Driesestig

Van 2018 af het Tangible Africa aflyn rekenaarkoderingsklasse na skole wêreldwyd gebring met hul Tanks en Boats-programme. Nou is daar Juicy Gems, ’n koderingsprogram wat ook ’n kennis van landbou verg. ’n Internasionale Juicy Gems koderingstoernooi is pas gehou vir leerders in enige graad. Die wenner is die tienjarige Jonah Kruger, ‘n graad 4-leerder van die Laerskool Lorraine in die Baai. Marisk...

Gabrielle Brook en Ruben Cruickshank vertel vir Martelize Brink van die United Space School wat hulle binnekort by NASA in Houston, Texas, gaan bywoon.

’n Kroeg in Engeland is as politieke party registreer. Die doel hiervan is eintlik om die kroeg op 77 000 stembriewe te adverteer.

Gerhard Boerssen vertel van Kaapstad se Hhistoriese Europese gevegskunsklub waar jy leer om soos in die Middeleeue met swaarde te veg.

Koshistorikus Hetta van Deventer-Terblanche praat oor Middeleeuse speserye soos asafoerida, duiwelsdrek.

Nick van der Westhuizen vertel vir Martelize Brink van die 328 eenhede bloed wat hy oor 54 jaar en 7 maande geskenk het.

Die gholfbaan van Silvies Valley Ranch in Oregon in die VSA het buitengewone joggies. Bokke word opgelei om die gholfstokke te dra op die baan wat te steil is vir gholfkarretjies.

‘n Sakeman van Durbanville, Febbie Malherbe, het pas Die Comrades-marathon voltooi. Hy het in April ook aan die uitmergelende Marokko-sandwedloop oor ses dae in die Saharawoestyn deelgeneem. Daar was 870 deelnemers, wat die ses skofte van 250 km in 40 grade Celsius getakel het. Johan Rademan het oorgedraf om met Febbie te gesels.

Monique Schreiner van die SA Bloeddiens praat oor die behoefte aan bloedskenkers op die die vooraand van Wêreld Bloedskenkdag.

Doktorale student Teneille Nel vertel van die wêreld se oudste aktiewe termietheuwels wat in Suid-Afrika gevind is. Van die heuwels is 34 000 jaar oud!

Denemarke het ’n verbod geplaas op Suid-Koreaanse ramen. Die land se voedseladministrasie het bevind dat dié kitsnoedels so warm is met soveel capsaïsien in een pakkie, dat dit tot akute vergiftiging kan lei.

Damaris Kiewiets praat oor haar aktivisme vir gesondheid, mense regte en sosiale ontwikkeling. Sy is veral bedrywig in die platteland.

Haidee Muller-Isaacs vind meer uit van Abundant Village, waar die plaaslike inwoners ondersteun word om deur middel van toerisme en 'n eko-leefstyl, selfonderhoudend te word en nie net van buitelandse donasies afhanklik te wees nie.

Skaapboer Jurie Muller vertel van sy Gonzo-branderplanke wat hy van skaapwol maak.

‘n Toeristeaantreklikheid in China, die Yunghung-grotte, het in 2023 driemiljoen besoekers gehad. Dit is op van 1,98 miljoen in 2019. Dié toestroming het hulle genoodsaak om verbeteringe aan hulle toiletgeriewe vir dames aan te bring. Die keuse het op ‘n tydhoutoestel by elke toiletdeur geval, wat wys hoe lank daardie deur toe is.

Dawie Botha praat in SO IS DIE LAND GEBOU oor hoe ons die gaping tussen die verlede, die hede en die toekoms van Suid-Afrika kan oorbrug.

Jane Gelderman van die Fisantekraal Sentrum vir Ontwikkeling vertel hoe hul mense oplei in basiese vaardighede soos rekenaars, ontvangsetiket en gasvryheid. Deel van die program is dat die

Vickie de Beer praat oor ‘n lewe met diabetes in jou huis, en gee praktiese raad.

Ikea het tien poste vir regte mense om op die Roblox-rekenaarspeletjieplatform in hulle virtuele winkel te werk.

Krish Lewis van die Twee Oseane Akwarium in Kaapstad vertel vir Martelize Brink van koraal, en die uitdagings wat dit deesdae in die gesig staar.

Mariska Spoormaker het gaan kuier by Chris Muller, oud-skoolhoof en sy vrou Elise, wat sonder ’n oomblik se huiwering vir jou sal sê een van hulle kinders is ’n vark. Haar naam is Mona, sy weeg 110 kilogram, en wanneer sy verjaar, sing Elise vir haar...

Stefan Gerber vertel vir Martelize Brink van sy wolverwerkingsfabriek in die Paarl, wat sorg dat die volledige wolwaardeketting van begin tot einde weer op plaaslike bodem te vinde is.

‘n Spaanse atleet in die 20km-stapitem by die Europese Atletiekkampioenskap is haar bronsmedalje kwyt toe sy vyf meter voor die wenstreep haar plek op die podium begin vier het, en sy twee meter voor die wenstreep van agter verby gegaan is.

Facebook-plasings wat wys hoe ‘n groep branderplankryers in hulle viertrekvoertuie oor die groen heuwels van die Wildekus ry om die ideale branders te vind, het dr. Div de Villiers, voormalige hoof van die Oos-Kaapse Groen Skerpioene, rooi laat sien. Hy het aan Mariska Spoormaker gesê dié soort video’s skep die indruk skep dat jakketrakke kan maak soos hulle wil wanneer hulle die Wildekus besoek.

Koshistorikus Hetta van Deventer-Terblanche praat oor gemmer, borrie en galangal.