala wahlanganiswa neMbombela kwasungulwa iCity of Mbombela. Palesa Sotomela uyenaba

Lokhulumela litiko letemfundvo kulesifundza seMpumalanga Gerald Sambo utsi sicuku semalunga emphakatsi eKwaggafontein singene sasesha bafundzi saphindze sabatsatsela nemphahla yabo. Sambo utsi kuphambana nemtsetfo kungena kwemalunga emphakatsi ayosesha bafujndzi esikolweni.

Takhamuti tase Marite eBushbuckridge, kulesifundza seMpumalanga tifuna hulumende angenelele kulenkinga yagesi kanye nekuswelakala kwemanti. Letikhamuti betivale umgwaco lomkhulu iR40 ngemaloli, njengobe titsi sekuphele tinyanga letimbili inkapani lephakela gesi iEskom yehluleka kubalungisela i-transformer. Michael Mdluli uyabika...

Mengameli Cyril Ramaphosa utsi utawutfumela emasotja kuyolwa nemacembu etigebengu kanye nelabemba timayini ngalokungekho emtsetfweni etifundzeni iGauteng neNshonalanga Kapa. Simeme solwati wetindzaba tebugebengu Dr Mxolisi Mathebula kutewuva yena kutsi uyive njani lenkhulumo yamengameli ikakhulukati kutebugebengu.

Bosolwati betemphilo batsi emazinginga ekushisa laphakeme kakhulu anematfuba ekuba nemtselela lomubi emphilweni yemuntfu. Batsi ngalesinye sikhatsi kushisa kakhulu kwelilanga kubanga kugula lokufana ne-heat stroke. Kutfola kutsi simo  lesinjani  lesi nekutsi singativikela njani kuso, simeme umphatsi weligumbi  letifo letingemahlalakhona etikweni letemphilo eMpumalanga, Fredah Khanda...

Kulandzela inkhulumo leyetfulwe ngumengameli Cyril Ramaphosa lemayelana nebunjalo belive, sicele umhlatiyi wetembangave Njingalwati Bheki Mngomezulu kutosihlatiyela yona. Mngomezulu utsi hulumende kufanele anake kakhulu kutfutfukisa tindzawo tasemakhaya kuze ancobe letinye taletinkinga letikhungetse lelive. 

Umetfuli wetifundvop teDevelopment Studies eUniversity of Mpumalanga, Dr Nsizwazonke Yende, utsi inkulomo yebunjalo belive lekulindzeleke yetfulwe ngumengameli Cyril Ramaphosa kumele itsintse indzaba yekuvuselelwa kwetakhiwoncanti, inkinga yekuswelakala kwemanti kulelive, kuswelakala  kwematfuba emsebentini nalokunye. 

Inkantolo yamantji e-Tonga iphindze yalihlehlisa licala lalendvodza leneminyaka lengama-68 lesolwa ngekugagadlela indvodzakati yayo leneminyaka lengema-23 budzala kanye nemtukulu wayo loneminyaka lemine budzala. Lommangalelwa ungaphandle ngebheyili. Motsebi Monareng uyabika

Inhlangano lelwela emalungelo ebantfu lebakhangeta sondlo sahulumende iBlack Sash itsi ifisa kwangatsi hulumende angachubeka angayivali lemali  lekhangetwa bantfu labangasebenti. Lomelele iBlack Sash Jerome Bele uyasichazela.

Njengoba Mengameli Cyril Ramaphosa atawube etfule inkhulumo yebunjalo belive namuhla,  bantfu labasha nabo batsi bafuna kuva kutsi kutawukhulunywa yini ngekucijisa kabusha emakhono ensha (re-skilling). Simeme Bethuel Zunguza  luphuma  emkhandlwini ;lobnuke tindzaba telusha, i-South African Youth Council.

Umndeni wemholi wendzabuko longasekho emhlabeni we Valoyi Traditional Authority e-Limpopo, Hosi Phylia N'wamitwa wesibili, umchaze njengemholi locotfo, lebekasikhatsalela sive sakhe. Indlovukati N'wamitwa uphangalele ngeMsombuluko sekaneminyaka lengema-85 budzala. Indlovukati yacopha umlandvo ngekutsi ibe-ngumholi wendzabuko wekucala longumake. Sicocisana nemengameli  weCONTRALESA Kgosi Mathu...

