Leefwêreld van die Gestremde

Wat is terapie-honde? Piet du Toit van Caring Friends vertel hoe mense met gestremdhede by hierdie inisiatief kan baat.

Fanie du Toit gesels met Tania Melnyczuk en Shaun du Toit oor die invloed van Asperger-sindroom op die mens en sy omgewing.

Wat is die korrekte behandelingsmetodes vir artritis? Kan die impak van hierdie toestand vertraag word? Fanie du Toit gesels hieroor met Annelie Roos, ’n fisioterapeut.

Hoe het Hein Wagner trauma in ‘n triomf te verander? Hein vertel hoe dit voel om met ’n seiljag van Kaapstad af na Rio te vaar en om die blinde landspoed rekordhouer van 322,52 km per uur te wees.

Dr. Chris Nel van die Unversiteit van die Vrystaat bespreek die oorsake, simptome en behandeling van artritis.

Fanie du Toit gesels met Johan Viljoen, voormalige nasionale direkteur van die Nasionale Raad vir Persone met ‘n Liggaamlike Gestremdheid in Suid-Afrika. Sy opvolger, Therina Wentzel, vertel ook van die uitdagings wat op haar skouers rus.

Fanie du Toit kyk na die toeganklikheid van die Moreleta-kloof Natuurreservaat in Pretoria.

Fanie du Toit kyk na die tweejaarlikse kongres van die Nasionale Raad vir Persone met Liggaamlike Gestremdheid in Suid-Afrika wat in Port Elizabeth plaasgevind het.

Margot Luyt gesels met die aanbieder van Leefwêreld van die Gestremde, Fanie du Toit, oor hoe dit voel om ná 29 jaar van stilte, weer funksioneel te kan hoor.

Die Tour de Kaap is ‘n wedren wat jaarliks met groot suskes aangebied word. Thomas Micklem vertel meer oor sy deelname aan hierdie wedren en die verskil wat dit aan gestremdes se lewens maak.

Niel du Toit van Bloemfontein vertel hoe gestremdheid sy daaglikse lewe raak. Sake wat bespreek sal word, is die beskikbaarheid van hulpmiddele vir mense met ’n mobiele gestremdheid en die impak van druksere.

Hoekom is daar nog soveel onsekerheid oor die identifisering van en ondersteuning aan mense met outisme? Dr. David Griesel vertel meer oor die impak van outisme op die mens en sy omgewing.

Estelle Randall vertel van haar ervarings ná ‘n ernstige motorongeluk.

Fanie du Toit gesels met André Maree oor hoe ’n duikongeluk sy leefwêreld verander het.

Fanie du Toit kyk na die baanbrekerswerk wat Blind SA doen om inligting in Braille aan die blinde gemeenskap beskikbaar te stel.

Fanie du Toit gesels met die sanger Jannie du Toit oor ‘n projek wat poog om teaters en die kunste toegankliker te maak vir mense met gestremdhede.

Fanie du Toit gesels met Ronel Kleynhans oor hoe interaktiewe drama gebruik kan word om ’n houdingsverandering ten opsigte van gestremdheid mee te bring.

Wat is die rol van die arbeidsterapeut in van-skool-na-werk oorbruggingsprogramme vir kinders met gestremdhede? Fanie du Toit gesels hieroor met Colette van der Westhuizen.

Watter uitdagings ervaar mense met gestremdhede op die platteland? Ferdie van Eeden van Ficksburg deel sy leefwêreld met ons.

Word gestremdes se reg tot inligting en kommunikasie genoegsaam beskerm? Thelma Kotze van Johannesburg vertel hoe die behoefte aan tolkdienste aangespak behoort te word.

Fanie du Toit gesels met ds. Jan Oberholzer van Worcester oor ‘n dissipelskapkursus vir Dowes en die Dowe Ekumeniese Forum.