Ligwalagwala FM Current Affairs

Letinye tinhlangano temphakatsi ticele hulumende kutsi abuyekete umtsetfo wakuleli , titsi awavuni takhamuti kunaloko ubonakala ubeka embili bangaphandla . Sikhuluma nje lelitiko letasekhaya liphishekile lilalela luvo lwebantfu mayelana neluhlaka lolubuyeketiwe lwemgomo wetebuve, kungena kwebantfu kulelive kanye nekuvikeleka kwebakhoseli, i- Draft Revised White Paper on Citizenship, Immigration, a...

Likomiti lasephalamende lesikhashane leliphenya ngetehlakalo tenkohlakalo emaphoyiseni selibite somabhizinisi wase North West Brown Mokgotsi kutsi atovela ngembi kwalo . Ngaphambilini, Mokgotsi bekadze angafuni kuvela kulo lelikomishana lapho akhale ngekuphepha kwakhe njengaletinye tetizatfu. Kantsi nenhloko yema-Hawks, eKZN, Major General Lesotja Senono uhlangene netimbila titfutsa kuKhomishana l...

Lisekela lendvuna yelitiko letemfundvo lephakeme nekucecesha, Nomsa Dube-Ncube utsi tikhungo temfundvo lephakeme kufanele tetfule tinhlelo tekufundzisa ngetebuchwepheshe, pheceleti e-lerning, kuze titowemukela bantfwana labanyenti. Dube-Ncube ucela batali kutsi bagcugcutele bantfwana kutsi bayofundza kuma-TVET.

Kuyandza kukhatsateka kubafundzi labaphumelele matikuletjeni kulomnyaka lophelile  mayelana nekuswelakala kwetikhala tekufundza etikhungweni temfundvo lephakeme.  Sikhulumisana namengameli wenhlangano yebafundzi South African Union of Students (SAUS), Moses Nkambako.

Sikhungo lesitimele lesilawula tekuchumana, i- Independent Communications Authority of South Africa (ICASA) igcine ilugoba luphondvo lwekucindzetelwa bosopolitiki mayelana nekuphunta kwema-data langakasebenti. Sikhulumisana nemetfuli wetifundvo tgebuchwepheshe eDUT, Siphumelele Zondi.

Emalunga emphakatsi nebalimi baseMashishing, kulesifundza seMpumalanga, bakhala ngesimo lesibi semgwaco lebawusebentisa onkhe malanga. Palesa Sotomela uyasibikela.  

Inyuvesi yeMpumalanga itsi ungemanga lombiko lotsi iyatemukela ticelo tekufundza letifakwa ngemuva kwesikhatsi. Sikhulumisana nelibambela laloyo lobuke kubhaliswa kwebafundzi eUniversity of Mpumalanga, Nokukhanya Shongwe.

Tinyenti kakhulu kulomnyaka ticelo tekufundza letitfolwe yiNyunivesiyeMpumalanga Mthobisi Mkhaliphi uyabika

Thishela Lerato Ramabodu lofundzisa esikoleni i Makwane eQwaQwa eFree State,ucophe umlandvo ngekutsi bafundzi bakhe labenta matikuletjeni batfole 100% esifundvweni sakhe se-Physical Science iminyaka leyimfica ilandzelana. Ramabodu utsi ufundzisa kusukela ngeMsombuluko kudzimate kube Lisontfo. Kukhuluma ngekutilungiselela kwethishela nemfundzi, simeme lowake waba nguthishelanhloko wase-Jacob Mdluli...

Inhlangano yematekisi i-SANTACO itsi bulimele budlelwano emkhatsini wabomalume lebatfwala bantfwana kanye nebatali eGauteng. Lokhulumela iSANTACO kuvelonkhe Rebbeca Phala utsi bahlela umhlangano nabomalume lebatfwala bantfwana kanye nahulumende kutewubonisana ngetindlela tekusebentisana kancono.

Sicocisena nemphatsi lomusha wenyuvesi yase Mpumalanga, Njingalwati Thenjiwe Meyiwa  kutotfola tinhlelo lanato ngalenyuvesi. 

Inhlangano yetitjudeni iSASCO ivakalise kukhatsateka ngekutsi banyenti bantfwana labangeke betitfole tikhala tekufundza etikhungweni temfundvo lephakeme. Sikhulumisana nalophuma kulenhlangano yeSASCO eMpumalanga, Siyabonga Shabalala.

