Driesestig

Maryke Musson van die Twee Oseane Akwarium vertel vir Johan Rademan en Martelize Brink meer van volhoubare akwakultuur.

Sandra Prinsloo gesels met Johan Rademan oor die verwerking van Elsa Joubert se roman, Spertyd, wat sy weer planke toe bring.

Veearts dr. Ingrid de Wet gesels met Johan Rademan oor honde en katte wat jeuk.

Marius Strauss is ‘n gebore Namakwalander, wat ‘n restaurant besit en ‘n braaier van formaat is. Hy is ook ‘n ywerige versamelaar van kultuurhistoriese items, Africana en artefakte wat strek van swepe, knipmesse, rookpype, koperpotte, swartkruitvoorlaaiers, statebybels tot musiekspelers en boeke. Johan Rademan het by sy huis gaan inloer en met die man wat deesdae in Parow sy restaurant bedryf, maa...

Joani van Vuuren vertel vir Martelize Brink van die SABS se nuwe standaarde vir handreinigers, en die implikasies daarvan vir verskeie rolspelers.

Marieke Kruger vertel vir Martelize Brink van die rehabilitasie van en werkskepping vir oudgevangenes deur middel van visuele kuns.

Ben Nel vertel vir Martelize Brink van twee organisasies se ondersteuning aan outehuise en bejaardeklubs in die Vredendal-omgewing.

Dr. Gerhard Niemand praat oor voedselgeurmiddels en hoekom dit gebruik word.

Minette van Zyl vertel vir Martelize Brink van 133 atlete wat soveel keer moontlik in agt dae 'n roete oor Tafelberg hardloop ten bate van liefdadigheid.

Deon Robbertze vertel vir Martelize Brink van 'n herwinde plastiekproduk wat by beton gevoeg word om die land se plastiekprobleem aan te pak én om infrastruktuur te ontwikkel.

Stellenbosch se wynroete is vanjaar 50 jaar oud. Dis in 1971 gestig deur Frans Malan, Spatz Sperling en Niel Joubert. Haidee Muller-Isaacs het meer gaan uitvind.

Alta Swanepoel praat oor voertuigomskakelings en die wetlike aspekte daarvan.

Johan Rademan gesels oor die erepenning waarmee die Suid-Afrikaanse Akademie vir Wetenskap en Kuns hom vereer het vir sy hoorbeeld, Breyten Breytenbach - 'n Ander skakering.

Verlede jaar hierdie tyd was dit die streng grendeltydperiode, en baie mense het hulle eie groente begin plant. Maro Swanepoel van Despatch is een van hulle. Ons het verlede jaar met haar oor haar groentetuin in plantbokse gepraat. Mariska Spoormaker het by Maro op Despatch gaan inloer om te kyk hoe haar groentetuinsake nou staan.

Maryke Josling vertel vir Johan Rademan en Martelize Brink hoe sy te werk gaan met aanlyn-kookklasse waaraan selfs vierjariges die voorskoot kan aantrek.

Louise Brodie vertel vir Johan Rademan en Martelize Brink oor die skep van korporatiewe video's.

Roy Lubbe gesels met Johan Rademan en Martelize Brink oor gasveiligheid.

In die vorige bydrae het ons gehoor hoe Asja Strydom, leerkrag by die Despatch Voorbereidingskool, Oosterse oefeninge inspan om die leerdertjies beter te laat konsentreer in die klas. Die hoof van die skool, Madelène Sachse, het vir Mariska Spoormaker gesê dat die Covid-19-beperkings baie hoë eise aan onderwysers stel om die leerders so goed moontlik te onderrig.

Die een dag by die huis, die ander dag by die skool ingevolge die pandemie-protokolle, maak die leerlinge onder meer lui en hulle aandag dwalend, is gevind by Despatch Voorbereidingskool. In een klas word Oosterse konsentrasie-oefeninge elke dag aangebied om die leerdertjies te help om gefokus te bly. Mariska Spoormaker het gaan kyk hoe dit by die skool gedoen word.

Hennie Voster gesels met Johan Rademan en Martelize Brink oor die uitdagings om 'n atipiese kind groot te maak.

Floris Steenkamp van DuToit in die Koue Bokkeveld het vir Haidee Muller-Isaacs gewys hoe 'n mens eintlik appels pluk, en dat die woord, KNEUS, soos 'n vloekwoord is wanneer jy appels pluk. Floris vertel vir Haidee om te boer is sy hartsbegeerte, en dat hy nooit ooit iets anders wil doen as dit nie.

Hannes du Preez vertel vir Johan Rademan en Martelize Brink van Suid-Afrika se vyfde grootste dam, die Jozini-dam.

Die dertienjarige Philip Botha vertel vir Johan Rademan en Martelize Brink hoe hy stopmotion-animasie doen.

Pieter Kotzé vertel vir Johan Rademan en Martelize Brink van die vordering met die restourasie op Wupperthal.

Gary Janeke vertel vir Martelize Brink van die gemeenskapsondersteuning wat Strong Schools Community Collaborative aan 13 laer inkomste skole in die Helderberg bied.