Əkinçi

Bütün dünyada pandemiya dövrü ən çox əziyyət çəkən qruplar cəmiyyətin həssas və marginallaşmış qrupları oldular. Bu qruplardan biri də narkotik maddələrə asılılığı olan insanlardır. Tədqiqatçı Aysel Sultan ilə narkotik asılılığına dəstək xidmətləri haqqında söhbət etmişik.

Kinotəndiqçi Hacı Səfərov deyir ki, son zamanlar müstəqil rejissorların çəkdiyi filmlər beynəlxalq festivallarda uğur qazansa da, yerli auditoriyanın əksəriyyəti onları tanımır. Qonağımız bunun səbəbləri haqda fikirlərini bölüşür.

İqtisadçı Əhliman Abbasov deyir ki, rifah siyasətləri, əslində, iqtisadi produktivliyin və iqtisadiyyat üçün faydalı ola biləcək resursların artmasına səbəb olur.

Kurikulum üzrə mütəxəssis Yuliya Kərimova deyir ki, şagird naliyyətlərinin yüksəlməsi üçün məktəblər təkmilləşməlidir, məktəblərin təkmilləşməsi üçün müəllim keyfiyyəti təkmilləşməlidir, müəllim keyfiyyətinin təkmilləşməsi üçün isə müəllimlərin peşəkarlıq standartları olmalıdır.

İqlim böhranının get-gedə kəskinləşdiyi dövrdə dünyanın hər yerində ətraf mühit məsələlərinə qarşı biganə qalmaq istəməyən insanların sayı artır. Azərbaycanda bu proses nə yerdədir? Eko-aktivist Cavid Qara ilə Azərbaycanda və dünyada eko-aktivizm haqqında söhbətləşmişik.

Poliqlot təlimçi Aslan Məmmədzadə deyir ki, yeni bir dil öyrənərkən ən vacib məqam dinləməkdir. Qrammatika, yeni sözlər öyrənmək isə işin ancaq 20-30 faizini əhatə edir.

Sosial şəbəkələrdə gördüyümüz xəbərlər, siyasətçilərin çıxışları, inandığımız miflərin doğru olub olmadığını necə bilə bilərik? “Fakt Yoxla” məhz bunun üçün mövcuddur. Qonağımız Əhəd Əhədli ilə dünyada və Azərbaycanda “Fakt Yoxla” trendi haqqında danışmışıq.

Sosial şəbəkələrdə təhqir, təhdid və böhtanla üzləşmək bizə qarşısı alınması mümkün olmayan bir hal kimi görünsə də, bu əslində, belə deyil. Real həyatda olduğu kimi rəqəmsal dünyada da hüquqlarımız var.

Demokratik sistemlərdə vətəndaş cəmiyyətinin fəal iştirakı vacibdir. Bəs Azərbaycanda vətəndaş cəmiyyətinin vəziyyəti nə yerdədir? Hüquqşünas Akif Qurbanov ilə vətəndaş cəmiyyətini necə inkişaf etdirməli mövzusunda söhbət etmişik.

İnsanların əksəriyyəti brendlərdən sosial məsələlərə, ayrıseçkiliyə qarşı mövqe qoymaqlarını tələb edir. Bəs istehlakçılar olaraq, öz üzərimizə düşən məsuliyyətimizi nə qədər dərk edirik? Marketoloq Fərdi Rəhimli ilə brendlərin cəmiyyətdəki dəyişikliklərdə rolundan danışmışıq.

İqtisadçı Rəşad Həsənov deyir ki, pandemiyadan əvvəl dayanıqlı inkişaf məqsədləri istiqamətində müəyyən bir yol qət edilmişdisə, pandemiya dövrü bütün bu prosesləri bir xeyli arxaya atdı. Yoxsulluq dərəcəsinin yenidən artmasını buna misal göstərmək olar.

“Bizim gənclər sosial məsələlərə biganə qalmırlar. Əgər həmin o niyyətlər varsa, biz tamamilə fərqli düşüncə tərzi ilə sosial problemləri cəmiyyətimizdə həll edə bilərik.” Gənclər niyə sosial sahibkarlıqla məşğul olmalıdırlar? Sosial sahibkar Sara Rəcəbli danışır.