Inyonyana yetemphilo iNEHAWU kulesifundza seMpumalanga ivakalise ksemukela sinyatselo sahulumende wesifundza sekutfumela tisebenti tetemphilo letifaka ekhatsi bodokotela emitfolamphilo nasetibhedlela tesifundza. Mabhalane weNEHAWU kulesifundza, Welcome Mnisi.

Inhlangano ye ActionSA ,seyimemetele kutsi itawusebentisana nenhlangano iAzanian Community Movement kanye ne-Creatives Congress Movement, njengobe kubangwe elukhetfweni lwabomasipala. Sikhulumisena na-Lerato Ngobeni lokhulumela i-ActionSA kuvelonke.

Litiko letemphilo kulesifundza seMpumalanga litsi kunyenti lesekwentiwe kutfutfukisa lizinga lekuniketwa kwetinsita emitfolamphilo yalesifundza. Mthobisi Mkhaliphi uyabika

Inyonyana i-SAFTU itsi iyahambisani nekukhushulwa kwemiholo yabosopolitiki labasetikhundleni letisetulu nga 3.8%. Lemali itawukhushulelwa bantfu labafaka ekhatsi liphini lamengameli, tindvuna tematiko nemasekela ato, boNdvunankulu, baphatsiswa nemalunga ephalamende. Simeme mabhalane jikelele we SAFTU, Zwelinzima Vavi.

Kuyandza kukhatsateka emangweni mayelana nendlela bantfu basebentisa ngayo tinkhundla tekuchumana ikakhulukati nangabe kunengoti yemgwaco leyentekile. Tati ngetekuchumana ngebuchwepheshe tecwayisa ngekutsi bantfu kufanele banake ngendlela lebasebentisa ngayo tinkundla tekuchumana njengoba labanye kutsi nakwenteka ingoti lehlatimulisa umtimba babese batfwebula titfombe betifake etiunkundleni tekuch...

Bafundzi labanyenti nabaphotfula matikuletjeni bachubeka netifundvo tabo etikhungweni temfundvo lephakeme kepha labanye batsatsa umnyaka bahleti emakhaya kute batitfole kutsi bafuna kwenta ini emphilweni. Kantsi labanye kukholwakala kutsi bahlala ngobai bangakatfoli tikhala tekufundza etikhungweni temfundvo lephakeme. Simeme Thulisile  Mgidi loyi-General Manager esikhungweni lesihlomisa bafun...

Umphatsiswa welitiko letekubusa ngekuhlangayela, kuhlalisewa kwebantfu kanye netindzaba tebahoili bendzabuko kulesifundzeni se-Mpumalanga Speedy Mashilo utsi ngetulu kwekukjatsateka ngekugcwala kwemadamu, kepha bakhala kakhulu ngemadamu angasese lamanye langakakheki kahle kantsi abeka engcupheni imphilo yebahlali ngalesikhatsi setimvula.

Namuhla esigabeni sekucubungula emabhuku sibuka lelibhalwe ngu-Pertunia Lehoka lelitsi "Beyond the Outburst."

Mengameli wenhlangano iOperation Dudula, Zandile Nkosi utsi kubadvonsita matima batali bebantfwana bakuleli labahluleka kutfolelela bantfwababo tikhala etikolweni ngenca yekugcwala kwebafundzi labachamuka ngaphandle.

Umphatsiswa welitiko letekuphepha kwemphakatsi, kuvikeleka kanye nekuchumana eMpumalanga Jackie Macia ukugcekile lokwandza kwetehlakalo teludlame etikolweni takulesifundza. 

I Southern African Fraud Prevention Services (SAFPS) yecwayisa bantfu ikakhulukati bafundzi kutsi bacaphele tigebengu letibalutsa ngekubatsembisa imifundzate kantsi tifuna imininingwane yabo leyimfihlo.   Simeme Buhle Motsweni lophuma kulesikhungo iSAFPS kutocwayisa ngalomkhuba.

Emalunga e-EFF abambe umlindzelo atilungiselela kuvela kwemholi walenhlangano Julius Malema enkantolo. Malema kulindzeleke avele enkantolo yamantji e-East London eMpumalanga Kapa namuhla kutewuva  ngesendlalelo sesigwebo langahle aphanyekwe sona ngelicala lekudubula sibhamu emkhatsini webantfu. Kuyibuka lendzaba simeme lilunga leEFF ephalamende, Mbali Dlamini.

Lokhulumela masipala weMbombela Joseph Ngala utsi ulinganiselwa ngetulu kwetigidzi letingemakhulu lamatsatfu umonakalo lobangwe ngulemvula lenkulu kulomasipala.