Driesestig

Haidee Muller-Isaacs gesels met kosskrywer Errieda du Toit oor die 2022 Food XX-toekenning as kosikoon wat haar onlangs te beurt geval het. Errieda was een van 19 vrouebaanbrekers wat die meeste stemme uit sowat 500 kandidate van die publiek ontvang het. Dit bewys weer eens dat Errieda diep in mense se harte gekruip het tydens haar etlike jare in die kosbedryf.

Dr. Hendrik Botha praat oor werkloosheid onder die jeug, en oplossings vir die probleem.

Veearts dr. Annelie Cloete praat oor die verantwoordelikhede van diere-eienaars.

Prof. Darelle van Greunen vertel van C-Vive, ‘n gratis toepassing wat vir kankerpasiënte en hulle geliefdes meer inligting gee oor kanker en wat om te verwag. https://play.google.com/store/apps/details?id=com.outsystemsenterprise.nmucct. CWordYourGuide&hl=en&gl=US

Jeffreysbaai het nou ook deel geword van die No Mow-beweging, wat kortliks daarop neerkom dat die bye eers die stuifmeel van die veldblomme in die parke en langs die sypaadjies kan geniet, voor dit gesny word. Mariska Spoormaker het Jeffreysbaai besoek en by Soria Swart van Dorp van Drome gehoor dié kusdorp se No Mow-inisiatief het by ‘n enkele inwoner begin.

Samantha Aarons-Cupido vertel vir Martelize Brink hoe koeëlvastebaadjies werk.

Brunhild Strauss is die Nasionale Raad vir en van Persone met Gestremdheid se ontwikkelingsbestuurder in Namakwaland. Sy dinamika verseker dat sy streek elke jaar beter doen as enige ander gebied in Suid-Afrika met Loslitdag en met Nappy Run. As rolmodel , wat self 'n parapleeg is na 'n ernstige ongeluk , maak hy 'n reuse impak op die platteland met dienste aan persone met gestremdheid. Haidee Mul...

André Coetzee vertel vir Martelize Brink van sy deelname die naweek aan die lugskou by die Randse Lughawe in sy Airwolf-styl helikopters.

Dominee Johan Janse van Rensburg vertel van die die Niewoudtville-gemeente wat op groot skaal pannekoek bak vir die blommetoeriste in Namakwaland.

Haidee Muller-Isaacs kuier by Ashley September, ‘n oud-siviele ingenieur wat deesdae 'n kampioen-duiweboer is.

Jacques Janse van Rensburg vertel vir Johan Rademan en Martelize Brink hoe groot bome verplant word.

Akteur De Klerk Oelofse gesels met Johan Rademan en Martelize Brink oor sy lewe op die planke en tussen die plante.

Terwyl goeie reën steeds wegbly uit die opvangsgebiede van Nelson Mandelabaai se belangrikste opgaardamme, is daar ‘n langtermyn-weervoorspelling dat reën nóg skaarser mag word in dié gebiede. Hugh van Niekerk, ‘n metereoloog van die Baai se weerkantoor, het met Mariska Spoormaker hieroor gepraat.

Regine le Roux vertel vir Johan Rademan en Martelize Brink hoe Re. Bag. Re. Use VHS-videokasette se magneetband gebruik om produkte soos handsakke en strooikussings te maak.

Wayne Oberem vertel vir Martelize Brink van Suid-Afrika se trompoppies wat in September in Kroasië aan die Wêreldbeker gaan deelneem.

Johannes Potgieter stof sy herinneringe af toe hy ‘n internasionale trompoppie-beoordeelaar was. Hy vertel vir Johan Rademan dat jy Proteakleure kan verwerf, en mans kan ook deelneem aan dié sportsoort wat by SASKOK geaffilieer is.

Die vierjarge Stehan Knuppe en sy ma, Cornel, kuier by Martelize Brink in die driesestig-ateljee voordat hy weer chemoterapie vir kanker moet kry.

Hoewel daar geen onteenseglike bewyse is nie, sê dr. Marlena Kruger dat elektromagnetiese besoedeling die gesondheid van die mens kan beïnvloed. Jacqui January gesels met haar oor die behandeling en voorkomingsmaatreëls teen teen hierdie soort besoedeling.

Staatsveearts dr. Annelie Cloete verduidelik wat staatsbeheerde dieresiektes is, soos bek-en-klouseer.

Het jy al gehoor van ‘n hond wat ’n man se skoene, en daarna sy kouse kan uittrek? Mariska Spoormaker het dit met haar eie oë beleef toe sy Daniel Theron en sy dienshond, Sanjo, by hulle huis in die Baai gaan besoek het. Daniel is van sy bors af ondertoe verlam in ‘n motorongeluk elf jaar gelede.

Ds. Heerden van Niekerk vertel vir Martelize Brink hoe kerke die Covid-19-aanslag oorleef het. Sy Welgemoed-gemeente hou byvoorbeeld ‘n kunstefees.

Maryke Visagie gee vir Johan Rademan ‘n resep vir tuisgemaakte seeppoeier vir jou skottelgoedwasser.

Reëlings is al goed aan die gang om die Oos-Kaap se eerste Seniorburger-koorfees op 17 September in Jeffreysbaai aan te bied. Wat dié koorfees meer uitsonderlik maak, is dat kore en individue van minstens tien Oos-Kaapse dorpe ingeskryf het om deel van die fees te wees. Mariska Spoormaker het by een van die kooroefeninge in Gqeberha die bekende koordirigent, Bouwer van Rooyen, gevra om meer te ver...

Daleen Schoombee vertel vir Johan Rademan van vanjaar se Clanwilliam-veldblomskou.

Nico en Daleen Koen bedryf ‘n privaatskool in Suid-Afrika, en het onlangs oorsee gaan toer. Hulle vertel van hulle ervaring, en hoe dit afspeel teen hulle Suid-Afrikaanse agtergrond. Johan Rademan het met die egpaar gesels. Nico deel ook talle interessante feite oor die gebruik van riviere in Europa, hoe warmer temperature ‘n rol speel op watervlakke, en hoe dit die ekonomie kan bedreig.