Vüsalə Məhərrəmova deyir ki, veqanlıq haqqında ən böyük miflərdən biri veqan həyat tərzinin bahalı olmasıdır. Halbuki günlük istifadə etdiyimiz meyvə, tərəvəz, çərəzlər və digər onlarla məhsul veqandır və ət, süd məhsullarından qat-qat daha ucuzdur.

Təhsil İnstitutunun layihə rəhbəri İlahə Rəsulova deyir ki, oxuduğumuz sözlərin mənasını başa düşürüksə, bu həm də oxuduğumuzu anlayırıq mənasına gəlmir, oxuyub anlama çox daha mürəkkəb bir bacarıqdır.

Valideynlərimizlə olan münasibətimiz həyatımıza böyük ölçüdə təsir edən ən vacib insan münasibətlərindən biridir. Sağlam valideyn-övlad münasibəti qurmaq üçün nə lazımdır? Uşaq inkişafı üzrə ekspert və təlimçi Vüsalə Əhmədlə pozitiv valideynlik haqqında söhbət etmişik.

Psixoloq Nərmin Rəhimli deyir ki, insanlar autizmin xəstəlik yox, fərqlilik olduğunu qəbul etsələr, autizmli uşaqların həyatı daha da asanlaşar. Onunla autizmdə müalicə və müdaxilə metodları haqqında müsahibəmizi buradan izləyə bilərsiniz.

Yaşadığımız şəhərlər daha çox insanlara, yoxsa avtomobillərə xidmət edir? Bloger-urbanist Anar Əliyevlə insan yönümlü şəhərlər haqqında söhbət etmişik.

Elektron valyutalar gələcəkdə ənənəvi pulu əvəzləyə bilərmi? Rəqəmsal maliyyə üzrə mütəxəssis Günel Musayeva ilə rəqəmsal maliyyə trendləri haqqında danışmışıq.

Azərbaycan ərazisindən keçən trans-sərhəd çayları müxtəlif tullantılarla çirklənir və ətraf mühitə böyük ölçüdə zərər vurur. Bəs bu tullantıları tənzimləmək üçün hansı tədbirlər görülür? Ətraf mühit məsələləri üzrə ekspert Rövşən Abbasov izah edir.

Mental sağlamlıq vəziyyətimiz həyat keyfiyyətimizə böyük ölçüdə təsir göstərir. Bəs özümüzün və ətrafımızdakıların mental sağlamlığı haqqında nə qədər bilirik? Psixoloq Cəmilə Rəhimli ilə müsahibəmizi izləyin.

“Hər iki tərəfdə eyni dil danışılır, eyni problemlərdən əziyyət çəkir insanlar, eyni mədəni köklərə sahibdir. Bu əlaqələri qurmaq hər iki tərəfə ancaq fayda verər.” Bloger Elvin Cəbizadə ilə İran Azərbaycanı kinosu və iki ölkə arasında mədəni körpü haqqında danışmışıq.

Azərbaycanda ədəbiyyat və sənət qonşu ölkələrlə müqayisədə daha az inkişaf edib. Bəs bunun səbəbi nədir? Yazıçı Cavid Ramazanovla müasir Azərbaycan ədəbiyyatının problemləri haqqında söhbət etmişik.

“Çalışmaq lazımdır ki, səndən sonrakı insanlar üçün yaratdığın məkanlarda onların xatirələri formalaşmış olsun.” Necə memar olmaq olar? Memar Urfan Məmmədov ilə söhbətimizi izləyin.

Vəkil Zibeydə Zəkəriyyəyeva ilə son həftələr müzakirə mövzusuna çevrilmiş şəxsi həyata hörmət hüququ haqda söhbət etmişik.

Caz musiqisi Azərbaycanın musiqi tarixində yeni bir ənənə deyil, Sovet dövründən bəri bu musiqi inkişaf edərək öz xüsusi auditoriyasını tapa bilib. Bəs bu gün caz musiqisinin Azərbaycandakı vəziyyəti nə yerdədir? Bəstəkar Afşin Əlizadə ilə bu mövzu haqqında söhbətləşmişik.