Driesestig

Haidee Muller-Isaacs loer in by 'n kraamhuis in Parow in die Kaapse noordelike voorstede. Haidee Muller-Isaacs loer in by 'n kraamhuis in Parow in die Kaapse noordelike voorstede. Verloskundige Crystal Esau vertel van haar passie vir die natuurlike geboorteproses, en hoekom sy doen wat sy doen. Verloskundige Crystal Esau vertel van haar passie vir die natuurlike geboorteproses, en hoekom sy doen w...

Melanie Brummer se Upcycled Cloth Collection is vereer by die Ecological Awards. Sy het ‘n wêreldwye gemeenskap van 250 000 mense gebou, wat tekstielafval verminder deur dit te omskep in nuwe skeppings.

Julian Taylor vertel van die lewe in Tasmanië, Australië.

Op 15 was sy die jongste nóg om die 33 km Valsbaai-oorsteek-swem te doen, met net ‘n swembroek in die koue water. Kaylee Mouton en haar ma Chantell vertel van die aand toe hulle op dié avontuur besluit het.

Maryke Musson, die uitvoerende bestuurder van bewaring, opvoedkunde en kommunikasie by die Suid Afrikaanse Vereniging vir Marine Biologiese Navorsing, praat oor sandkrappe.

Die skooljaar is verby, en daarmee saam ook ‘n loopbaan by die skool. Haidee Muller-Isaacs gesels met Juffrou Margareth Cloete. Sy was voorheen in die nuus omdat sy met haar matrieks by klaskamers by Hoërskool Springbok intrek om net op die eksamen te konsentreer. Sy het intussen afgetree, maar dit beteken nie sy is klaar met die leerders en haar planne om te help nie.

Peet van Staden vertel van sy liefdespad met Fadela, wat in April 1989 by Westlake Gevangenisdiens Opleidingskollege begin het.

Ons hoop om jou te oorreed om met Suid-Afrika se agterpaaie te reis, en by ‘n paar vergete dorpies aan te doen. Johan Rademan en Jurgens Schoeman vat die stuur op die agterpaaie.

Kos- en kultuurhistorikus Hetta van Deventer-Terblanche praat oor fleurografie, en die gebruik van plante as simbole.

Haidee Muller-Isaacs kuier by Tash van Zyl. Die afgelope 10 jaar is haar Durbanville-tuin in 'n kostuin omskep. Dit het nou ’n opleidingsplatform vir ander geword.

Trourokke kry deesdae ‘n tweede lewe deur dit professioneel te laat kleur om weer te dra. Andersins hang dit mos net in ‘n kas.

Hoekom bied sekere maatskappye sabbatsverlof aan werkers? Hoe werk so iets? Is dit voordelig op die ou end? Hoe maak mens optimaal gebruik van só 'n geleentheid? Haidee Muller-Isaacs steek kers op by 'n bekende Sondagkoerant se redakteur, Inge Kuhne, wat tans op sabbatsverlof is.

Dieetkundig Valpré Huisamen praat oor die voedingsdigte aanvulling Spirulina.

Hermes het ‘n pakkie van drie skaapleer-pleisters vir $200 op hulle adverteer. Die idee is dat jy ’n lelike merk op iets op ‘n modieuse manier verbloem. Dis egter nie meer beskikbaar nie.

Die breë Afrikaanse kultuurerfenis kry ’n nuwe digitale lewe met die bekendstelling van Nuuseum, ’n nie-winsgewende organisasie wat daarop gemik is om Suid-Afrika se diverse Afrikaanse geskiedenis, kuns, musiek, landbou, en sport vir toekomstige geslagte te bewaar. Johan Rademan het met die hoof van Nuuseum, prof. Lizabé Lambrechts, gesels.

Dr. Mandie Uys praat oor die oorsprong van bygelowe - van antieke gelowe tot meer moderne Feng Shui en gelukbringertjies.

In Japan is daar nou wasmasjiene vir mense. Jy gaan lê, en alles word vir jou gedoen. Teen R6,5 miljoen elk is die eerste twee reeds verkoop.

Douw Cloete vertel vir Martelize Brink van Langebach in Duitsland, waar hy en sy Nederlandse vrou ‘n gastehuis in ‘n woud het.

Christiaan Lochner praat oor gemeenskapsgedrewe bewaring by Heroldsbaai Natuurreservaat, met sy kusfynbos en inheemse woud.

’n Man van Kanada is meer as ‘n miljoen Kanadese dollar kwyt nadat die polisie die kontant op verskeie plekke op sy eiendom gekry het waar dit weggesteek is. Daar is ‘n moontlikheid dat 15 000 Kanadese dollar eerlik bekom is, so dit kon hy hou. Die res is vermoedelik dwelmgeld.

Dr. Marienne de Villiers praat oor die belangrike rol van vlermuise, veral vir die landbou.

Kobus Matthee vertel vir Martelize Brink hoe dinge in die jagveld vir hom en Sonja in plek geval het.

‘n Fout het gemaak dat berekeninge vir 51 passasiers op ‘n Qantas-vlug nie gemaak is nie. Vir vlugdoeleindes was daar 4 291 kg, wat nie in berekening gebring is nie.

Chris Oosthuizen staan aan die bestuur van ‘n privaatskool tussen Aliwal-Noord, Zastron en Lady Grey. Sy groot ontvlugting is om die omgewing se bergpasse te verken, waar hy as ‘n bergpasgids optree. Johan Rademan het saam met hom deur die passe gedraf.

Maruis Slabbert vertel vir Martelize Brink van die handgemaakte botter by Spitskop, en gee resepte waar jy dit kan inspan.