Driesestig

Chili het die afgelope twee dekades geweldig gegroei as toerismebestemming. Die Patagoniese wandelroete op sy grens met Argentinië is deesdae 'n wenslysplekkie vir baie toeriste. Vir 'n jong Suid-Afrikaner, Vlok van Wyk, wat twee jaar gelede, ná skool, Chili toe is, was daar ander geleenthede wat hy met albei hande aangegryp het. Johan Rademan gesels met Vlok oor rugby in Chili.

Christopher Rothmann vertel vir Martelize Brink van sy onderneming wat brouersgis aan mikrobrouerye verskaf.

Ion Gerber vertel vir Martelize Brink hoe selfversekering werk.

MJ du Preez gesels met Martelize Brink oor Hlokomela, 'n bekroonde HIV/Vigsopleiding- en behandelingshawe in die Groter Kruger to Canyons-gebied in Limpopo en Mpumalanga.

Verena Ras vertel vir Martelize Brink van haar loopbaan as marinebioloog, en die ontdekking van 'n nuwe jellievisspesie.

Kliniese sielkundige Gert Janse van Rensburg vertel vir Martelize Brink van die toename in dobbelverslawing tydens die grendeltyd.

Ontwerp en styl is so oud soos die mens self. Daar is bewyse dat van die grootste invloede in die ontwerp van meubels, gebeure in die geskiedenis is. So byvoorbeeld is meubelontwerpe van die jare 60 en 70 sterk beinvloed deur die eerste maanlanding. Jacqui January gesels met meubelhandelaar Wim Castelman oor sy liefde vir klassieke stukke wat soms waardevolle beleggings kan wees.

Suster Olivia Pharo vertel vir Martelize Brink van haar gesin se Covid-19-ervaring.

Antoinette Jacobs vertel vir Martelize Brink van outomatisering in die werksplek.

Izak Smit vertel vir Martelize Brink wat die kriteria is vir wyn om as uitstaande beskou te word.

Hoewel daar algemene reëls in die inperkingstyd is, word gemeenskappe verskillend geraak deur die pandemie. Die boerderygemeenskap van die landelike dorpie, Citrusdal, moes pro-aktief optree om die verspreiding van Covid-19 te probeer voorkom. Johan Rademan het by Louis Rontgen, sakeman en voorsitter van die Gemeenskapspolisiëringsforum, en by ander rolspelers uitgevind hoe die gemeenskap die uitd...

Bykans 50 jaar gelede het Fernando Brás, 'n vlugteling uit Angola, met net sy motor en die klere aan sy lyf, in Suid-Afrika aangekom. Hy het as kelner gewerk tot hy sy eie restaurante in Port Elizabeth kon oopmaak, en groot sukses daarmee behaal het. 'n Deel van Fernando se wenresep was die Taliban, 'n sous wat saam met braaihoender bedien word. En vandag, jare ná Fernando se afsterwe, is die sous...

Haidee Muller gesels met Surita Riffel oor haar herkoms, en kosmaak wat in haar familie se bloed loop.

Tuinboukundige Ernst van Jaarsveld vertel vir Martelize Brink van aalwyne, wat hierdie tyd van die jaar blom.

Huck Orban vertel vir Martelize Brink van Underberg en die Suidelike Drakensberg.

Maiveen Boehme en Marinda Casalvolone gesels met Martelize Brink oor bejaardes wat geboelie word.

Veearts Ingrid de Wet praat oor die oog- en oorprobleme wat troeteldiere ervaar.

Dr. Linda Meyer gesels met Martelize Brink oor alternatiewe tot aflegging.

Anri Manderson gesels met Martelize Brink oor Hoedspruit Hub se agro-ekologiese program.

Lizette Booys vertel vir Martelize Brink hoe sy graad 4 tot 6 Wiskunde verduidelik as Wiskunde Juffie op YouTube en sosiale media.

Lizelle Coombs gesels met Sue Pyler oor sake-ondersteuning in kwesbare gemeenskappe, en die impak van groot ondernemings se reaksie op Covid-19.

Martelize Brink gesels met dr. Aardt du Preez oor sy passie en intensiewe studies oor kleur. Hy het oorspronklik 'n doktorsgraad in stedelike behuising. Daarna het hy sy fokus na kleur en ons daaglikse interaksie daarmee verskuif. Hy het ondermeer 'n kursus by die Skandinawiese Kleurinstituut in Stokholm in Swede voltooi, en ook verskeie kursusse oor die biologiese effek van lig en kleursielkunde.

Waldo en Angelique Naude gesels met Martelize Brink oor hul multi-dissiplinêre benadering tot kuns en stelontwerp. Waldo verduidelik hoe sekere emosies in die gehoor opgewek word deur die gebruik van kleur in stelontwerp.

Gerugte het dit dat Skollie, die wêreldberoemde vierpoot- toergids van die Baviaanskloof, gevrek het weens ouderdom. Vir 14 jaar lank het hy besoekers ingewag en vooruit gedraf om die pad deur 'n asemrowende kloof in die Baviaanskloofberge te wys. Mariska Spoormaker hoor by Anina Bezuidenhout, Skollie se mens-ma, of die gerugte waar is oor hierdie geliefde Baviaanskloofhond.

Wie is jou gunsteling persoonlike handelsmerk? Daar is 'n hele paar voorbeelde - van Bill Gates tot Oprah Winfrey. Jy het ook jou eie handelsmerk. Hoe sien die wêreld jou? Martelize Brink uit wat 'n persoonlike handelsmerk is, hoe dit gebou word en watter uitwerking kleur op jou handelsmerk het.