Driesestig

Dot Gerhold vertel vir Martelize Brink hoe sy na vier huwelike geweet het wat sy nié soek nie. Toe het sy vir Mike deur ‘n romantiese afspraakwebblad ontmoet.

’n Nascar-renjaer wat sy oorwinning gevier het, het van sy kar se dak afgeval en sy sleutelbeen gebreek.

Die afgelope tyd het dit weer op sosiale media gegons oor Suid-Afrika se mees misterieuse bed, naamlik die dubbelbed koperkatel wat in die veld langs die N9 tussen Aberdeen en Graaff-Reinet staan. Die mense verwys na die bedgraf op die Aberdeen-pad, en die stories hieroor is meer as die hare op n hond se rug. Maar weet enigiemand wat die ware verhaal agter die katel is? Mariska Spoormaker het onde...

Kos- en kultuurhistorikus Hetta van Deventer-Terblanche praat oor suksesvolle vroue met speseryondernemings.

In Suid- Korea is daar beurse by ‘n universiteit vir bergklim. Daar is 70 van die beurse beskikbaar, en ‘n student moet in die res van die jaar ses berge klim om die volle bedrag te ontvang.

Jean Naude vertel vir Martelize Brink van die geskiedenis van Suid-Afrika se oudste wyn, en hoe dit tans vereer word. Napoleon het glo ‘n bottel ‘n dag van hierdie Muscat-wyn van Groot Constantia gedrink.

Charlene Saal help die mense van Bellville-Suid om bekostigbare huise te kry. Sy werk vir 'n nie-winsgewende organisasie wat hulle leer van hulle regte. Sy vertel sy is ’n pastoorskind, en haar ouers het altyd met behoeftiges gedeel. Sy het haar ouers se barmhartigheid geërf.

Dieetkundige Valpré Huisamen praat oor die TikTok-gier, fibre maxxing, en sy sê Suid-Afrikaners kry juis te min vesel in.

Die Hambone-toekennings in die VSA is vir diere wat vir vreemde redes by die veearts opdaag. Een van die finaliste is ‘n bulhond se olikheid nadat sy ‘n opgestopte alligator geëet het.

In Lowena Lawrence se hart en huis in Bonteheuwel is daar altyd plek vir nog. By haar kry jy brood en bid, en neem met jou saam die vrede wat alle verstand te bowe gaan. Die kinders in die omgewing word na haar aangetrek soos ’n magneet, en vind 'n tuiste by die Kids' Club. Sy neem ook leiding by 'n groep vroue wat bid by die verskillende skole in Bonteheuwel en uitreik na die smokkelhuise in die...

Estelle du Plessis praat oor die Vroue-Landbouvereniging van Kaapland se rol in die gemeenskap oor hulle 96-jarige bestaan.

Luke Wintrip het vir Sarah 43 keer om haar hand gevra voor sy eindelik na sewe jaar ja gesê het!

Linda Celliers vertel vir Martelize Brink van die seekos- en aartappelbedryf op Prins Edward-eiland, Kanada se kleinste provinsie.

Thinus le Roux se stokperdjie om ou swart en wit foto’s van die Anglo-Boereoorlog in te kleur, het ongekende belangstelling gaande gemaak. Hy skuif nou met ‘n opvolguitgawe van die konvensionele na die guerillaoorlogvoering se foto’s. Johan Rademan het met hom gesels.

Caroli Diener praat oor borsvoeding en die rol daarvan in omgewingsvolhoubaarheid.

Die Aalborg-dieretuin in Denemarke vra dat mense ongewenste troeteldiere, spesifiek gesonde hoenders, hase, marmotte en perde skenk as kos vir hulle karnivore.

Susan Ferreira en Karlo Hendrickz vertel van die Maine Coone, die reus van die katwêreld, en die Devon Rex, wat die pixie of apie van daardie wêreld genoem word.

Jare lank het die Baaienaar Jenny Heunis haar man versorg wat met demensie moes saamlewe. Haar uitdagende versorgingspad het uiteindelik na die stigting van ‘n ondersteuningsgroep vir mense in soortgelyke situasies gelei. Charleen Fridey, ‘n maatskaplike werker, verduidelik aan Mariska Spoormaker hoekom só n ondersteuningsgroep so belangrik is.

Marie Henning vertel vir Martelize Brink hoe sy Willie ontmoet het met Landbouweekblad se Opsitkers. Toe hy kom kuier het, bring hy vir sy aanstaande skoonma ’n pampoen!

Italiaanse boere het draaihekke opgesit waar jy vir toegang tot hulle privaatgrond moet betaal. Dis gedoen om toeriste te ontmoedig. Die toue van tot 4 000 mense elke dag maak dat meer mense nou kom kyk wat daar te sien is.

Kos-en kultuurhistorikus Hetta van Deventer-Terblanche praat oor lemmetjies en swart lemmetjies.

José Caballero was besig met ‘n wedstryd vir Tampa Bay Rays teen die New York Yankees. Tydens die wedstryd is ‘n transaksie beklink waar hy deel geword het van die Yankees, sy naam toe reeds verwyder uit die Rays se spanlys, en het hy vir sy nuwe kamerade in hulle klubhuis drukkies gaan gee.

Dermatoloog dr. Barbara van der Westhuizen praat oor die funksie van neushare, en watter neushare jy maar kan verwyder, en hoe.

In Indië is daar grafstene met QR-kodes op. As jy dit met ‘n foon skandeer, sien jy die storie van die gestorwene op ‘n webblad.

Magdaleen Smit van Plettenbergbaai is só passievol oor sampioene dat sy Mariska Spoormaker geïnspireer het om voortaan op die uitkyk vir sampioene te wees wanneer sy deur veld, vlei en bos loop. Magdaleen se sampioenstalletjie by ‘n markdag in Kouga het selfs peuters nadergelok.