Driesestig

Daniela Marais vertel hoe jy veilig kan wees op TikTok.

Prof. Egmont Rohwer praat oor lugskepe, en hoe veilig helium vir hierdie doel is.

Nadia Schrenk gesels oor haar werk as dierefisioterapeut.

Haidee Muller-Isaacs was op die stel van 'n nuwe rolprent wat gemaak word van Deon Meyer se boek, Proteus. Cobus van den Berg en Jorrie van der Walt vertel van die uitdagings, planne beraam wanneer die weer sleg is, en watter groot verskil begrotings maak. Fliekmaak is een groot legkaart wat konstant ontwikkel, sê hulle.

Elré Clarence vertel vir Martelize Brink van die uitdagings wat diabetes vir kinders inhou.

Dr. Danie Malherbe vertel vir Martelize Brink hoe gis werk.

Die Stigting vir Bemagtiging deur Afrikaans is vanjaar 30 jaar oud. Haidee Muller-Isaacs gesels met professor Michael le Cordeur oor die projekte wat hulle aanpak om gemeenskappe te bemagtig, en veral die chemie-projek waarby hy nou betrokke is.

Neil Swart en Anouchka Horn vertel vir Martelize Brink hoe hulle fynproewerkos op groot skaal maak.

Mariska April, Christoff en Ilse Pauw gesels oor hulle ervaring as lede van die Libertaskoor.

Martelize Brink gesels met ‘n vroue bierbrouer van Pretoria, wat gevra is om haar vaardighede in die Swartland ten toon te stel. Angelique Kieser was ‘n argitek wat tydens die grendeltydperk besluit het bierbrou is haar ware passie.

Eric R. Kok gesels oor sy loopbaan as skrywer, filmmaker en gemeenskapsaktivis. Sy rolprent Liesbet is onlangs met vyf toekenings by die Thokoza-filmfees vereer.

Theo Kleynhans gesels oor sy aanslag tot keramiek, en hoe sy werk hom ses maande van die jaar na Spanje neem.

Ná vier dae se dryfwerk met die gholfstokke en 250 inskrywings van 16 lande, is 44 kampioene is verskeie afdelings as die 2022 Ultimate Long Distance-kampioene aangewys. Die vroue-amateur Ope-afdeling is deur ‘n Suid-Afrikaner gewen. Johan Rademan het met Ethel Ruthenberg in die VSA gesels.

Suzanne Kotze gesels oor die jongste modetendense, spesifiek dopamienmode.

Kobus du Preez vertel vir Johan Rademan en Martelize Brink van President Brandstraat in Bloemfontein met sy historiese geboue en moderne glaspaleis.

Erwin Kupke gesels Oor sy dansprestasies. Dié agtjarige het gekwalifiseer om Suid-Afrika by die wêreldkampioenskappe te verteenwoordig. Sy afrigter, Marike Nel, wat ‘n wêreldkampioen is, gesels saam.

Daniel Kritzinger vertel vir Johan Rademan en Martelize Brink van ‘n internasionale groep avonturiers wat gaan poog om die eerste mense te word om die 3700 km lange Noordwes-deurgang, wat die Atlantiese oseaan en die Stille oseaan verbind, te roei. Daniel is die spandokter.

Elize Parker vertel vir Martelize Brink hoe om te werk te gaan met terapiediere by die werk.

Haidee Muller-Isaacs gesels met Cobus van den Berg, wat ’n lewe van syfers verruil het vir films maak.

Christiaan Erasmus vertel vir Martelize Brink hoe hy ‘n lewe in Istanboel verruil het vir twee jaar sonder krag en lopende water in Eswatini.

Dr. Angelique Kritzinger verduidelik vir Martelize Brink hoe fotosintese werk.

Tussen Helenvale en Bethelsdorp in die Baai se noordelike voorstede kan voetslaners deesdae die Khoi-staproete volg, en minstens ‘n honderd jaar in die geskiedenis terugloop. Jy kan selfs van die plaaslike Khoi-leierskap èn Dr. Wragtag ontmoet, het Mariska Spoormaker gevind toe sy soontoe gegaan het.

Michelle Greyvenstein vertel vir Martelize Brink van die vele gebruike van turksvye.

Hugh Amoore en Prof. Henk Geertsema vertel vir Johan Rademan en Martelize Brink van die Internasionale seëltentoonsteling wat binnekort in Kaapstad plaasvind.

Johan Fourie vertel vir Haidee Muller-Isaacs van sy grootworddae as plaasseun op De Hoop buite Oudtshoorn, toe die lewe nog sorgeloos was en hier nog water en ‘n groot landbougemeenskap was. Hy dink met heimwee terug, en vertel wat hy alles van daardie wêreld kan onthou.