Diario cultural | Noite

“Hai que ofrecer olladas diversas do rural porque segue habendo moito preconceito sobre como é ou como foi a vida no rural”. As memorias da infancia protagonizan Cinco corujas o novo libro da escritora Susana Sanches Arins.

“O artista é unha ferramenta da súa sociedade” afirmaba Leopoldo Nóvoa. O Museo Provincial de Lugo acolle a mostra retrospectiva “Leopoldo Nóvoa. O silencio da pintura”.

“É volver encontrarme co que me importa. Este traballo rompeu inercias”. Avelina Pérez estrea “Desde ese silencio”, unha peza para dez persoas que explora a intimidade no espazo escénico

“Leilía queda no imaxinario da xente”. Leilía despídese dos escenarios e pecha o círculo co disco Vidas Cantadas e os concertos “Anque me vou non me vou”. Falamos con Felisa Segade.

Vinte autores e autoras debaten e reflexionan sobre a profesionalización, a edición, a proxección internacional, os novos públicos , os vínculos interartísticos, a lingua e o xénero e as identidades no Congreso de Poesía Nova que organiza a AELG. Escoitamos a Rosalía Fernández Rial, Antía Otero, Eduard Velasco, Andrea Nunes Brións e Patricia Torrado.

“(a Glez Millan) interésanlle os conflitos e moitas veces os estudos literarios non falan de conflitos, falan de orde, teñen unha obsesión coa orde”. Arturo Casas é un dos editores do volume Xoán González-Millán. A projeçâo de um pensamento crítico que revisa o traballo do investigador en diálogo con especialistas actuais.

“Segue a ser un tabú falar das enfermidades mentais graves”. O corpo de Cristo, a novela gráfica de Bea Lema, seleccionada para o premio do Festival Internacional de Cómic de Angouleme. A autora traballa na adaptación da obra a curtametraxe de animación.

“Cando se ven en continuidade poden parecer as mesmas músicas”. Luís Soto presenta Haydn en Guláns, o novo proxecto musical de Fisión Atlántica Ensemble, xunta catro cuartetos para frauta e trío de cordas do compositor austríaco coas danzas de Reis de Guláns.

“Neste proceso atopeime a min e atopei a miña tía, a persoa detrás da poeta” Bruno Arias estrea en Cineuropa o filme Os espazos en branco un camiño pola memoria de Xela Arias.

Comeza en Ourense o Congreso “Patrimonio Cultural Inmaterial e educación: ponte entre escola e sociedade”. Falamos con Xerardo Feijóo e Raquel Rey.

“Estamos nun mundo ruidoso de máis”. O músico Benxamín Otero presenta Gardar a auga un traballo musical gravado no alxibe do Castelo de San Antón.

O Centro Dramático Galego estrea no Festival de Teatro de Viana do Castelo “Manuela Rey is in da house”. A obra recupera a figura da actriz de orixe galega que triunfou en Lisboa no século XIX.

“Foi un desafío enfrontar unha temática que sempre está moi vinculada co confesional”. A escritora Oriana Méndez publica 'Chairas. Sucesións', unha historia de dous que se amplifica no pensamento poético de quen escribe.

As fronteiras protagonizan a sétima edición de Ffoco, o festival de fotografía da Coruña amplía espazos e formatos.

A Intelixencia Artificial centra I Foro da Industria Galega do Audiovisual que comeza na cidade da Coruña.

“Compostela é, a día de hoxe, o único encontro que existe na península ibérica e o segundo europeo” . Comeza a sexta edición do Encontro Internacional Compostela Ilustrada. Falamos con Gemma Sesar, coordinadora.

Afundación inaugura a exposición 'Xeometría Mundi'. A mostra, comisariada por Juan de Nieves, aborda de forma simultánea o traballo de Luís Caruncho en distintas disciplinas.

“É un libro sobre a experiencia de vivir o deserto”. Ana Cabaleiro publica 'Xa vemos palmeiras', entre a autoficción, o caderno de viaxe e o texto memorialístico.

“O máis difícil é compaxinar os diferentes estilos do jazz na programación diaria”. Comeza o XXXIII Festival Internacional de Jazz de Lugo que programa 24 concertos ata o 19 de novembro. Falamos con Alberto Grandío, director do festival.

Pilo Sierra lidera o proxecto musical Satélite Salitre, gañador da décimoquinta edición do Concurso Fran Pérez "Narf".

A dous meses do ano do centenario do pintor Tino Grandío, o Museo Provincial de Lugo abre sala monográfica e en Compostela a exposición 'Correspondencias. Tino Grandío' procura vínculos coas artes visuais últimas. Aurelia Balseiro é a directora do Museo Provincial de Lugo e Iñaki Martínez Antelo, un dos comisarios da mostra 'Tino Grandío. Correspondencias'.

"A muller ten que asumir no poder o rol masculino ou pode romper con el?” Camila Bossa protagoniza con Luis Iglesia Testosterona, a nova montaxe de Malasombra Producións. Falamos con ela e con Xoque Carbajal, director da obra. 'Deadpan Karaoke' é a nova montaxe realizada por Ibuprofeno Teatro.

Os 40º Premios Xerais entréganse este sábado no Parador de Baiona. Este ano recoñécense a novela 'Ninguén contará a verdade', de Pedro Feijoo; a novela xuvenil 'Furia', de María Reimóndez, e a obra infantil 'A botella de lentellas', de Leticia Barbadillo. O noso colaborador Óscar Losada fainos un repaso das actuacións do día no Womex.

A xunta directiva da Asociación Premios da Crítica de Galicia acordou que o ditame da XLVIª edición dos Premios da Crítica de Galicia 2023 se celebrará o sábado 28 de outubro no centro social Afundacion de Vigo, acto en que se recoñecerá a Bieito Ledo Cabido como presidente fundador da entidade, tras a laudatio de María Xosé Porteiro. Charlamos co protagonista.

Na Fundación Laxeiro de Vigo inaugurouse a exposición “O que hai. Obxecto, materia e o cotián nos tempos da precariedade”. Alberto Santos é o comisario da mesma.