Inkantolo lenkhulu e Mbombela ilihlehlisele emnyakeni lotako, lelicala lebamangalelwa lababili lebasolwa ngekubulala thishelanhloko wasesikolweni semabanga laphakeme iMahlatsi Solomon Mdluli. Motsebi Monareng uyasibikela.

Umhlatiyi waseNyuvesi yase-Jozi losegunjini lelibuke kusebenta kwabomasipala Professor Busani Ngcaweni usichazela kabanti ngekutsi iyini inkhulumo yebunjalo belive futsi ibaluleke ngani.

Inkantolo yamantji eNasipoti kulesifundza seMpumalanga, ilihlehlisele umhla ka-16 ngenyanga letako, licala la-Sidwell Khosa losolwa ngekubulala bantfu lababili. Nonkululeko Shongwe uyabika..

Litiko lemfundvo lesisekelo letfule luhlelo lwekufundzisa ngelulwimi lwelibele, ngenjongo yekutfutfukisa lizinga lekuvisisa tifundvo kubafundzi. Kepha kubonakala kwangatsi kunanamanye emalunga emphakatsi langasinambitsisi kahle lesinyatselo sekufundziswa ngelulwimi lwasekhaya tifundvo letifana naboMaths, Physical Science kanye naletinye letingasilo lulwimi. Simeme Umnumzane Elphus Maseko lophum en...

Inhlangano ya-Mhlabuhlangene ibonge hulumende wakulelive le-Ningizimu Africa netakhamuti talo ngekutibophelela iminyakanyaka etinhlelweni talenhlangano tekugcina kuthula. Loku kulandzela sincumo  samengameli Cyril Ramaphosa sekuhocisa emasotja alelive labekasaseyincenye yeluhlelo lwe MONUSCO eDRC, ngemuva kweminyaka lecishe ibe ngemashumi lamatsatfu. Kuyibuka lendzaba, sikhulumisana nemhlatiy...

Onke emehlo ayobe atsite njo kuMengameli Cyril Ramaphosa njengobe utawube etfula inkhulumo yebunjalo belive kusasa ebusuku kusukela ngensimbi yesikhombisa. Sicocisana nemhleli wetindzaba tepolitiki khona lapha ka-SABC Mzwandile Mbeje. 

Umhlaba wonke ubungata lilanga lekusebentisa bucwepheshe besimanje ngendlela lephephile (Safer Internet Day).  Simeme umetfuli wetifundvo tevbuchwepheshe eDUT,  Siphumelele Zondi kutokhuluma ngaloludzaba..

Umphenyi lotimele Paul O'Sullivan ucbhubekile nekuvela phambi kwekomidi yesikhashana ephalamende namuhla. Kuva kabanti ngebufakazi bakhe sikhulumisana nasolwati ngetebugebengu Dr Mxolisi Mathebula.

Takhamuti tase Sheba ngase-Barberton tikhala ngekutsi masipala weMbombela uyehluleka kusombulula lenkinga yekuswelakala kwemanti leyacala kuhlupha lomango nga-2019. Linyenti laletakhamuti litsi seliphila ngemanti aseticojeni nasemfuleni wendzawo. Michael Mdluli uyabika.

Inhlangano  yebafundzi i-COSAS yente lubito lekutsi litiko letemfundvo  eGauteng  alimise  kufundza  kutotonkhe  tikolo  kulesifundza  kudzimate  kusonjululwe  letinkinga  letikhungetse  banikati  betimoto  letitfwala  bafundzi. Bafundzi  lababalelwa  ema-300  basele  bete  kwekuhamba  e-Villa...

Sihlalo wekomiti yesikhashane ePhalamende lephenya tinsolo tebugebengu nekugcmabukela kwetepolitiki emsebentini wemaphoyisa, Soviet Lekganyane, utsi batsembise fakazi lotako Paul O'Sullivan kutsi kutawucinisekiswa kuphepha kwakhe nakavela phambi kwalekomiti. O'Sullivan, longumphenyi lotimele, bekafuna kwetfula bufakazi bakhe ngekusebentisa buchwepheshe besimanje ngoba atsi ucabangela kuphepha kwak...

Indvuna yelitiko lemcebo lombiwaphasi netemandla Gwede Mantashe sewubite kutsi emave ase-Africa asebentisana kute kusimame umnotfo wawo. Mantashe ukhulume loku ngalesikhatsi avule lenkomfa lebuke tindzaba tetimayini, iMining Indaba, eKapa namuhla. Simeme mengameli weAMCU, uMnumzane Joseph Mathunjwa kutobuka kubaluleka kwalenkomfa.